صديقاتي بعد الزواج اهئ اهئ!!

[ضحاوي الديره]

دخلي حبووووووووبه حياج

السلام عليكم عسولات شلونكم شخباركم

طبعا كل بنت فينا تحلم انها تتزوج خوش واحد و تستقر معاه و انهم ينسجمون مع بعض و اذا صار و حصل نصيب
يبدأ التفكير في ليلة العرس و الفستان و التجهيز و اللووووويه اللي ما تخلص
انا موضوعي مو عن هذا >>>>>>>> شكو عيل
موضوعي عن علاقتج بصديقاتج بعد الزواج بصراحه انا نزلت هالموضوع عشاني وااااااايد احاتيه
قصدي بعدوا عنج صديقاتج بعد الزواج و لا لأ عادي ؟؟؟ ادري راح تقولون ان الصديقه الحقيقيه ما تخلي رفيجتها
بس انا وااااااايد احاتي اني انا اللي انشغل عنهم !!
انا ابي رايكم انتو يا الحلوات اللي تزوجتو عسى ربي يوفقكم علاقاتكم مع صديقاتكم تغيرت او بعدها مثل ما اهي:gathering:؟؟؟!!!
صديقاتكم تغيروا و لا لأ؟؟

ما تتصورون شكثر احاتي ان صديقاتي بعد الزواج بتختلف نظرتهم لي :0bee2e8d89: راح يفكرون اني خلاص كبرت :ioljnmlk:و اهم بعدهم بنات صغار شيبون فيني يعني:0bee2e8d89: ؟؟؟ فاهمين علي؟؟
خصوصا اني اول وحده اتزوج فيهم
بليز ابي ردودكم و تجاربكم

دمتم بحفظ الباري​

 

[مزآجيه!]

اممممم


بالعكس مآ احس إن فيه تغير..!!




انآ مو متزوجه..


بس رفيجتي متزوجه فديتهآ :$



ومآحسيت بأي تغير فيهآ بالعكس جنهآ مو متزوجه..





اهو اولآ يعتمد عليج انتي..!!


انتي لمن تتزوجين بتتغيرين أو لآ..!!


بتشوفين نفسج عليهم إنج كبرتي وإن سوآلفهم مآتنآسب سوآلفج..!!



وإنج صرتي مرهـ وبعدهم صغآر..!!




/


والله يوفقج ويخلي لج رفيقآتج ..

 

[Un-6be3iya]

على حسب الزوج في رياييل دعلة يحرمون حريمهم من رفيجاتهم شكو مادري :\

 

[ضحاوي الديره]

اهو اولآ يعتمد عليج انتي..!!


انتي لمن تتزوجين بتتغيرين أو لآ..!!


بتشوفين نفسج عليهم إنج كبرتي وإن سوآلفهم مآتنآسب سوآلفج..!!



وإنج صرتي مرهـ وبعدهم صغآر..!!

لا لا لا بالعكس انا كلش مو جذي اصلا احس بعدي ياهل

مشكوره حبيبتي

 

[ضحاوي الديره]

على حسب الزوج في رياييل دعلة يحرمون حريمهم من رفيجاتهم شكو مادري :\

لا من هالناحيه oookaaay
الى الان الامور مستتبه

 

[رعشة خفوق]

الله لايفرقكم ..

 

[sweet dashttya]

اي طبعا علاقتي معاهم مو نفس قبل ما تزوجوا

 

[سعودية!!!]

الله يجمعكم ع خير .:.:.:....

 

[Cander]

لا ماتتغير العلاقة عقب الزواج

انا لما تزوجوا جم وحدة من صديقاتي صج اول فترة تصير قطاعة شوي

بس عقب ترد العلاقة عادية مو نفس قبل طبعا قبل تكون واايد كلوز بس راح تنشغل مع الريال لازم

واحيانا ما تقدر تكلمج اذا كان مجابلها ، اما اذا كانوا صديقاتج من العايلة العلاقة راح تكون اهي اهي ما تتغير

تقل الشوفات بس ، اما العلاقة مثل ما كانت واحسن بعد

 

[حـــــــــصه]

ما ادري بس اتوقع يمكن تتغير ... لان تخيرين حياة جديده وراح تشغلش عنهم فتره مو بسيطه عنهم
بس الله يجمعكم على خير العمل

 

[طرطعانه]

عن الخبال

اذا عادتهم صديقات ماراح تتغيرين

لكن اذا شفتي نفسج عليهم اكيد بيكرهونج

شنو ماتعرفين تتعاملين مع صديقاتج...موعارفه بيتغيرون او لا ... شهالصداقه

 

[3aboora]

عاد تصدقين انا عقب الزواج عرفت منو اللي صج رفيجتي ..

خصوصا اول فتره تكونين لاهيه مع ريلج و جذي فراح تقصرين معاهم .. بعضهم راح يشرهون و يزعلون و يسوون افلام
بس اللي صج فاهمه وضعج و مقدرته راح تتقبل هالشي..

يعني انا رفيجاتي و الله كانوا شكثر يدقون علي و ما اقدر ارد و اقول اكلمهم بعدين و انسى و الله بدون مبالغه وحده منهم ظليت اسبوعين معاها على هالحال اخر شي يوم كلمتها بالعكس ما شرهت بس عبالها اني زعلانه منها

و في ناس الله لا يوريج من اول اسبوع زواج قالولي انتي من تزوجتي تغيرتي و مادري شنو و زعلوا و طنااااقر لها اول مالها اخر.. اشدعواااااا

هذول عاد صج طنشتهم و لا هموني ..

فا انتي لا تحاتين .. اللي صج رفيجتج ماراح تتغير عليج و مبروك يا عروسه

 

[m!ss craze]

يا عمري لا تضيقين صدرك
انا ما تزوجت وثنتين من صحباتي المقربا متزوجاااات بالعكس العلاقة زادت ويسالوني عن ادق شي يصير لهم الله لايغيرعلينا ماشاءالله
ويشتكون لي بعد
وانا اذا ما دقو علي ما اشره عليهم لانو متزوجات مو زي لما كانو بنات ولما نكلم بعض ما نتشره على بعض عادي
وانا اصلا طبعي ما احب اكلم المتزوجة لانو ممكن يكونزوجها عندها فاتفشل
والا عادي بس هو على حسب صحباتك

 

[pretty sarona]

والله انا قبل كنت اتحلطم و جذيه على رفيجاتي ,, بعدين عرفت ان مو بكيفهم ,, رياييلهم يبونهم يسوون جذيه و عشان المركب يمشي اهي تعدي

 

[$الـــحـــلاوه$]

عندي رفيجات تزوجوا
وحده نستناااا بالمره
ووحده مادري ليش صارت مليقه عقب العرس !!
ووحده هذي اهي كللللش ماتغيرت

على حسب كل وحدده وشخصيتها

 

[موت وميلاد]

والله على حسب الرفيجه

في بنات مثل ماهم مايتغيرون بالعكس يمكن تقوى علاقتج معاهم

وفي بنات اللهم ياكافي من تتزوج تشوف نفسها وتبي تبتعد عن رفيجاتها ويكبر راسها وتستملق حتى سوالف رفيجاتها

واخرتها لي مرة فتره على زواجها راح تتحسف لانه راح يبدي الروتين والملل يدخل حياتها ولما تدور رفيجاتها الي كانو مونسينها وشايلينها ماراح تلقاهم

والرفيجه الي تقطع رفيجاتها عشان ريلها ماتستاهل تكون رفيجه

كاهم امهاتنا متزوجين وعندهم حموله وعيال وخدم ووظيفه وبيت ومسئوليه وليلحين واصلين رفيجاتهم

بس بنات هالوقت وايد يتدلعون يسوون روحهم كلش ماعندهم وقت وتلقونها قاعده بالشقه بروحها ناطره الريل يشرف واهوا طالع مع ربعه ولا بالدوانيه

الله لايبيلنا


تحسون قلبي متروس ههههههههههه

 

[أم حمد =)]

انا بعد الزواج اكتشفت منو رفيجتي ومنو مو رفيجتي

 

[كريستال ليدي]

عجبني رد موت و ميلاد

الرفيجات ما يتغيرون اذا وحده من رفيجاتهم تزوجت بس المتزوجات اهما اللي يتغيرون

في بعضهم ريايلهم يبونهم يقطعون علاقاتهم برفيجاتهم .. و طبعا اهني الشرهه على المرة اللي معطيا الريال ويه يتدخل حتى بعلاقاتها مع رفيجاتها

و في بنات يخافون و يغارون على رياييلهم حسبالهم الرفيجات يباخذون رياييلهم

و في بنات تشوف روحها كبرت على سوالف البنات

لكن بالعموم المتزوجات اهما اللي يتغيرون مو البنات

و انا اغلب رفيجاتي تغيروا بعد ما تزوجوا و ما يشوفون شر الا جم وحده اللي ما تغيروا

 

[الغدق]

والله عن نفسي
رفيجاتي كلهم تزوجوا إلا أنا
للحيني عزابية والحمدلله علاقتي زادت فيهم أكثر
صح السوالف والمواضيع كلها تغيرت مو نفس
أول وكل وحدة اتدق علي اتحلطم من زوجها
أو حمولتها بس أحس أهم اللي صاروا يدقون علي
مو انا خصوصا أنهم للحين ماجابوا عيال
بس صح بداية الزواج تنقطع العلاقة أشوي
تقريبا أول شهر وبعدين ترد مثل أول
بس أحس أول غير سوالفنا كانت كلها وحدة وتفكيرنا واحد
بس الحين همومهم وتفكيرهم غير عن تفكيري

 

[bint_looda]

اكيد الي تتزوج بتقطع اول فتره عن الرفيجات ... لانها تلها على كل شي داشه حياة يديده ريل يديد حموله يديده مواجيب يديده ! يالله ولبها اهلها
بس مايمر شهر شهر ونص الا اهي راده علاقتها ويا رفيجااااتها حييل ... واذا ماردت فهذي اهيا الي ماتبي رفيجاتها ووخرت
يعني البلا مو من المومتزوجات p: