صديقات لاآمي؟؟الكل يدش لو سمحتو مساعده

[^^roma^^]

السلام عليكم
مادري من وين ابدي

انا خواتي تزوجو والبيت قام يصير فاضي علينا وعلى امي
انا بالجامعه وامي تحس بالوحده وما عنده رفيجات ..

ولما اسولف معاها تقول ابي حريم بعمري يكونون يطلعون معاي ونفس سوالفي
حاولنا انا وخواتي بكل شيء انها ما تحس بالوحده بس امي تبي وحده بعمرها تسولف معاها وتشكي لها وتعتبرها نفس الاخت ...

فا فبطلب منكم الي امها من عمر الاربعينات وتبي تتعرف علي امي تواصلني بالخاص ومشكورين :eh_s(7):
اتمنى انكم تقدرون تساعدوني لان ماكو احد يحب يشوف امه ضايق خلقها وما يقدر يسوي شيء

 

[اميره1980]

ليش ما تفكرون انها تقضي وقتها بشغلات مفيدة احسن من السوالف اللي لا تودي و لا تجيب غير المشاكل
شوفي شنو ميولها و شنو تحب

انا لمن كنت مشتركة بالنادي الرياضي كنت اشوف حريم اعمارهم فوق 50 سنة و قاعدين يسبحون بحمام السباحة خلي امج تشترك بنادري رياضي و بروحها بتشوف هناك حريم بعمرها و راح تتعرف عليهم و يصير عندها صديقات

 

[بنوتة كول]

ليش ما تزور جاراتها توسع خاطرها ؟؟
أنتوا وين ساكنين ؟؟؟في منطقة مشهورة بجيرانها صج صج ما شاء الله كل الجيران مع بعض

 

[Patcholli]

ليش ماتدش نادي او جمعيه خيريه تشارك فيها راح تتعرف على وايد حريم وتكون صداقات
او عالاقل تتقرب لجاراتكم وتتواصل معاهم ؟؟

 

[البارونـه]

حبيبتي محد بيتعرف على امج بهالطريقه
هي خلها تزور خالاتج او ربعها القدامه وجاراتها او تتصل تسولف معاهم
وانتو بعد لازم تطلعونها ودوها اماكن شعبيه تتونس فيها
واحس بالاربعين امج مب عيوز بالعكس
،،يعني قعدي سوليفي معاها شوفي شنو كانت تحب تسوي ؟ ترسم او اتخيط او تقرا او خل تدخل نادي رياضي او اذا مهتمه بالمكياج خل تاخذ دروس او تدش معهد تقوي الانقلش او تتعلم ع البرامج وجي او تسوي لها مشروع ،،او تشتغل ،،في وايد افكار
اي صح واذا ماعندها بيبي او ايفون او لابتوب اخذيلها بتهب فيه وبيملي وقتها شوي

 

[ربي رجوتك]

انا مع كلام الاخت اللى تقول تروح معهد او نادي او جمعيه خيريه وهى بتختار وتنقي اللى يعجبونها
على فكره امى مثل امك كانت مشغوله فينا ويوم كبرنا انتبهت على نفسها وشافت انه ماعندها صديقات لان يومها كله لنا
حاولت اعرفها على امهات صديقاتى لكن الكريزمه ما اضبطت مع بعض
ان شاء الله تحصل الصديقه اللى تستاهل تسمينها صديقه

 

[vanillaq8]

اعزمي رفيجاتج و امهاتهم معاهم

و استانسوا مع بعض و منها تتعرف عليهم

 

[!! دلوعته !!]

اب اب مع الي فوقي

 

[عادت ذكرياتي]

ليش ما تلتحق بحلقات تحفيظ قرآن في بمسايد الكويت حلقات ودروس دينية وإن شاء الله تلاقي خوش صحبة

 

[مهندسة الابيات]

سمعي حياتي انتي حاول تجراين امج طلعي معاها
حاولي تطلعينها من جوها مثل ما قالوا الخوات يا كثر النوادي او حتى حلقات التحفيظ اشغل وقتها بشي

و موفقة يا ررب

 

[solitude]

رايي من رايي عادت ذكرياتي

 

[الزهر]

الله يوفقش حبيبتي

 

[تُخْفِي غَلَاها]

اب اب​

 

[فطوم السعوديه]

اب

 

[(*ام عهــــد *)]

الله يجزاج خير

 

[إبتسامهـ]

خلي امج تسجل بدار تحفيظ راح تشغل وقتها وتلقى حريم بعمرها او معهد بتستانس صدقيني

 

[тεķάηαн]

في مليون آلف طريقه تقدر فيهآ آمج تكون صديقآت
آمآ بالنسبه لهآذي , مآدري ليش آحسها غريبه =\
ومآ آظن آحد يحب يكون صديقآت جذيه , مثل ماقالو خوآتي
تزور الأهل و الجمآعه , تروح للمسآيد و النوآدي و .. إلخ
الله يخليها لج ^.^​

 

[غداً القاك]

صح كلام اميره خلوها تشغل وقت فراغها بشي تحبه انتي شوفي امك لـ ايش تميل وحاولي توفرينه لها واطلعوا معها لـ اماكن تحبها وكذا والله اريح لها من حكي الحريم والسوالف وانتم بناتها شاركوها همها واهتمامها وحاولوا تتقربون منها انا امي بالـ 60 وانا بالـ 20 ومع هذا قراب حيل لبعض وامي وضعها نفس امك لاخوات ولاصديقات

 

[عاشقه الشامري]

حبيبتي مقدره موقفش ورغبتش وهذي بووسه على راسش مواااه لانش تفكرين في امش وتبين تساعدينها وتونسينها في اي طريقه

انا بقول لش في مراكز تهبل تهبل يجون داعيات ويلقون دروس ويجون حرريم واجد مثل عمر امج ويصومون الاثنين والخميس ويفطرون مع

بعض ويسوون حلقات تحفيظ قران منها الوالده تكسب صداقه الحريم هذول اللي فيهم دين وخلق ومنها الوالده تستفيد وتفقه بدينها

صدقيني والله الوالده راح ينشرح خاطرها وبتستانس عليهم وبتقعد كل يوم تروح لهم انتي بس علميني وين ساكنه وانا اقول لش عن

المراكز اللي قريبه من بيتكم والله الوالده راح تشغل نفسها بشي خير لها وينفعها ويسليها عن وحدتها وبتعرف على ناس فيها خير

تحثها على عمل الخير والطاعات بدال تضييع الوقت بالعرووس والحفلات والعزايم والمجالس اللي فيها غيبه ونميمه وبعيده عن ذكر الله

 

[SuGar-kuw]

انصحج خليها تشترك بنادي بتستانس وتكون صداقات حتا وقتها راح يصير مزحوم وماتحس بالوحده