صديقة الانترنت

[رومانسيه ورديه]

السلام عليكم ورحمة الله وبركاته


اشرايكم بصداقة الانترنت واللي تطور وتصير تلفونات وطلعات؟؟؟؟


اختي تعرفت على وحده عن طريق النت وعلاقتهم صارت قويه صارو قراب من بعض بس بالتلفون والنت وصارت اسرارهم عند بعض والحين رفيجة اختي اقترحت عليها يطلعون مع بعض واختي محتاره اهي واثقه بالبنت بس هم خايفه اهي ماتعرفها عدل يعني رافجتها بالنت مو بمدرسه مثلا او دوام اللي تشوفها كل يوم والبنت مشتهيه تطلع مع اختي اهم وايد قراب وبس مره وحده شافو بعض بس سلمو على بعض حتى ماقعدو مع بعض



اشرايكم بنات تطلع مع البنت ولا شنو شترد عليها ؟؟؟؟

 

[ஜع ــذووبஜ]

امـمممممممممم

بصراحة حبيبتي مدام اهي والبنت مع بعض بالنت وعلى الفـوون

وعلى قولتج حيييييييل مع بعض من عرفوا بعض مافيهاا شي اذا طلعت معهاا ،،

<<<< هذا رأيي ..

 

[sowsan]

عادي اشفيها ياما عندي رفيجات بالنت ونطلع ويزوروني بالبيت بعد واحسن منهم ماكو الحمدلله

 

[بحر هادي]

والله انا نفس الشي مادري احس هالعلاقات كونها نوعية جديده علينا نكون خايفين شوي..

بس اختي تعرفت على بنات من النت كانوا في منتدى نسائي وتعرفوا على بعض بالمسن..وصاروا يتقابلون في اماكن عامه ومرره مبسوطين مع بعض..وصار لهم جمعات شهريه لازم..

بس انا تعرفت على وحده من منتدى بس للحين مابي اتعمق معاها..انا خوافه بصراحه..يعني مو حاطه فبالي اطلع او اطور العلاقه اكثر من المسن..

 

[Stop ana top]

عاادي ما فيها شي انا أعرف بنات من النت والله اعتبرهم مثل خواتي وصارو اقرب لي من رفيجاتي

على الاقل ما يبون مني مصلحه علشان يكلموني لان بهالوقت ماكو صداقااات

 

[pretty sarona]

انا عندي رفيجة من النت لا ومن ديرة ثانية بعد و يات عندي و شفتها و خوش بنت ,, انا ما عندي مانع دام ان البنت زينه و ما شفت منها شي شين , و الأيام تبين الكل على حقيقته سواء من النت او من دوام ولا مدرسه

 

[رومانسيه ورديه]

مشكورين بنات كلكم على الاراء والمشاركه


والله هالزمن يخرع من جذي انا ترددت وماخليتها تطلع بس الحين جني غيرت رايي دام انهم عارفين بعض دايما فون ونت

 

[كندية]

مااشووف فيها شيء....يعني بيطلعووون مكاان مفتوووح وجداام نااااس ليش الخووف؟؟ مااراح تااكلهااا البنت....ترووح مطعم او كافييه ....
شووفي اذا خاايفه على اختج طلعوو مع مجمووعه يعني رووحي معااهم او مع اهلج

 

[pure feminine]

عادي ما فيها شي

 

[رومانسيه ورديه]

مشكوورين حبايبي خلاص بنطلع وانا بطلع معاهم
واحنا مو خايفين من البنت بالعكس بس نوع العلاقه والصداقه يديده بالنسبه لنا رفيجاتنا كل نتعرف عليهم بالمدارس والدوامات ونطلع معاهم عادي لان نعرفهم عدل
اتفقنا انشالله بنطلع باجر

 

[آلسحرآلحلال]

عاااادي بالعكس في بنات بالنت ينحطون على الراس ....

 

[كويتيهx5]

انا عندي رفيجه من النت وبالايرسي بعد من 2001 ولحد الحين طلعنا ورحنا عزمتني على عرسها وعيد ميلادها وبيتها واعرف اختها وامها وانتي اللي تتقررين اذا اهي زينه وله لا منتي صغيره

 

[روح الدنيا]

عاادي اذا وااثقه من البنت و اهلها يسمحون

 

[هيونه المزيونه]

اول اعرفي شخصيتهاا اكثر

<<< انا لاتسئلين لاني تعرفت على وحده من النت اول كل شي ضحك وهبال وكله كذب بكذب وياهااا
وشوي شوي طلعو بنات خوالها وياي بالمدرسه وتقابلت وياها بحديقه وهي ماتعرف حتى اسمي واراسلهاا ولاتعرف اسمي ههههه
والحين مااااافيييه احلااا من علااقتناااا ان قلت لج مثل خوات شوي علينااااااااااااااااا < وبالعلم انها اصغر مني وان احد سئلني شلون تعرفتي عليهااا اهني اتنح هع ... وااااااي فديتهاااااا << :$ ...
بس مو كل مرة تسلم الجره

 

[رومانسيه ورديه]

والله في بنات بالنت صج يهبلون وينصحون من قلب ويساعدون مايبون مصلحه

 

[هيونه المزيونه]

<<< اي اي صح صاااجه حبيبتي ,,

 

[علولي]

عادي
وانا لي صديقات من النت واااااااااي يجنون قمة في الاخلاق

 

[noo7a]

اذا اهي الابنيه زينه و تكلمها بالتلفون و قريبه منها
خل تتعرف عليها بره ليش لا بس عاد مو من اول يوم تعزمها على بيتهم لا خل تشوفها بمكان عام

وانا عندي صديقه تعرفت عليها من المنتدى هني عسل تهبل و رحت شفتها مره بمكان عام

 

[ღاصول الجمالღ]

دام علاقتهم حيل قويه .. خليها تطلع معاها بس بشرط يكون واحد من عايلتج يطلع معاها اخوج الصغير ياانتي...

 

[فـلـفـلـهـ]

ماأحب الصداقات سواء بالنت او بره النت