صدري مترهل بعد الولاده؟؟؟

[اخفي همومي بضحكتي]

السلام عليكم


بنات ان الحمدالله ولدت 4/4 يعني صار لي شهرين ونص تقريبا
ومشكلتي ان صدري صار واااايد كبير ومترهل وانا اساسا مارضعت البيبي رضاعه طبيعيه ...
وهل راح يرجع نفس اول ؟؟
والا في تمارين وخلطات ترده ؟؟؟
وعفيه بنات فيدوني وساعدوني من تجاربكم لان نفسيتي صفر والسبب صدري....:0bee2e8d89:



والله يوفقكم وينولكم اللي في بالكم....[/SIZE]

 

[معكرونه أسبكتى يم يم]

الحمدلله على سلامتج ويتربي في عزكم
يبه توج والده صبري شوى وبتعدل

 

[اخفي همومي بضحكتي]

حياتي تسلمين ....صج والله يعني تو الناس..

 

[فطومه الحلوة]

راح يرد بس حده تو الناس

 

[:: Diva ::]

امبيه لو اقولج اخاف تنتحرين !
هههههههههههه

اتغشمر معاج
نطري بعد شوي و شوفي الترهل الصجي


انا رضعته شهر بس و صري تشوه






بس اختي ما رضعت
و ما طاح صدرها بس تغير

 

[حلمي اكون ام Q8]

واي انا الحين بنص السابع وصدري كبر بشكل مو طبيعي

والله مقاسي قبل 34 او 36 والحين والله 40 او 42

الله يستر اذذا ولدت شنو بيصير


وتهقوون يرد على طبيعته والله شكلي مو حلووو كلش

 

[وروود]

هذي ضريبة العيال والزواج ---لووووول---واذا اهملتيه بيصير نفس دلاغ فيه رتراب ----لوول اضحك معاج
حاولي دايما تمشين عليه ثلج يعني مرتين باليوم وبعدها كثري كريم زبدة الشيا فضييع للصدر انا احطه حسيت صدري لونه فتح وشد شويه
دلكيه لي فوق ---ولما تتسبحين دااايما ماء بارد على صدرج
ووحاولي تشوين تمارين شد الصدر صباحا ومساءا

يبيله متابعه عشان لا يترهل زياده

 

[_ظل الياسمين _]

اجذب عليج ان قلت لج بيرد جان رد صدرى..

اخر ولاده من سبع سنين...شتسوين على قولتهوم ضريبه العيال..

وعيشى حياتج والحياه لونها بمبى.