صدت عليه الادله شسوي؟

[Twinke]

بناات انا بالعه جمره في قلبي

من مده انا حااسه بخيانه و الحين تاكدت بالادله ليلحين ما واجهته
تهقون اواجهه و اطلب الطلاق؟؟

 

[@ام ضاري@]

ليش تفكرين في الطلاق مو انتي اول وحده ولا اخر وحده زوجها يخونها
بش الشاطره اللي تسيطر على الامور
يعني اذا تقدرين تواجهينه واجهيه ليش لا
بس اذا ماتقدرين الله يعينج والله

 

[Freakya]

حسب الخيانة ..

الله يفرجها عليج ان شاء الله

 

[M!ss soso]

اذا خيانه بالفون يعني يكلمها و بس دخلي هلج و قولي لامج و ابوج عشان يكلمونه و زعلي .. يعني لا تردين له بسهوله ولا تسكتين عشان ما يتمادى .. اما اذا خيانه بالفراش " زنا " و العياذ بالله طلبي الطلاق اذا ما عندج عيال لان ممكن ينقل لج امراض !!!! .. و الله يعينج حبيبتي آصلا الريايل مالهم امان و غبيه الي تأمن لهم .. و بيني و بينج الشي الوحيد الي بيمنع الزوج من الخيآنه هو الوازع الديني و لما ما فيه وازع ديني ف طبيعي بيخون

 

[iLLuMinaTion]

العفو عند المقدره

الله يهديه

 

[FeShinGoOo]

حبيبتي هالامور انتي اللي لازم تتخذين القرار بنفسج بدون تأثيرات خارجيه اكيد انتي برحج مقهوره وشايشه والكلام راح يزيدج قهر وتشيش انا اقول صكري النت وقعدي بينج وبين نفسج وفكري بالنتايج والاثار الي راح تصير بالحالتين

 

[مسك وورد]

الله يهديه
بس ياااعمري اوزني الامور عدل بعيييد عن عواطفج وقلبج
وابعدي عن العصبيه ولا هديتي بتنفكرين عدل
الله يصلح حالكم

 

[Mayoma]

إذا واجهتيه بقول ميته علي و ما تقدر تستقنى عني شيلي اغراضيج و روحي بيت اهلج زعلانه بدون ولى كلمه وإذا يبيج وشاريج بييج عند اهلج بيستفسر لاترضين بسرعه خل اعرف ان بنات الناس مو لعبه عنده والله يعينج على مصيبتج و الله يهدي زوجج و يسحره منج و اذا ما تبين تطلعين من البيت حاربيه و اذا اسالج قوليله اذا واضاج طنشيه جم اسبوع عشان اتادب

 

[حلوه ولمآحه]

حبيبتي الله يهديه لج ويسخره ،،
اذا تبين تواجهيه لازم تكونين تقدرين تتحملين عواقب الامور،،
يمكن اذا عرف انج دريتي يقول هذا انا بخون تبيني اقعدي ماتبيني بيت اهلج ،،
اذا انتي قادرع ع التحمل واجهيه واذا ماتقدرين وماتبين الطلاق
تحملي ودعي ربج انه يتغير وقربيه من ربي وقطي عليه نغزات عن الي يخونون وشلون زوجاتهم متحملين ومن هالحجي،،~

 

[reem83]

سيطري على الموضوع وحاولي تكسبينه صوبج وفكري لو اهو يبي الي يحاجيها جان اخذها بس اهو اخذج انتي ولا تفكرين بالطلاق

 

[أم توتو]

لا الطلاق موحل الله يعينج حبيبتي ويسخر لج زوجج

 

[amami al-kuwai]

انا من رايي لاتدخلين احد بينكم

حاولي تتكلمين او تلمحين ان انتي شاكه فيه

مثلا قولي في وحده تقرب لرفيجتي تخيل ( وحطي الشي اللي انتي شاكه فيه ) وقولي شفت شلون والحمدلله ان الله رزقني فيك وانت غير عن باقي الرياييل والله يخليك لي

ومن هالحجي

والله يعينج

 

[مـعـجـبـة]

يعتمد على نوع الخيانة

سطحية بالكلام وإلا أكثر !!!

ودايما الرياييل يقلبون الغلطة على المرة حزة المواجهة

ويقولها شكو تنبشين من وراي ، بس انتي خلج قوية

وبرزي حجي قوووي لا يقلب السالفة عليج

والأهم خيانته لاااازم ما تعدي ولا تمر مرور الكرام

لأن من أمن العقوبة ، أســـــــاء الأدب

 

[مـعـجـبـة]

-------------

 

[الأميرة جوري]

نصيحه لاتواجهين انه بقول مو انا او يقول غلطه....اذا ماتقدرين واجهيه بعد علشان ترتاحين.....الله يهديه

 

[^أم يوسف^]

حسبي الله ونعمة الوكيل
رياجيل ماترس عيونهم الا التراب
هدئ حبيبتي
ولا كأنج دريتي ولاتواجهينه حالياا
الين ماتهدين عشان تعرفين تناقشين معاه
وجيبيها من باب الدين
وسوالف من هالنوع عسى ربي يهديه
وسخره لج يارب

 

[دندن_الكويت]

شدعوة الطلاق مرة وحدة!!!!!!!!!!!!!!!!!!!!!!!!!!!!!!!!!!!!!



و شنو هالادلة و الخيانة صج انها دليل للخيانة نفسها و ما لها اي عذر
بس هل السالفة تسوى؟؟؟



خير يا طير كلم الا واعد و الا طلع؟
كل هذا على نفسه ربج بيحاسبه
اهم شي ما يقصر معاج بشي و محترمج جدام الناس

و اعرفي بذكائج تردينه عن الخيانة
ترى الطلاق مو لعبة
و الحياة مو سهلة
من تحت لتحت واجهيه و غيره بدون لا يحس

قومي شوفي نفسج بالمنظرة شوفي بيتج
شوفي اهتمامج بنفسج و فيه
و شوفي الغلط وين؟؟؟

كل الرياجيل جذي عشان جذي الله حلل لهم 4 حريم
لانهم يحبون التغيير بس ممكن بارادتج و ذكااااااااااااااااااائج

 

[عاشقة هواك]

الله يعينج

 

[pearls_q8]

الله يعينج

 

[ماني من الناس]

*) خيانه اي نوع

*) عندج منه عيال

*) مستعده تعيشين باقي حياتج بدون زواج

*) هل فيه امل بأصلاحه