صديقتي وزوجها وحبيبته القديمة

[زيتونا كويتيا]

بنات سالفة صديقتي غريبه وتبي تساعدونها :yaaaaaarb:

اهيا صارلها شهر مالجه والعرس شهر 7

المهم ملج عليها الريال وتقولي لمن نطلع مايتكلم نهائيا

وكله ساكت واهيا ساكته منحرجه ومايتصل عليها نهائيا يعني صارلهم شهر مملوجه عمره ماتصل عليها اهيا تقول تتصل تتطمن تسولف معاه وصارلها شهر طلعت معاه مره وحده بس يوم الملجه وكان ساكت

وبعدها لايتصل ولا يسأل فمستغربه ولمن تتصل يكلمها دقيقه وقولها اخليج اشوي مشغول

صديقتي تبي تعرف السالفه

وتصلت عليه وقالتله لازم اكلمك وشوفك ابيك اشوي قالها اوكي مرها البيت طلعو وبسياره تقوله انته تبيني ولا لأ

ولا يقولها لأ :eh_s(12):

صديقتي انصدمت جنه احد راقعها طراق قالها عندج غير هالموضوع

قالتله بنات الناس لعب قالها شوفي انا مابيج بس تزوجتج لانه اهلي اغصبوني وحنون عليي اتزوج

وانا اكلم وحده واحبها بس البنيه متزوجه وماقدر انساها 24 ساعه في بالي وقول تبين تنفصلين مو مشكله والمهر عليج بالعافيه مابيه بس انا مابي اظلمج معاي انا ماحبج ولا افكر اصلا احبج لانه حبيت وحدة وتزوجت والله يوفقها بس ماقدر انساها

واهيا مصدومه وساكته ولا تبجي وتقوله قطني البيت ولا يطالعها وقولها اوكي

والحين اهيا ماتدري شتسوي
​

 

[BlackRose]

من صجج ماتدري شتسوس

هذا تتطلق منه وفوراً

باللعنة اهوا واهله بنات الناس لعبة

مايستحي

اهوا اللي مو ريال ومو قد الزواج تزوج ليش وظلم بنت الناس

خل يولي اهوا وعقدة النفسية

ناقصة خبال السالفة

 

[انثى عاشقة]

طبعا تنفصل عنه اشوة صارحها مو يورطها بزواج وعيال بعدين يقول ما احبج
حسبي الله ونعم الوكيل على كل رجال يلعب ببنات الناس
صدق انقهرت

 

[mnor]

لاحول ولاقوة إلابالله

صديقتج اكيد بتفكر تتطلق وانا اقول لو تقول السالفه لامها وابوها اتوقع حتى امها وابوها مايبون يقطونها عند واحد مايستاهلها

بس خلي صديقتج تستر عليه والله يعوضها خير منه إن شاءالله

 

[نشيج الروح]

ما يبيها ليش ماخذها ..... جان قالت له خلاص مو مشكلة البنت تزوجت وماتفكر إلا ببيتها وريلها ومستحيل تهدم بيتها وأنا مستحيل أهدم حياتي مع واحد بقلبه غيري وممكن يخوني فشنو الحل ؟؟؟
خل تشوفه شيقول ؟؟
بعدها خل تقوله أنا حياتي تنبني ممكن مع واحد ثاني يقدرني ويختارني مو يتزوجني غصب وما عنده كلمة ويجرح مشاعر مرة ...

على العموم هي مخيرة بين أمرين :- 1- أنها تنسيه حبه القديم ....... 2- أنها تتطلق تتزوج واحد شاريها مو غاصبينه اهله ...
وهذا يعتمد على شخصية البنت والريال

 

[randomy]

اشوه صارحها من اولها

خل تنفصل عنه ابرك

 

[noo7a]

حسبي الله ونعم الوكيل فيه
و حسبي الله على كل واحد يلعب على بنات الناس
اخخخخ بس اخخخخ
اكيد مايبيلها حل غير انها تنفصل عنه
خل تكلم اهلها بلي سواه و قاله لها
بعدين ابوها يدق على اهله ويطلب ان يقعد معاه اهو و ابوه و امه و اخوانه
عشان يقولهم سواد الويه الي سواه ولدهم معاها
عشان اهله لايفكرون يزوجونه مره ثانيه و يلعبون على بنت ثانيه
و شوفي اهو دام ملجه من حقه ياخذ نص المهر بس دامها طلعت منه ان المهر تاخذه كله ولا فلس ترده له عشان مايطلع من هالزواجه مو خسران شي ابن اللذين
ولا تفكر و تقول مطلقه و بالملجه و الناس شبيقولون لا تخاف خل تحط ببالها ان هذا اختبار من الله سبحانه لها
اعرف وحده هم ملجت و الريال حسبي الله عليه طلع مريض ولا مو اي مرض الله يستر عليه و موقايل لهم و تطلقت بالملجه بعد ٤٨ يوم بالضبط و الله ثم والله قبل ما تمر سنه على ملجتها الاوليه الا اهي متزوجه و ببيت ريلها
الله يعينها حاسه فيها ادري شي صعب

 

[رق رق]

باقي شهرين علا الزواج
ليش ما اتحاول فيهم انها اتنسيه ، اتسولف معاه يمكن ينساها الي يحبها
واذا ماكو فايده لاحوله ولا قوه تتطلق قبل ما يدخل عليها
وبعدين ليش ما اتكلم اخته واتشوف شسالفه وليش ماصار نصيب مع الي يحبها
ترا الزوجه ابايدها كل شي
والله يسر امورها ان شاءالله

 

[8lm r9a9]

من صجج ماتدري شتسوس

هذا تتطلق منه وفوراً

باللعنة اهوا واهله بنات الناس لعبة

مايستحي

اهوا اللي مو ريال ومو قد الزواج تزوج ليش وظلم بنت الناس

خل يولي اهوا وعقدة النفسية

ناقصة خبال السالفة

امبييييييه مو من صجج خرعتيني اشفيج انفعلتي ؟؟!!
الموضوع ما يبله تفكير انه مع ردود خواتي .. الله يعينها ان شاء الله و يرزقها ابولد الحلال اللي يستاهلها ..

 

[الله كرريم]

اكييد تتطلق وتخلييه الزوااج لازم قبول من كلا الطرفين ,

الله يرزقها ولد الحلال

 

[ماني من الناس]

أشكره ضعيف الشخصيه :

*) مغصوب على الزواج << حسسني انه بنت

*) يحب وحده متزوجه << أي حب هذا وين الغيره والرجوله

*) مايقدر ينساها يفكر فيها 24 <<شكله كان وايد يشوف افلام هنديه بمراهقته اللي ماطلع منها ليحين

*) أناني ومو مهتم انه ضحك على البنيه وتزوجها وخرب عليها


ايه نسيت اخر شي
هذا اللي صار له قبل او بعد ما شاف مسلسل (العشق الممنوع )

 

[ماني من الناس]

رفع

 

[الأميرة الحزينة]

فقيرة واهي شذنبها..:eh_s(16):. شتسوي بعد مالها الا تكلم اهلها يكلمون اهله وتنفصل عنه والله يعوضها باللي احسن منه. ان شالله . زين طلع فضايحه من الحين قبل ماتتدبس فيه ...رياييل آخر زمن والله مصاخه :eh_s(14):

 

[Om Ghanem 75]

حسبي الله و نعم الوكيل فيه و في أهله

يا ربي مت و انا اقول يا اوادم يا بشر اذا ولدكم مو قد الزواج مو راغب بالزواج لا تبلشون بنات الاوادم و تخربون عليهم

اووووفففففففف

مادري بس أنا من رايي ان تقول حق اهلها و تشاورهم و هن يتصرفون معاه

 

[بقــآيآ جـروح]

بآآآجر يقوله انا من اول قلت لج مآآبيج هذي مآيبيلهآآ تفكير خلآص تنفصل
وتقول مآآآرضى اخذ وآآحد اهله غآآصبينه ومو قآآدر يشيل بنت ربي وفقهآآ مع غيره
وآنآآآبي ريآآل قد وقدود موسهل ويلحق ورى بنت متزوجه بيت اهلي اولى فين منو وآآحد مغصوب ​

 

[الأميرة جوري]

لاحول ولاقوة الا بالله كسرت خاطري..

 

[تعبت اداري...~]

عليها با الاستخاره وبعدين تتخذ القرار الي يريحهاآ..

 

[bal8es]

والله رفيجتج محظوظه والله يحبها وامها راضيه عليها تحمد ربها ألف مليون مره ان صارحها وخل تنفصل عنه الله يرزقها بواحد يحبها انشالله وخلي طليقها ما راح اقول ريلها يبجي على خمام المرحوم الله يرزقها بريال يعرف قيمتها و يصونها الحمدالله الى قال لها واهم على البر قبل لا يدخل عليها

 

[malte]

أشكره ضعيف الشخصيه :

*) مغصوب على الزواج << حسسني انه بنت

*) يحب وحده متزوجه << أي حب هذا وين الغيره والرجوله

*) مايقدر ينساها يفكر فيها 24 <<شكله كان وايد يشوف افلام هنديه بمراهقته اللي ماطلع منها ليحين

*) أناني ومو مهتم انه ضحك على البنيه وتزوجها وخرب عليها


ايه نسيت اخر شي
هذا اللي صار له قبل او بعد ما شاف مسلسل (العشق الممنوع )

والله صاجه شسالفة الرياييل قاموا مايحبون الا المتزوجه والبنيه المستوره الي بالحلال ماقاموا يطالعون لها
صج شفاحه أكثر من عضوه كاتبه نفس سناريو العشق الممنوع :eh_s(10):
صاحبه الموضوع قولي لرفيجتج تتطلق قبل ماتطيح الفاس بالراس وهني الي صج اتوهق

 

[قلبي ماركه]

خلها تخبر أهلها لازم وتنفصل عنه الله يعوضها بالزوج الصالح