صحيح صغيره لكن ارادتي كبيره

[ريمو الكويت]

بسم الله لرحمن الرحيم
​

السلام عليكم ورحمة الله وبركاته ​

انا صغيرة في العمر
وكبيره في الاراده بـ اذن الله

انا عمري 16 ووزني ككاارثةه

وزني

ووزني

وووزني

كان ((89))

طبعا النفسيه 0 من %

الا لما جت رفيجتي ونصحتني
والله ادعيلها بظهر الغيب
قالتلي : شوفي البنات اللي كبرج شلون مستانسات بطفولتهم
اجسام ورشاقه وانتي كانج عجوز .. الى متى وانت جذي عدلي روحج اضعفي فيسج قمر بس مخربتج السمنه

والله والله كلامها قوي بس جاب فايده

انا اقولكم نصحتني برجيم التونسي
سالت امي قالت : بعد الساعه 6 ما تاكلين شي ...... اكلي اللي تبين قبل الساعه 6 ان شاءالله عييش ولا حلويات اي شي وانام الساعه 9 ولا 10
طبعاا انا استانست
وانا طبقته اسبوع نزلت 3
احباااط بالنسبه لي كنت متوقعه اكثر
قمت اخفف والله والله الاسبوع الثاني نزلت 5 كيلو والله :eh_s(9):
ابس الاسبوع الثالث بس كيلوين عاد الحمدلله دخلت السبعين


امانه ادعوووولي :eh_s(7):

واللي عندها اي شي يفيدني تساعدني

وراااي تفوق :eh_s(17)::yaaaaaarb:
​

 

[غارقة بأحزانها]

الله يوفقج
صج بعدج صغيرة
ومعدل نزولج راح يكون سريع وناجح باذن الله
حلو انج توقفين اكل س٦
لكن ايضا نوعية الاكل مهمة جدا

الريوق مهم جدا
اخذيلج توسته سمرة مع لبنة او جبنه طبعا قليل الدسم
وشربي عصير برتقال فريش

الضحى يعني عالفرصة الثانية
اكلي تفاحة

كثري ماااااااي تري وايد مفيد
حاولي تمشين مشي رياضي مع صديقاتج بالفرصة ونااااااسه

الغدا
قبله بنص ساعة شربي مااااااي قلاصين

وخلي الغدا دايما مشوي او مسلوق
بيض مسلوق ٢
صدر دياية مشوي او مسلوق
سمكة وسط مشوية
عندج اذا تبين تغيرين وجبات دايت كير

وطبعا قبل لاتبدين تاكلين
اكليلج صحن سلطة
بس بدون ملح حطي ليمون او خل مع قفشة وحدة زيت زيتون

المغرب
اكلي ٣ تمرات

العشا
خل يكون روب خالي الدسم وخيار

حبيبتي
انتي صغيرة وبسن نمو لازم تتغذين عدل
عشان لايصير فيج فقر دم وعشان لا يتساقط شعرج
عشان جذي حرصي علي السلطة وعصير البرتقال والتمر

وعشان ماتملين اخذيلج مثلا يوم اليمعة وجبه فري
بس وجبه وحدة ويفضل انها تكون الغدا

والروب تري مهم ويخلي نسبه نزول وزنج كبيرة دشي النت وشوفي فوائد الروب

والله يوفقج
وانا بدخل الموضوع علي طول عشان اشجعج
*

 

[أحلى البشر]

ماشاء الله تبارك الرحمن

احييج على هذي الاراده والنزول

نزولج حلو و3 كيلو بالاسبوع اعتبرها وايد وممتازه ولو بس نزلتي كيلو لاتتحبطين لان هذا الوزن المثالي للنزول

مرات نحتاج كلمه تأثر فينا وتهزنا من داخل وتصحينا من النومه اللي احنا فيها وهذا اللي حصل لج من رفيجتج انها صحتج من الغفله اللي كنتي فيها غيرج من البنات بشنو احسن منج يلبسون اللي يبونه ويطلع اللبس عليهم حلو وانتي لآ ! كل ما حسيتي بفتور او ملل تذكري هالشي البنات بشنو احسن مني يكشخون ويلبسون والكل يمدحهم وآنا لا رااح تلقين لج دافع قوي انج تستمرين وبالتوفيق حبوبه
اما نصيحتي لج تستمرين بتجمع من هالتجمعات منها تشجعينهم ويشجعونج لين توصلين للوزن الحلو المناسب حق طولج

 

[ريمو الكويت]

غارقه باحزانها


مشكووووووووره ي قلبي
ومشكوووره على النصااايح الحلوه والمفيده
والله انج رفعتي معنواياتي
والحين راح اتغدى مثل ما قلتي

الله يوفقج وين ما توجهتي ....

 

[ريمو الكويت]

معنوياتي **

 

[Ŝ3β_άηśαķ]

موفقه

وانا مع كلام غارقه باحزانها


انتي صغيره وبسن نمو يعني لاتحرمين نفسك امشي على التخفيف والأكل الصحي وكثري حركه

واهنيك على صديقتك واضح تحبك حيييل لانها تكلمت

((((. متابعه ))))

 

[ريمو الكويت]

احلى البشر

والله كلامج درر فديتج والله ...
المشكله البيئه المحيطه فيني ....
كلههمم رشيقات من بنات عم وخال ,,,
وخــــووواات بعد ....


تسلمين ي قلبي

اي والله شرقي عنهم ....,

 

[ريمو الكويت]

شفرقي**

اشتغلت البدليات =))

 

[ريمو الكويت]

صعب انساااااك


انشهد انها تحبني ...
ولا الباجي كلمتهم المعروفه احنا شكو فيها


تسلمين ...

 

[((shoOoshoOo))]

مــــــــــوفقه يــــــــــــــــــــــارب

 

[أحساااس طفله]

شدي حيلك
موفقه يارب
حلو عندك أراده ماشاء الله
أنا نحيفه مره وكلن يقول لو تسمن لو تسمن
من يومي بيبي لحد هاليوم ابي اسمن ولا سمنت لووووول
بس ان شاء الله هالمره أزيد ويصير جسمي حلوو
عمري اللحين ٢٢ توني دآخله ٢٢ احححم

 

[غارقة بأحزانها]

حياتي والله انتي مثل اختي الصغيرة
فديتج استمري

 

[كيكه توفي]

موفقه

 

[غارقة بأحزانها]

وينج ريم فقدتج
شخبار الريجيم معاج

 

[طـفولية]

يا حلاتج ..
ترا كيلوين بالاسبوع كافي لا تنزلين اكثر .. لأن دمج وبشرتج وشعرج ما نبيج تفقدينهم وانتي بعمر نمو .. يعني 8 كيلوات بالشهر واايد حلوين .. واكلي كل الي خاطرج فيه بس بكمية محترمة مو وايد .. ولا نتفة .. وسط .. ولا تيوعين نفسج كل ساعتين شي
تفاحة .. سلطة .. اختاري الككاو الي يكون خفيف مثل كتكات لان فيه بسكوت ..

ربي يوفقج انا حدي بتابعج ..

 

[طلة برنسيسه]

يا حلاتها الصيغرونه الي تبي تضعف
ترى أنــا مو أكبر منج بوايد بــــ6ـــس سنين

طبعاً يا قلبي قرارج الي خذتيه اهوا عين العقل .. والنزول بيكون وايد ســهالات صدقيني .. وأهم شي تحطي هدف وسبب للوصول للهدف ..

يارب يهدي اختي الصغيرة مثلج لأنها طبت الــ95 كيلو :eh_s(2):

 

[اثمان]

البنات كفوا ووفوا


بس أقولج استمري وشدي حيلج

وموفقه ان شاء الله

 

[حلم مذبوح]

تحية لارادتج القوية وعقبالي
اخذت شوي من حماسج
تنحفين بصحة وعافية يارب