صدمممممممممممممممممممممممه

[جوري الزبير]

السلام عليكم
شلونكم حبااااااااااايبي مادري شنو اكتب او شنو اقول 00
اعتقد اكثر البنات عرفوني من موضوعي زوجي تحداني ولي دعو لي بالتوفيق ربي يسلمهم 00
ابي اقولكم شنو صار وشنو الصدمه 00
حنه وصلنه اليوم بالكتابه انه بياخذنه المزرعه وبسوي له ليله طرزانيه وافاجاءه فيها 00
والمصيبه اني انا الي تفاجاءت 00
ااول ما وصلنه كانو العيال يسوون حركات حلوه وتضحك 00 جان يقولي صوريهم 00 جيت اصور بالكاميرا لقيتها مو راضيه تشتغل 00
اخذها مني وقال انا اسويها صوريهم بتلفوني 00
صورت العيال ومستانسه 00 بعد ماخلصت ابي اطلع التصوير 00 الصدمممممممممممممممممه اني لقيت صوره حق رفيجه قديمه له وكان يعرفها قبل زواجنه ولما تزوجنه تمت تلاحقه وصارت بسببها وايد مشاكل واخرها انه عطاني كل شي عنها وقالي انتي بنفسج احرقي صورها وكل شي لها عندي وتحملت الاذى بس عشان ينساها وتبعد عنه 00
شفت الصوره وانا متاكده ان هذه الصوره انا مشققتها من زمان 00
الحين بتقولولي يمكن قديمه بالتلفون 00 هذا الجهاز توه مشتري من ثلاث ششهور من وين جاب صورتها وحطها فيها 00
شفت الصوره وحسيت اني دشيت حاله من الذهول والصمت والرعب 00
وهو حس فيني كل شوي يقولي شفيج ؟ وله هذا واحد من مقالبج 00
ابتسم واقوله لا مافي بس بردت شوي وله اقوله تعبت من اللعب مع العيال00
حتى عيالي لاحظو صفناتي ورجفت ايديني 00
الحين هديته يبي ينام وهو بيموت ويعرف شفيني 00وين كنت قبل لا نوصل للمزرعه ولحين شلون صرت 00
بنات ساعدووووووني مو عارفه شنو اسوي 00 الحين نومت عيالي وهو يحن علي تعالي ارتاحي وانا قاعده عند النار بالهوا ومو عارفه شنو اسوي بطلت الابتوب وقلت اكتب لكم 00
اكلمه وله اسكت وله ابجي ماني عارفه شنو اسوي اذا كان يحبني وشفتو موقفه قبل يوم من عيد ميلادي اي رجال يسوي جذي اكيد يحب زوجته 00 عيل ليششششششششش صورتها عنده من وين جابها وشكو 000
اتمنى انها احلى مني وله اصغر وله ارشق اقسم بالله انها اسود من عباتي وززززززنها الله يا كافي 00
بمووووووووووت قولولي شسوي حاسه ان ما راح يطلع علي صبح0

 

[عيش و مرق]

انتى الله يهداج بطلتى عيون الناس عليج بموضوعج الاول تحملى عاد الحين الله يعينج


ويهدى ابوكم

 

[اشتياق]

يمكن نقل صور شكثر بالميموري ومن بدهم هالصوره

ولييييييييييين التمسيله اعذار وطوفي ياختي بعد شتسوين

 

[am_kshaa]

صاريحه ليش تسكتين
بس كلميه بهدوء وعقلانيه

 

[دلوعه زوجهااا]

ماادري شقولج بصرااحه
بس لازم تسألينه مو تقعدين تحطين ايدج على خدج ولا تسوين شئ
مهما كان صوره بنت بتلفونها واجهيه واعرفي منه السالفه كلهاااا

 

[كنوشة 2009]

صارحيه احسن لج لا تقعدين تحرين بعمرك وشوفي شون يقول

 

[DELY]

الله يهديه و يصبرج بس نصيحة التمسي الأعذار و تصرفي بشكل طبيعي عشان تمشي حياتج ولج الأجر من الله

 

[جوري الزبير]

عيش ومرق صدقتتتتتتتتتتتتتتتتتتتتتتتي والله انا لي بطلت العيون على نفسسي لا ومو بس البالمنتدى عاد البنات ماقصرو دعولي وقعدو يفكرون معاي لا قلت حق وحده وهي ماشاء الله عينها تقتل الطير كله مني 00
اشتياق التفلون هذا الميويري حقته جديد فاضي في الصور حقت العيال الي اخذها من كم شهر بس عاد انا بعد مما وعدني وتغيرت الحاله بينه ولا فكرت امسك تلفونه ولا اشوف شنو في ثقتي كلها بالله ان مافي حرمه تسوي له الي قاعدي اسوي 00
ام كشه ودلوعة زوجها وانوشه كلامكم صح بس مو عارفه شلون ابتدي الموضوع00
توني قبل شوي لما فصلت النت قلت له في رفيجه لنه هني بالمنتدى صار معاها جذي وجذي مع بعض التحريف عشان لا يبان انها انا 00
شنو ممكن تسوي مع زوجها 00
جان يرد علي كل ريال بالدنيا يخون واكثر الي يخونون الي مو مرتاحين مع زوجاتهم او الي زوجته ماتكون حبيبته مجرد زوجه 00
بس عاد الي يحب زوجته مايخون 00
قلت له وان خان 00سكت وقالي مادري انا اقول تواجهه وتقوله 00
الكلمه وقفت على طرف لساني وماطلعت كنت بقوله عيل ليش تخووووني وانت تقول اني زوجتك وحبيبتك 00 بس والله بنات ماني عارفه ليش سكت 00وهديت الغرفه وطلعت الحين مره ثانيه برى وهو يقولي دشي ماتخافين وزعل00

 

[Miss.6Mo7]

إي والله فتحتي عيون الناس عليج ماتنلام الاخت اللي قالت لج جذي .. مو كل شي ينقال الناس ماتعطي خير أبد

المهم إنتي حآولي تمسكين نفسج ولا تقولين له شي .. والله يسخره لج يارب

 

[نمله سيلانيه]

شوفى حبيبتي انتي سوي نفسج ماتدرين وواثقه فيه

اوكي لاتقولين انج دريتي سوي نفسج انج تحبينه لاخلاصه ولانه يحبج والحين وثقتي بوعده لما قال مراح اكلمها وماراح اتذكرها

لو قلتيله واستمريتي وياه اسمحيلى بس بتروح هيبتج يعني بيقول هذى هي راضيه ومستمره وبيتجرا ويحط صور

ولو تركتيه وتزاعليتي مو لصالحج

انتي بس استغفري وادعيله انه ينساها ولاتفكرين تقولين له وبيني انج واثقه فيه

وتناقشى وياه بهالامور يعني قولى لو منك اثنين الدنيا بتصير بخير ومن هالكلام الى يخلي ضميره يانبه

ومن داخله يحس انه مقصر وياج من هالناحيه حتى لو مايكلمها بس يبى للحين شى منها سواء صورتها او غيرها

وممكن يكون الميموري الى فيه الصور قبل كانت صورتها فيه وشال الميموري بكبره وحطه بالجديد

استغفري مالج الا ربج محد يفيدج غير الدعاء الله يهون عليج ويسعدج ولاتطوفين يومج وتتضايقين

 

[جوري الزبير]

تسلمين حبيبتي مس طموح املي وثقتي بالله كبيره انه يبرد قلبي عشان اعدي هاليله 00
وان يهديه ويهدي كل زوج حق ام عياله 00

 

[saratee]

اذا بتمين ساكته بتحرقين قلبج وبعدين ليش تخلينها تخرب عليج وناستج واجهيهبس بهدوء
واذا انتي متأكده انه يحبج لا تدمرين حياتج بينيله انج مجروحه عاتبيه بحب واخذي منه عهد
انها ابد ما تطري له علي بال ... حبيبتي لا تخلينه تغلبج ختولي ...وسألي الريال يمكن عنده تبرير
مقنع للصوره بدال ما تحرقين في دمج ..قلبي معاج ودعواتي

 

[نمله سيلانيه]

يعني يمكن يكون مضلوم لاتتسرعين

 

[جوري الزبير]

تسلمين حبيبتي مس طموح 00 ثقتي بالله كبيره انه يبرد قلبي هالليله عشان تعدي على خير 00
وان يهديه ويهدي كل زوج حق ام عياله ويبعد عنهم هالاشكال الي خراب لبيوت عندهم مافي اسهل منه0

 

[ba6bo6a1]

الله ياجرج و الله مادري شتسوين بس اختي في شي لفت نظري ... طريقتج بالكتابة جنج سعودية من وين عنده صورة حرمة ؟ يعني شلون يعرفها قبل الزواج؟

 

[طـير7]

بس مافكرتي انها تكون من المقالب اللي المفروض تكون اليوم؟؟؟؟

يمكن حاطها يشوف غيرتج وغلاه عندج

الله يهديكم وحسني الظن

 

[البسمه العذبه]

الله يعينج

 

[كويتية و لكن]

حبيبتي هو ما خبي عنك شي وقالك كل الحقيقة وكان صريح معاك

معني هذا انه صريح ويحبك وما يبي يغشك وقالك الصج

خلي عندك روح رياضية وكلمية سألية منو هذا ولية ليما اللحين عنك صورتها ؟

وكوني هادية ولما يتكلم سمعية للاخر وسجلس بمخك الاسئلة اللي بتسألينه علشان تعرفين بدون الصراخ لان بيعصب وبيقلب عليك الموضوع

وتذكري انه اختارك انتي مو هي يعني فضلك عليها

وقالك انه تركها وكان قادر يسكت ويخون وانتي والله ما تقدرين تصيدينة لان عندهم مليون طريقة

اولها بيتجاهلك وبيحطك عند الامر الواقع او اختاري

حبيبتي خل عندك حلم وحكمة وحلي الموضوع بعقا ودخلي علية من باب اللي يحبة واختاري الوقت المناسب اللي انتي تعرفينه انه اليوم يتقبل المناقشة

الله يوفقكم ويهدي سركم

 

[" غـادهـ "]

شوفى حبيبتي انتي سوي نفسج ماتدرين وواثقه فيه

اوكي لاتقولين انج دريتي سوي نفسج انج تحبينه لاخلاصه ولانه يحبج والحين وثقتي بوعده لما قال مراح اكلمها وماراح اتذكرها

لو قلتيله واستمريتي وياه اسمحيلى بس بتروح هيبتج يعني بيقول هذى هي راضيه ومستمره وبيتجرا ويحط صور

ولو تركتيه وتزاعليتي مو لصالحج

انتي بس استغفري وادعيله انه ينساها ولاتفكرين تقولين له وبيني انج واثقه فيه

وتناقشى وياه بهالامور يعني قولى لو منك اثنين الدنيا بتصير بخير ومن هالكلام الى يخلي ضميره يانبه

ومن داخله يحس انه مقصر وياج من هالناحيه حتى لو مايكلمها بس يبى للحين شى منها سواء صورتها او غيرها

وممكن يكون الميموري الى فيه الصور قبل كانت صورتها فيه وشال الميموري بكبره وحطه بالجديد

استغفري مالج الا ربج محد يفيدج غير الدعاء الله يهون عليج ويسعدج ولاتطوفين يومج وتتضايقين

آنا رايي من رايها .!

 

[نمله سيلانيه]

يمكن منظلم لانه الميموري شالها من تلفونه القديم للجديد


والله ان بعض الظن اثم والشيطان شاطر

يارب اتمنى الموضوع يكون ميموري