صديقتي ومشكلة الزواج

[امـل لاينتهي]

السلام عليكم

مشكلة صديقتي وتبي اراء اكثر فحطيت الموضوع هني لاخذ ارائكم والاستفادة منها

الله يسلمكم اهي تعاني من اضطراب الدورة يعني تتاخر عليها بالشهوور ونفسيتها تعبت وراحت مستشفى

وفحصوا الهرمونات وقالو عندها ارتفاع هرمون الحليب وتكيس مبايض والعلاج تاخذ حبوب وادوية لكن امها

الله يهديها من سمعت ان في ادوية وعلاج مارضت قالت لاتلعبين بالهرمونات وانتي بنت >>انزين اوردي

هرموناتها معتفسة بس امها من النوع الي يخاف قالت لها نطري تتزوجين وبتتعدل الهرمونات وبتصيرين

زينة بس لاتشربين حبوب الحينن وتحورفين بعمرج لكن رفيجتي خايفة لان يقولون هالمرض ياخر الحمل او

حتى ماتحمل الا لين تتعالج انزين بس المشكلة اذا ياها احد يخطبها هل تروح تصارحه ان عندها مشكلة

ممكن تاخر الحمل؟ المشكلة تخاف اذا كان الخاطب كفؤ وزين وكل شي فيه اوكي ويسمع يكون مومتفهم

ويخاف ويكنسل او يروح يقول لامه وامه تنشر الخبر ويقطعون نصيب البنت او انها تسكت وماتقول وبعدين

تسوي روحها تسوي فحوصات؟ مايعتبر غش بهالحالة؟ مع انه في علاج لهالشيء ويعطون ابر منشطة

والحمل ممكن باذن الله بعد العلاج واذا الله اراد حتى بدون علاج لكن شلون تتصرف اذا خطبوها ؟

وشكرا لكم :eh_s(17):

 

[مياسـة القد]

تروح من باجر تتعالج

 

[لمى الهاجري]

انتي كاتبة اذا خطبوها يعني للحين ما انخطبت لين تنخطبت بيصير خير

 

[Combat]

انا رفيجتي كان عندها هرمون الحليب مرتفع ودورتها معتفسة وتزوجت السنه الي طافت وماقالت شي للمعرس او اهله
وهي اصلا كانت تعالج من قبل لاتنخطب
بس ماادري هل هالشي صح ولاغلط!!!

فنصيحتي خل رفيجتج تعالج ترى كل الامهات خوافات من الادوية وهالامور
وبعدين الطبيب ادرى بهالسوالف لو كان فيه ضرر على البنت كان ماوصف لها ادوية من الاصل

 

[الخجل الانثوي]

والله الامهات مرات يضيعون الوحده صج يبون مصلحتنا وخايفين علينا بس مرات لدرجه تعيبج ماتنفعج
خل تعالج من ورا امها او تذكر قدامها ان احد تعالج من جذي وجذي وصار احسن تروح تقولها قريت بالنت جذي وجذي وموزين
انا قبل تتخربط جتني اول مره بلوغ وغابت اشهر عني وردت جتني وغابت جم شهر تجي وتغيب ٤او ٥ اشهر ووانا ماعلم امي عبالي الامر طبيعي اذا جتني او لا بس خواتي قلت لهم مره لان استحي وخواتي هم يقولون لامي وكان ردها ان دورتها تحج ،؟! عفوا شنو تحج شلون هذي قبل عبالي عادي جاهل ماعرف قالو تحج تحج شدراني سكت
خواتي يقولون عالجي وروحي وقالو لامي بس ساكته ماقالت امشي اوديج واستحي اقولها فسكتت
* وكبرت الحين ٢١ توها من سنه وشي انتظمت بس الشهر هذا تاخرت اسبوع
بس سمعت اذا النفسيه مو شي وهي متوتره مايخليها تجي

اذا هي كبري او اكبر ختعالج اما اذا اصغر خل تنطر
والمرمرريه تر ا تظبط الهرمونات سووي سيرج وشووفي

الله يوفقها *

 

[nour el denya]

قوليلها تعالج من دون ما تقول حق أمها
لان الامهات يخافون زيادة عن اللزم

 

[WAAAW]

شكو ؟؟؟؟؟؟؟ عادي تتعالج .. وسوري.. بس خل تاخذ علاج من ورا امها .. مو كل شي تقول له الام صح .. وهالمرض لازم تعالجه قبل الزواج

 

[ذات الهمة العالية]

للرفع
بنات ما فى علاج هالشىء عند حريم

 

[أماني عمري]

بنت عمي المسكينة كانت كله يصير فيها التهابات قبل الزواج و امها ما كانت راضية تعالج لأنها بنت و الاتهابات تكون متعبة، الزواج باب فرج لها و عالجت و الحمدلله بس ليش التأخير؟ الرسول عليه الصلاة و السلام قال تداووا ما قال لا هذي بنت و ما يصير! توكلي على الله و خذي العلاج اللي قال عليه الطبيب و لا تدري الوالدة الله يهديها

الأمهات من كثر خوفهم يأذون عيالهم أحيانا من غير قصد و هم بشر مو معصومين من الغلط، الله يرفع عنج و لا تشيلين هم الزواح، خلي كل شي لوقته

 

[-فلانة-]

انا أقول لا تسوي شي من ورا أمها..
خل تاخذ أمها و تروح حق كذا دكتورة..وتخلي الدكتورة تشرح حق أمها بالضبط وضع بنتها وشنو ممكن يصير لو سكتت على نفسها و ماعالجت,, وإن شاء الله الأم تقتنع إذا سمعت نفس الكلام من أكثر من شخص..
عسى الله يشفيها إن شاء الله..
​

 

[امـل لاينتهي]

بناات العلاج حبوب منع الحمل !!
رفيجتي طبعا يوم سمعت قالت لاا شكو اخذ تخاف ياثر عليها بعدين

مافي علاج بالاعشاب او شي؟؟

 

[RmRom]

تعالج من ألحين بس تفهم الوالده وتقنعها والله يسهل أمورها

وبالنسبة لإرتفاع هرمون الحليب وتكيس المبايض .. فيه حل طبيعي ومجرب .. هو البردقوش

روحي أقرب عطار .. وأخذي لج بردقوش .. ..أشربيه يومياً .. جربيه شهرين إلى 4 شهور وبعدها روحي أفحصي راح تلقين هرمون الحليب نازل للطبيعي إن شاء الله

طبعاً هذا مو كلامي .. هذا كلام بنات جربوا البردقوش .. ممكن تسوين بحث بقوقل وراح تشوفين تجاربهم


البردقوش وتكيس المبايض

البردقوش وهرمون الحليب


ودام الوالدة الله يخليها لج خايفة من الأدوية .. ما أتوقع أنها تخاف من أعشاب معروفه بفوايدها .
وبالتوفيق

 

[ديانا سبنسر]

مع فلانة

 

[جذابه بنت ذيابه]

حبوبه نصيحه مني لج روحي العطار واشتري لرفيجتج البردقوش عشبة تنظم الهرمونات
تشربها مرتين باليوم ومن اول شهر تروح تحلل الهرمونات و تجيك

 

[هيبة ملك]

شكو حبوب منع حمل

العلاج يكون بحبوب تنشف الحليب

والتكيسات تنزل مع الدورة

وخل تشرب بردقوش مفيد لها

وماله داعي تقول للخاطب شئ لأنه عادي أغلب البنات يعانون من هالشي

 

[امـل لاينتهي]

مشكوورين بنات ماقصرتو جزاكم الله خير وبميزان حسناتكم

بقولها عن البردقوش وان شاء الله خيير

اهي قاهرتني لانها خوافة اذا حبوب البروفين لما اشربهم عن الم الدورة تزفني وتقول موزين فشلون حبوب منع حمل هههههه

الله يعين وياها

 

[المكسيكيه]

لا تحاتي هذا شي يسيط

 

[اميره^_^بحلآها]

شكو اتقول حق المعرس .,.!~
لا حبيبتي خلي الامور تمشي مثل ما اهي و لازم امها يكوون عندها خبرر ب كل شي ..~

 

[Om Ghanem 75]

انا أقول لا تسوي شي من ورا أمها..
خل تاخذ أمها و تروح حق كذا دكتورة..وتخلي الدكتورة تشرح حق أمها بالضبط وضع بنتها وشنو ممكن يصير لو سكتت على نفسها و ماعالجت,, وإن شاء الله الأم تقتنع إذا سمعت نفس الكلام من أكثر من شخص..
عسى الله يشفيها إن شاء الله..
​

معاها

لا تسكت على روحها هن تروح تتعالج !! خوفج تنطر و تسوء حالتها اكثر و يكون حزتها العلاج صعب!!

خصوصا انها صغيرة بالعمر و تكيس المبايض ما ينسكت عنه!!

و الله يشفيها و يشفي الجميع