صعود الدرج والارداف ؟...

[Shodiii]

السلام عليكم ورحمة الله وبركاته
اول شي انا مشكلتي اردافي
انا بنت عصقوله من فوق والحمدلله مابي اسمن لان وزني عاجبني
بس مشكلتي من تحت اردافي وفخوذي كبيره مره شوهت جسمي استغفرالله
يعني جسمي نوعه كمثرى ، والله اتفشل منه احيانا ماهو متناسق
كل يوم اناظر لاجسام عارضات الازياء بجوالي واصيح من القهر الحمدلله على كل حال بس
المهم قريت عن رياضة صعود الدرج - السلم - تنحف الي تحت ! صحيح ولالا ؟
وقريت انها تسوي اضرار للركبه بس انا ان شاء الله بسوي تمارين للركبه بعد
المهم هل فعلاً تنحف ولالا ؟ انا ارادتي عاليه باذن الله بس مادري عن النتيجه
الي جربتها تجي تقول النتيجه الله لايهينها :eh_s(2):

 

[منيره آل ثاني]

والله ما اعرف

فوق لعيونج

 

[حنانو 89]

عاد بالعكس هذا شكل الجسم الدارج الحين نفس كيم كرداشيان ونيكي مناج وغيرهم من تحت اكبر من فوق بس اذا ماذيج تقدرين تسوين تمارين ...

اكتبي بقوقل تمارين للجسم الكثري وبيطلعلج كل شي ...

وانا ما اعرف عن الدرج بس اول كنت اتمرن علي الجاري واكثر شي ضعفني من تحت ( ارداف + فخوذ ) جربي وان شاء الله يفيدج

 

[1001]

عندي نفس مشكلتج
صج هالمكان خايس لابنطرون تقدرين تلبسين ولا شئ سنع

بس ترى يختلف إستجابة الجسم من شخص الى شخص

هي تروح بالرياضه خصوصا الستبس بس إذا تركتيها ترجع اكبر من اول
انا جربت المساج إلي يعور شهرين وجربت الكريمات الحاره واللف بالنايلون شهر وجربت جهاز الليزر خمس جلسات تقريبا 450 د.ك مايسوى كلها مانفعت
وجربت رياضه
بالرياضه يخف عدة حركات تسوينها كنت اسويها بالنادي شئ مؤلم مع رقص هز والستب بس في نتيجه إذا تركتي الرياصه ترجع الدبه

رحت عياده وقلتلها هذي مشكلتي الدبه حطتلي نظام غذائي بدون الأجبان وبطاط
بنجرب ونشوف

 

[اميره بكلمتي]

بالعكس هذا الجسم المطلوب الحين

بس اذا مو عاجبج عليج بالمشي وشوفي باليوتيوب حركات تنحف
او يفضّل تروحين نادي المدربة ادربج

بس شوفي اذا كانت هالشغله وراثه اعتقد ماتنحف مابي احبطج بس بنت اختي نفسج وراثه على عماتها ضعفت حيل بس اللي تحت لا كلش مابين فيها الضعف يعني من فوق تلبس سمول وتحت تلبس لارج او ميديم اعتقد