صدري متنك حيل حيل ومتروس ويصفر ومعاي كحه الدوا مانفع شنو اشرب يابناااااااااااااااات

[روزالكويت]

شوفولي حل تكفووون
اخذ كمام كل 8 ساعات ومانفع معاي وتعبان صدري حيل مومترقعه وزوجي الله يسامحه يشرب زقاير وزاد الطين بله شسوي ابي اعشاب تذوب البلغم وتريح صدري موقادره اسحب النفس وصووت خش خش خش بصدري نفس صوت صدر البيبي اللي متنك والله انا كاسره خاطر نفسي شالحل ......؟؟؟؟؟؟؟؟؟؟؟؟؟؟؟؟؟ظظ

 

[i'am THE ONE]

كثري من لا اله الا الله

والعسل اظن زين مع البابونج و ورق الجوافه تسوينه مثل الشاي وسلامات

 

[bambena]

ورق الجوافه

 

[روزالكويت]

لا اله الا الله
وين القى ورق الجوافه وشلون طريقته يابنات
العسل اي نوع يناسبني عادي

 

[فديت عيوني]

شربي زنجيل

وبخري المكان الي انتي قاعدة فيه بمره

لانها تقتل الجراثيم

وهم نقعي مره وشربيها

 

[شقرديه]

ورق الجواااااافه عن تجربه روووحي الحوووااااج واشتريه واغليه بماي زين حق الصدر
حاولي تشربين شيء دااااااااااافي شوربه زعتر
الله يشفيج يا قلبي

 

[أم شهرزاد]

من تجربه خاصه فيني

كنت العام الماضي حامل ومعي ربو وكل يوم بخار تعبت فصادفت وحده عجوز بالمستشفى نصحتنى بالحتيت

تجبين حلتيت وشوي مويه وتغلينه وتشربين شويه منه خطيررر من جد والله انقطع ومافيه بخار والحمد لله 3ايام استمري عليه


انا شربته وانا حامل قالو يجدع الطفل لكن الحمد لله ماصار شئ لانني مظطره

ادعيلى

 

[مطلع الشمس@]

أي والله انا بعد اعاني من الربو الله يجزاكم خير كلكم

 

[كرستـال]

اغلي البابوووونج واشربيه

وحطي عسل المعجزة مع شويه زيت زيتون واكلي منها بأي وقت.. اهم شي اكثر من 3 مرات باليوم

(ملعقة عسل مع نص ملعقة زيت زيتون)... وادهني صدرج بزيت زيتون قبل ماتنامين

لان التنك غالبا يكون من البرودة ولما يثلج الصدر


توه امي سوتها لاختي الصغيرة والحمدلله راااح عنها التنك .. وعطيناها بنت خالتي حق عيالها لان التنك مااايفكهم

وتقول الحمدلله صاروا ينامون بالليل بدوون ولا كحة وحده

و سلااامتج وماتشوفين شر ان شاءالله

 

[nfs007]

حلبه

 

[q8 nono]

جربي ماي النخي و ما تشوفين شر حبيبتي

 

[The Boutique]

شوفي اذا تبين دكتور روحي لموسى خداده وتدعيلي
واذا تبين شي طبيعي
انا بفتره بغيت اموت من الروب قالتلي مره عيوز
اخذ كبر فنيال القهوه
فنيال سكر نبات مطحون
فنيال هرده
فنيال عسل
كل يوم قفشه كبيره عالريج

بس ماجربته

 

[lara_action]

ماتشوفون شر
ومشكوووورين عالمعلومات

 

[@ الحلوة @]

انا فينى ربو وكنت عند د موسى خداده وعطانى نفس ادوية مركز الحساسية وبس اوقف الدوا يرد على والسبب الشجر المينا كاربس والحشيش وهذا الكلام من دكتور الحساسية بالراشد بالصباح سوولى زراعة والزوج العجيب مو راضى يشيل الزرع (تعودنا )
وما راح عنى كل شى الا لما رحت للدكتورة اسيل الخطيب عجيبة بالادوية وبالاسلوب والصراحة اى شى فينى او بعيالى سيدا لاسيل والصراحة تحسون بالفرق من ثانى يوم لا وفوق هذا كله ما فى احد واى عيادة مثل اسعارهم وقالت د اسيل نبى الاجر مو الفلوس لانى مرة قلت لها ليش اسعاركم رخيصة الحين ماكو اى مكان مثلكم

 

[سمراء حضرموت]

امبيه انا جربت الاكو والماكو
1- اذا فيج بلغم وايد وتحسين تبينه يطلع بليل قبل النوم ثومه مدقوقة حيل + ملعقة عسل
2- اذا تبين تنشفين البلغم من صدرج ملعقة الشكر الصغيرونة كركم + ملعقة عسل
3- اذا الكحة ناشة حيل من صدرج وتحسين تبين صدرج يلين شوي لعقة هردة الزيت اللي فوقها أو ملعقة زيت سمسم + ملعقة عسل
وهذا دواج وعلى الله شفاج وأحيانا حبيتي تحتاجين للبخاح ويارب يشافيج

 

[فرح العجرف]

حبيبتي انا اعاني من الربوو خلج علي دوياات دكتور الحساسيه

واهتمي بنفسج

الدلاغات علي طول برجولج

اي شي بارد ممنوع

النشويات ممنوعه تزيد البلغم خلج علي السوائل والشوربه

الصبح غلاص ماي حار + ملعقه عسل ..

لاتتعرضين للبروده مباشره :::يعني لاتجابلين وحدة التبريد ولاتوجهين الهواا عليج وانتي نايمه

هذي نصايح مهمه لي ولج

والله يشفينااا ويشفي كل المسلمين@@

 

[ملكة أسرتي]

أنا سامعه ورق الجوافة زين ..
ومن تجربة الأقارب لبان الذكر منقوع بماي وتشربين الماي يمكن على الريج

 

[@Miss Dio@]

انا فيني ربو وآخذ كورتيزون عن تجربه من الحواي اخذي بمبر وفوحيه شربيه كثر ما تقدرين وادعي لي

 

[كويتية سياسية]

كركم وعسل عالريج وووحححححححددددددددده بوححححححححده

 

[محبه للصالحيين]

عن تجربه ولله الحمد تركت الكمامات وكل علاجات الربو اخذي قطعه صغيره من الزنجبيل الطازج ودقيها او ابرشيها وحطيها بكوب
وحطي عليها ماي مغلي وغطيها 10 دقايق وشربي الماي والزنجبيل كله اللي بالكوب مرتين او ثلاث مرات في اليوم وان شاء الله اسبوع ويروح بالمره والله يشافيج ويشافي مرضانا ومرضى المسلميين