صديقتي بتييني..شنو الاصول؟ شقدم شحط؟

[miamy]

هاي صبايا

شلونكم؟

باجر سلمكم الله بتييني صديقتي على الساعه عشر

مممممممم

الساعه عشر مو مال ريوق! محتاره شقدم

طبعا بالبدايه لازم عصير وبعدين؟

هله هله بالسنع والردود الحلوه :eh_s(6):

 

[miamy]

محد يعرف الاصول؟

 

[برونزية رشيقة]

عادي احنا بالدوام نتريق عالعشر .. ما فيها شي ..

ريوق الفنادق الخمس نجوم من 7 إلة 11 الظهر ..

حطي صحن معجنات صغيرة .. وكبب .. ودونات .. وكرواسون .. وكيكة صغيرة ..

وحطي لها عصيرات ..

وشاي ..

وآخر شي حلو قهوة مع قهوة عربية ..

وإذا مت تحب القهوة بسسسسسسسسس قدمي كاكاو وقت ما تبي تطلع ..

وخلللللللللللللللللللللللصنا ..

أي استفسار ؟؟؟؟

 

[طاسه حنا]

قبل لاتوصل تكونين حاطه دولكه ماى والقلاصات, وحطى مثل ماقالت الاخت كرواسان وفطاير تقديم صغيره "انا ارشح فطاير قيصر" وحطى ابريج شاى بس يكون الابريج شكله حلوو ويفضل يكون طقم مع الكاسات او ممكن كبتشينو ترا تلقينه جاهز" الاظرف" وحطى مطاره ماى حار عاد انتوا ونظامكم اذا تحبون القهوه العربيه حطى مع قطعه حلو. واتمنى انى اكون افدتح

 

[طيرشلوا]

ميامى شلونج - شخبارج -

من عطلنا قمنا نحوس عدل باقسام المنتدى

شوفى اذا رفيتج وميانة وياج لاتكلفين بشئ زايد

ومثل ماقالولج الخوات تكونين مجهزة كل شغلج قبل لاتجى رفيتج ومجهزة معجناتج ابنواعها والحلو والريوق عندج المربى العلب الصغار

والزبدة نفس الشئ - الكرواسون - الجبن عندج السلايت والمثلث والكيرى والكرافت - البيض - اذا تحب الحمسات ممكن تسوين

حمسة حلوم - فول - جباتى - سمبوسة - فلافل - سلطات اوممكن تكونين مقطعة الخياروالطماط والجزر شرائح

هذى بعض انواع الريوق الى ممكن تسوينها وتحطينها وطبعا الشاى والقهوة ضرورى

وعليكن بالف وستين عافية

 

[bambena]

عصير وبعدين معجنات وشاي

 

[خاشووقه]

لو منج أقولها لا تتريقين خلينا نتريق مع بعض
و 10 حلوو للريوق
ونفس ما قالوا البنات اول شي عصير
وعقب معجنات مع الجاي

 

[طيرشلوا]

ميامى نسيت الزيتون بانواعة اخضر - واسود - زيتون بالشطة رهيب وفية نوع معاة جبن

عسل - توست بانواعة - زعتر - لبنة -

 

[برونزية رشيقة]

إذا ميانه وياها .. دقي على محل فطاير وطلبي
ساندويشات صاج ( شنو تحب حلوم عالصاج .. لبنة بالزعتر عالصاج .. جبن قشقوان .. بيض ) وترى محلات الفطاير يسوون لج جاط كبير صاج فيه أكثر من 10 أنواع عرفتي ؟؟؟؟؟

وجهزي مطارة شاي .. ومطارة حليب .. وعصاير وبسسسسسسسسسسسس

 

[*جبرني الوقت*]

والله عاد انا نفسج بس مورفيجه رفيجات بسويلهم ريوق يعني محددين ان كل اسبوع عند وحده وبسوي ريوق واستفدت منكم بصراحه


بس يبون شغل بيت يعني مايبون اي شي من بره

 

[سنا الفضه]

حطي لج طاوله صغيرونه حطي عليها صحون البيضا الساده صحن فيه اجبان متنوعه وصحن الابيض المدور المقسم الزيتون بانواعه وبالنص زيت وزعتر واذا ماعندج مو مشكله اي صحن ممكن يأدي الغرض لو تصفينهم جنهم طابوور ومع شرايح كبار جزر وخيار وطماط

وحطي بصحن ثاني الزبده الصغيرونيين ويا المربي الصغار وجبن مثلث

ومطاره عوده(سماور) ماي حار ويمها مقات وبعلبه حلوه حطي جياس القهوه نسكافيه 3×1
موكا
كابتشينو
جياس جاي عادي وجاي اخضر واذا تحبين جاي نكهات حطي والشكر اللي ايي بجياس

وقوري حليبه دافيه او علب كرنيشن حليب

وقصصي الخبزه اربااع

حطي لبنه - لبنه بالزعتر ولبنه بالشطه

ولاتنسين العصاير البارده ودولكه فيها ماي بااارد وثلج حطيه بالصحن المخصص له الي معاه منقااش وووووووووبس تسلمين وتعيشين وهم تقدرين اتضيفين كورن فليكس الي اييج بمثل اسطوانه تفرينها ينزل لج من تحت الكورن فليكس عرفتيه

كرواسون وفطاير صغيره وميني بيتزا ميني ورق عنب ونقانق بيض مفيوح فلافل بالطحينه وميني سويس رول

تذكري سوالف الفنادق وحاولي اطبقينها على حسب رغبتج

 

[miamy]

شكراااااااااااااااان

اهلين طير شلوا اي والله قمنا نحوس بيني وبينج قسم المعلمات صج سويت له بلوك ههههههه

واي خنريح شويه بعطلتنا

خل اقولكم شنو سويت اليوم

شريت عصير برتقال + عصير اناناس معاه كيوي يم يم وقدمته اول شي

وشريت من الخباز سلطه جرجير وورق عنب ومعجنات وحطيته على طاولة الاكل مع الجاي

عقب الريوق حطيت الحلو مع المكسرات والقهوه الفرنسيه

احس وايد اكلنا والرجيم باي باي

بس انا ليش كنت محتاره لان نوعها تقعد مبجر ياحليلها وتتريق مبجر بعد

فكان ودي بس احط حلو وشاي..

 

[miamy]

طير شلوا حمسة الحلوم شنو؟

اول مره اسمع حمسة حلوم!!

 

[اليتيمهـ]

الله لا يهينج دقي على وحده تسوي ريوق شغل بيت افضل من الويه والدوخه


بصراحه اريح

 

[مروقه على الكوفي]

ماشاءالله عقبال مااعزم صحباتي ووناسه
عاد اناصديقتي عزمتني على الفطور بس مارحت خوساره كان تعلمت وقلتلك خخخ
بس حلوه افكاركم وصح سمعت ان الكيك يقدم مع الشاهي عادي؟
لان متعوده السكريات مع القهوه والموالح والمعجنات مع الشاهي

 

[^_^ نور ^_^]

حبيبتي احلى شي ريوق شغل البيت واسهل شي الريوق
انا عماتي حتى البوفية اهم إللي يسوونة يعني يمكن بس الذبيحة يجيبونها من برة ونادر لاصارت المناسبة كعرس او عزا بس والباجي كلة شغل بيت حمدالله ومشالله
شوفي الريوق شنو حطي عصير المراعي برتقال وحطي مطارة جاي ومطارة ماي حار ومطارة قهوة عربية للي يحب وغوري حليب مهيل وتكونيين انتي من امس مزهبة شغلج كلة
يعني انتي يكون عندج طقم كامل للسفرة حلو مو تتوهقين كل الأكل موجود بس الطقم غير وغير
ونوعي وشكلي بلأجبان الفرنسية حطي صينية فيها خس وفوقها انواع الأجبان اما األأجبان اللي مع زعتر وإللي مع فلفل وإللي مادري شلون صايرة بس لذيذة همن صفيهم طوابير فالصواني
وحطي سلة فيها جياس الكبتشينو وجياس الجاي الأخضر بأنواعة وجيساس النسكافية والكرنيشن الصغار وإذا عندج طقم كامل يجي مال الكرنيشن جنة دولكة كبر السكانة او القلاص الصغير حطي في الكرنيشن
وحطي نوعي بالبيض والحمسات لمحبي الحمسات واجبان وسوي انتي فالبيت جييي خبزة لبنانية وحطي داخلها جبن حلوم وطمام وزعتر وزيتون وحطيها بالفرن بتطلع محمشة تهبل لذيذة
وحطي صحون تفتر فيها انواع الأجبان واللبنة والزيتون ومع صحن الأجبان الفرنسية حطي خس تحتة وحطي يمة جزر
ولاتطلبين فطاير مادري مو حلو جان بتطلبين فطاير العادية مالوت الريوق اي بس فطاير تقديم لأ مادري ولاتطلبين ورق عنب مو مال ريوق
وحطي كيك تحلون فيه بعد الريوق وحطي كرواسون صفيهم مع سلة الخبز
حطي خبز بريوش وخبز ايراني وخبز لبناني مقصص ارباع وخبز فرنسي كل هذا في سلة او سلال صغار وزعيهم على طاولة الأكل او السفرة
حطي فلافل وجيبي نخي ودرابيل وزلابيا وبس كان الله غفور رحيمي
يعني الفلافل جاهز والنخي جاهز والأجبان جاهزة واللبنات جاهزة بس تسوين الجاي والماي الحار والحليب والبيض بسسسسسس
مستخسرين احنا نفكر شوي
والدرابيل جاهزة والكيك جاهز
على فكرة الصبح حلاتة كيك فانيلا ولا برتقال لاتحطون كاكاو
والزلابيا صح اسمها هذا الأحمر والبرتقالي والذهبي المدور الحلو يقرمش بلأكل
والخبز جاهز بعد شتبون