صدري والحليب المتجمد

[استبرق أم علاوي]

السلام عليكم
انا صارلي 23 يوم من ولدت
وارضع طبيعي بس هل يومين احس بصدري اليمين مثل كره صغيره تعور
قلت يكن الحليب متجمد سويت كمادات ماراحت ودلكت صدري هم ماراحت
وخايفه اروح الطبيب
في احد صارله نفسي وشنوقالولكم الدكاتره؟
ردو ضروري*

 

[اتعبتني جروحي]

ماعليج شر ان شاء الله
يمكن كمية الحليب كبيره فيه اشفطيه حبوووبه وشوفي شيصير معج انا صارتلي وشفطته بالشفاط خااااااص لصدر
وحيل ارتحت
واذا تروحين المستشفى اافضل
​

 

[MiSs_PiNkOz]

اتوقع عادي وشفطيه او خلي البيبي يرضع منه واذا ماراح روحي الطبيب

 

[Australia girl]

انا ببنتي كان يصير معاي جذي والحل ترضعين او تشفطين لان في حليب واذا تقدرين شور دافي ودلكي الصدر راح تشوفين الحليب ينزل من دون عصر

 

[ديانا سبنسر]

اشفطي موزين تخلينه يجمد بصدرج

 

[_Pure_]

روحي الطبيب احسن

 

[أم بتول*]

خلي البيبي يرضع منو أكتر من الثاني لين تخف كمية الحليب وحمام دافي مع التدليك الخفيف أو كمادات دافية وما تشوفي شر

 

[والله مادري]

ان شاءالله مافيج شي اشفطي الحليب وشوفي

 

[رتبه دبلوماسيه]

انشالله مافيج شي بس جربي تشفطينه؟مثل ماقالو البنات

 

[رتبه دبلوماسيه]

اب اب

 

[** محبوبه**]

حبيبتي والله حاسه فيج أنا بنفاسي بولدي صار معاي جذي دقيت ع ريلي يوديني الطبيب يوم وصلت وألا أشوف الزحمه قلت خلاص ردينا نمر صيدليه أخذ مسكن أي شئ المهم وصلنا الصيدليه راح ريلي وعلم الصيدلاني السالفه كلها عشان يعرف ويعطيني الدواء المناسب طيب جاني ريلي بدون دواء قلت وين الدواء قال الصيدلاني سوي هالحركه مرري صدرج بماي دافي مائل للحروره إلي تستحملها جسمك مو تحرقين نفسج وتخذين المشط وكأنك تمشطين شعرج نفس الحركه سويها بصدرج مع الاستمرار يخف التكور إلي تحسين فيه والله أرتحت بعدها وحاولي تخففين الحليب عطي ولدج أو أشفطيه بشفاط خاص بالصدر والله يعافيج يارب

 

[جذابه بنت ذيابه]

اشفطيه يالغلا وجمديه للبيبي .. ومتى ما بغى عطيه

 

[ام وليد hamood]

نصيحتي لج حبيبتي .. تسبحي بماي دافي وخليه ينزل على صدرج واخذي مشط وابتدي من فوق لي تحت ولا تضغطين حيل وسط عشان التكتلات كلها تزل واتمنى اني افدتج وماتشوفين شر يا الغاليه .

 

[مولاي الفرج]

دام مافي الم غريب وورم يعني مافي شي يخوف

تلاقين مثل ماقالوو حليب زايد

 

[om al ghaleen]

ماقصروا البنات هذا حليب متجمع اخذي شاور دافي
وبعدها شطفيه .. والحمدالله ع السلامه

 

[كويتيه مذهله 87]

ان شالله ماعليج الا العافيه بس من باب الاحتياط نتطمني عند الدتوره شوفيها شنو تقول

 

[Cute mama]

انا استغرب من اللي يقولون اخاف اروح الطبيب
المفروض تخافين اذا مارحتي الطبيب مو تخافين اذا رحتي
عادي حبيبتي هذا حليب متيمع على طول دلكي صدرج وحطيله كمادات دافيه او شفطي الحليب
​

 

[PuPa^^SWeeT]

مادري يمكن الغدد عادي شفطي حليبج كله

اذا شفطتي و تمت موجودة روحي الطبيب


اختاري طبيبة احسن بهالامور اهيا ادرى من الريال

 

[ملح الدنيا فيني]

الله المستعان