صحتي وسلامتي

[الضاميه]

مرحبا ابلات الروضه وجميع ابلات المنتدى:eh_s(17):


ابي تحضير للاسبوع الاول من صحتي وسلامتي مع الهدف العام وجزاكم الله خير


تعبت وانا انطر الموجهه


:eh_s(17): :eh_s(17): :eh_s(17):

 

[زلابيا]

الضاميه شفييييج نطري تو الناااااس :eh_s(13):

انا والابلات اللي معاي ليلحين ما حضرنا بالدفتر مال هالاسبوع كاتبينه بورقه خارجيه وليلحين ما نقلنا شرايج :eh_s(15):

نطريني الثلاثاء اخلص اجتماعي مال الامهات واكتبلج اوكيك

 

[الحياة]

صحتي وسلامتي ليش شصاير...؟؟

غلطانة ليش شاقحة وايد جدامج غذائي... ولا منتي محضرته
ههههههههههه​

 

[pink rain]

صحتي وسلامتي حق مستي اول وغذائي حق ثانية الحياة ياانا دايخة واجتماع الامهات ملعوزني ياانتي ههههههههههههه

 

[الضاميه]

مشكورين بس انا مستعجله لاني ابي اجهز من الحين حق الموجهه

 

[الضاميه]

زلابيااااااااااااا وينج

 

[زين البدر]

السلام عليكم


طبعا احنا بمنطقة مبارك الكبير مطبقين علينا نظام بلوم الله يقطعه من نظام


ضيعونا اكثر والله


بس راح احطلج تحضيرنا


السبت
يتعرف على الحواس الخمسه
يصغي لنصائح الآخرين
يميز مجموعه من الأصوات

الأحد
يعدد أدوات النظافه
يستخدم أدوات النظافه الخاصه به
يستكشف أماكن أدوات النظافه في الفصل

الأثنين
يذكر أهمية الفرشاة ( صورة فرشاة )
يتابع تنظيف اسنانه قبل وبعد الأكل
يفحص أسنانه عند طبيب الأسنان


الثلاثاء
يربط العدد ( 2 ) بمدلوله من خلال مصادر الغذاء
يشارك بإعداد وجبة متكاملة
ينسخ العدد 2

الأربعاء
يشير الى الغذاء
يحرص على تناول الغذاء الجيد
يقلد حركة غسل اليد




هذا تحضيرنا


تكفون منو من منطقة مبارك الكبير ابي اعرف


بصراحه النظام اللي مطبقينه عندنا جدا سخيف في طريقة التحضير

والله حدنا ضايعين والأهداف اسخف من السخافه لو تلاحظون

ان شاءالله يفيدونج اختي

وسامحيني ع القصور

 

[زلابيا]

امبييييييه سامحيني نسيييييييييييييييت

والله حدي تعبانه

المهم ... تره هذا تحضيرنا السنه اللي طافت والمشرفه امس ما جيكت عليه مادري شحقه !!!!

السبت :

يتعرف على اعضاء جسمه

الاحد:

يتعرف على الغذاء المفيد

الاثنين:

يربط العدد 2 من خلال ادوات النظافه

الثلاثاء:

يتعرف على صورة فرشاة من خلال اهمية النظافه

الاربعاء:

يتعرف على اهمية الفرشاة للانسان

 

[اصاله]

السلام عليكم ورحمة الله وبركاته كيف الحال إن شاء الله دوم بخير ؟ أنا مو مدرسه بس بنتي اول روضهوابي منبه للدرس ادري بتقولون ليش بس مشتهيه اقدم خدمه لابلتها عشان تحب بنتي

 

[اصاله]

تكفون ردوا علي

 

[الضاميه]

تسلمووون يااحلى ابلات


واحنا طريقتنا على نظام بلوم هالسنه

 

[زين البدر]

اها يعني انتي مثلنا


الله يعيننا



شرايج فيه يالضاميه

 

[زلابيا]

شنو بعد هالنظام!!!!

جنه مار علي يوم بالكليه؟؟؟

شسالفته جان زين تعلموني عشان انصدم قبل لا انصدم

 

[الحياة]

اصالة لا تقدمين منبه لانه صعب عليج شوي

بس تدرين اهيه خبرتهم الحين صحتي وسلامتي لو تسوين لوحة حلوة كبيرة تحطين فيها صور ادوات النظافة كبار ومجسمات وهالسوالف حلوين.. ويفيدون الابلة​

 

[زين البدر]

الله يسلمج اهو مجموعه من الافعال
تقسمينها على ايام لاسبوع في التحضير


يعني خلاص تقولين حق كلمة يتعرف باي باي

مثلا الجانب المعرفي ينقسم حق 6 اقسام

اللي اهي
التذكر ، الفهم ، التطبيق ، التحليل ، التركيب ، التقويم
وطبقا كل قسم تندرج تحته مجموعه من الافعال

اما الجانب الوجداني ينقسم حق 6 اقسام اللي اهي

الانتباه ، التقبل والاستجابه ، التقييم والتقدير ، تكوين الاتجاه ، التنظيم القيمي ، تكوين القيم

ومثل اللي قبله كل قسم تندرج تحته افعال


اما الثالث اللي اهو الحسي الحركي نفس الطريقه


الله يسلمج

لازم ترتيبن تحضيرج على اساس تدرج هذي الاقسام وتاخذين الافعال منها

لو تراجعين التحضير اللي انا حاطته حق الاخت اللي طالبه التحضير بتعرفين الطريقه


طبعا اهو نظام جدا سخيف ويمكن انا ضيعتج اكثر معاي لأني انا اصلا مو فاهمته

وحياتج شغاله نقل من المدرساه اللي يمي

 

[أوركيد]

أمبيييييه ..شنو بلوم هذا !!!!

انصدموا يااا ابلات انصدموا >>>> جنه ناقصكم صدمات

الضامية ..أدري متأخرة بس ميخالف

أهدافنا اهي ...

يتعرف على الغذاء المفيد..

يتعرف على الغذاء الغير مفيد..

يتعرف على مصادر الغذاء (النبات)

يتعرف على مصادر الغذاء (الحيوان )

يتعرف على عناصر الغذاء

 

[زلابيا]

زين البدر ما فهمت شي والله :eh_s(12):

 

[QUMAR]

شهالنظام واااااااي ربي يعيينا والله هالوزاره خسبقت الطلبه من كثر قراراتها ال.........لووووول ماني قايله
بس معروفين مبارك الكبير متشددين معاهم يعني شكلهم الأبلات دروس نموذجيه كل يوم الله يكون بعونهم

 

[ياسمينا]

اصدمونا بس حسبي الله عليهم الله لا يوفقهم على هالدوخه اشحلاتنا قبل نكتب الاهداف من الدليل الحين ملعوزينا لا لا مايصير ياابله وين ابداعج وين صياغتج للاهداف لا وحاطينها مستويات من 1-9 وتبدين بالتدرج من يتعرف على -يذكر- وااي قطيعه اتصدقون معظم الابلات يغلطون ولايعرفون يصيغون الاهداف ومشرفتنا تصحح لنا ولما جت الموجهه طلع غلط فشله مو قلت لكم مايدرون عن شي اوووووووف ملييييييت

 

[زين البدر]

ههههههههههههههههههههههههههههههههه


كلنا في الهوا سوا


الأهداف كلها غلط


والله بصراحه ما اتعب بالي ولا افكر بهالنظام التعبان

مسوينا تجارب احنا

شاطين عمرهم موجهاتنا مادري على شنو