صعوبات التعلم

[occhiangelic]

السلام عليكم
انا عندي ولد عمره 4 سنوات وتوني راده من طب التطوري
شخص حالة الولد بأن عقله اصغر من عمره بستنين
وان عنده صعوبات التعلم
وعنده نقص بالانتباه ونشاط زايد
وقال لي سويلي تحاليل شامله
وتعالي بعد 6 شهور
المصيبه ان ماعطاني شي يبرد قلبي
الولد دخلته حضانه وصار زين وبعدين وقفنا عشان العطله وبعد العطله الولد صار يكفخ الى حولوه ووديته الروضه كفخ اليهال الى في صف واتصالوا قالو خذوا الولد وخذوا فلوسكم
الحين وش اسوي
ترا مقطع قلبي الولد
ابي حل
طالبتكم

 

[كويتية و لكن]

يارب الله يخليه لك ويتم شفاه

 

[هموسه<<]

معليش ابي اعرف كيف شخص حالة الولد بأن عقله اصغر من عمره بستنين
وصعوبات التعلم ما تبان الا بعد دخول المدرسه
وبالنسبه لنقص الانتباه اغلب الاطفال في هذا العمر تركيزهم بسيط
وبالنسبه للنشاط الزائد حاولي قدر الامكان ما تعطينه شكولاته او شبس او مشروبات غازيه لانه تزيد نشاطه

هذا اللي اعرفه انا متخرجه تربيه خاصه صعوبات تعلم

 

[dantial]

السلام عليكم حبيبتي شلون قالج عقله اصغر من عمره بسنتين على اي اساس؟
انا ولدي كان طاقة وحركي ومشاغب ويطق غيره وديته عند الدكتورة فاطمة العوضي للطب التطوري وسوت له اختبار ذكاء وطلع عند بطء تعلم وسألتها ليش الولد مشاغب وحركي مع ماعنده فرط نشاط؟ قالت لانه مايقدر يماشيهم في الدراسة فيسير مشاغب ولايقدر يعبر عن مشاعره لانه حاس انه غير عنهم
فأتوقع ولدج تشذيه
وديه يسوون له اختبار ذكاء
والله يعينج حاسة بمعاناتج وادعي له والله ولدي ماتغير الا من الدعاء​

 

[طير الحب]

رد : صعوبات التعلم

الطب التطورى خوااااره

ولا يقعدون ساعه من الياهل يطلعون فيه 288 عيب

اشلون الاختبارت لها وقتها

روحى مركز قياس وتقويم الطفل وهناك الكلام الصج

بنتى طبقت اختبرات اكثر من شهرين وعقب شهر يالله شخصوا الحاله مو على طول

 

[جواهر q]

رد : صعوبات التعلم

مثل ما قالو خواتى صعوبة التعلم تبان بثالثه ابتدائى آن مدرسه واعرف بس يمكن عند ولدج نشاط زايد ودايما ايي معاه صعوبة تركيز ممكن تودينه مستشفى الطب النفسى فيه قسم للاطفال والاخصائيات هناك شاطرين وفى دوا يقلل من نشاط الطفل وحركته الزايده وعلى ما اظن اهو عباره عن اعشاب ما تضر بالعكس تخلى الولد يهدى ويستوعب اللى حواليه ويسمع الكلام وهالشغله راح تفيده وما تضره انشا الله وعسى الله يشفيه لج آآآآآآآآآآآآمين

 

[الصابرة المحتسبة]

رد : صعوبات التعلم

وعليكم السلام

هلا يالغالية عسى ربي يطمن قلبج عليه وتشوفينه بأحسن حال


شلونه ألحين؟؟


وما يمنع تقعدين مع استاذ تعديل السلوك.

 

[secret sauce]

مع طير الحب في نفس الكلام