صغر الرأس وتاخر النمو ضروري ساعدوني

[الجود*2]

السلام عليكم بنات ممكن تساعدوني بنتي عمرها سنه ونص وعندها تاخر نمو من كانت داخل الرحم بس كان وزنها اقل من الطبيعي و مقاس راسها بعد وللحين راسها مو راضي يكبر فياريت الي عندها نفس حالتي تساعدني
بنتي الحين تعالج طبيعي بس

 

[الصابرة المحتسبة]

وعليكم السلام
هلا أختي وحياج الله بين خواتج


وان شاءالله الخوات اللي عندهم أطفال نفس الحالة يتعاونون معاج.

 

[روحي82]

هلا والله اختي انا عيالي اجيبهم صغار حيل الراس صغير الاطراف قصيره

بس ياخذون علاج الكاليسيوم علي طول

عمر ولدي الحين تسع شهور كانه ابو شهرين

انتي جذي الحاله الي عندج

والله يشاافي كل مريض ياارب

 

[الجود*2]

انا بنتي صغيره كلها عمرها سنه ونص تعطينها اقل من٦ شهور بس مافيها نقص كالسيوم واطرافها اكثر شي طبيعي فيها مقاس رجلها حق عمر سنه ونص*

 

[الجود*2]

بس ممكن سؤال يا (روحي) عيالج كلهم نف الحاله ولا بعض منهم
وسوري عالتدخل بس انتي وزوجج اقارب

 

[Le chat]

حياتي انا نفس حالتج بالضبط وزياده يوم سوولها ام ار اي طلع مخها املس مافي تعرجات ياروحي المفروض بنتج طايره فيها علاج بالخارج من اول ماعرفتي هني بديرتنا للاسف وااااااايد فاشلين بنتي كانت تتشنج بسبت حاله مخها وعطوها دوا بالكويت تخيلي التشنجات اختفت بس يوم سوولها تخطيط طلعت تتشنج طوووول الوقت بس بدون لا تبين ياعمري دواهم الفاشل مربطها سوي اوراقها وييبيها امريكا مستشفى سينسيناتي للاطفال ممتااااااز وان شاء الله حاله بنتج احسن من حاله بنتي ويكون في امل ترجع طبيعيه وماتحتاج غير علاج طبيعي لاتخلين مستشفياتنا يلعبون فيها عسا الله يشافيها ويعافيها وتفرحين فيها ياارب

 

[Le chat]

انا وريلي اقارب وطبعا من درو واهمه يقولون وراثه لانه مالهم خلق يسوون فحوصات يوم ييت امريكا قالولي لا وراثه ولا شي اهي كانت عاضه عالحبل السري وقطع عنها الاكسجين فوقف نمو مخها وتطوره *

 

[بنوته كيكه]

الله يشفيها يارب ويشفي كل مريض
توه صغير لا تخلونها علي طول وديها علاج في خارج
ترا هنيه نصابين الدكاتره بس يسون تجارب في عيالنا

 

[أم عبدالرحمن 1]

ربنا يشفيلك بنتك

 

[بنت الديرة2009]

حبيبتي صغر الراس مو مهم اهم شي وضع المخ
انا ولدي عند اعاقه ذهميه متوسطه وحجم راسه صغير
وسوو له ام ار اي وقالو الحمدلله وضع المخ تمام وزين وماله علاقه بالصغر
بس سبحان الله الله كتب له الاعاقه الذهنيه
وغير جذي عند صعوبه نطق بس الحمدلله كل سنه قاعدين نروح امريكا عشان العلاج
شوفي وضع بنتج واذا تحتاج علاج بالخارج ودوها

 

[نملة منشوله]

مرحبا اختي الله يشفيها وتشوفينها قدامج عروس
ملاحظه : مهمــــــــــــــــــــة جدا :
كثير من الامهات اللي توهم والدين يجهلون فحص الغدة واللي هي السبب في عدم نمو جسم الطفل والاخطر منه ان هذي الغدة هم تساهم بشكل كبير بنمو الطفل فاذا كانت الغدة الدرقيه اللي اهي العامل الاساسي لنمو الطفل اذا كانت تعمل الغداه فما بالكم اذا كانت ماتعمل الغدة الايام تمشي والجسم يكون نموة مو طبيعي والاخطر اذا ماكانت الغدة تشتغل تعطي تنبيه بان الطفل مهدد للجنون لاسماح الله لان مافي غدة تساعد المخ والجسم على النمو واذا انتبه اجد لطفله ان فيه شي مو طبيعي الافضل يسوي فحص للغدة الدرقيه .
والحلو بالامر : والعلاج اذا كان الطفل توة والد علاجه مايكلف شي 100 فلس يعطونه حبه لتنشيط الغدة لتساعد على النمو الجسم والمخ لين ينضج الجسم وبعدها يكونون تفادو التشوهات الجسم وتفادو جنون الطفل مستقبلا اذا كبير لا انشالله
ياريت الكل ينشر هذي النصيحه لكل ام والدة او تبي تولد ان يسون لطفل فحص للغدة الدرقية اذا شغاله زين علي زين واذا ماتشتغل راح يعطونها بديل بعد الولادة بسبوع فحص الغدة ......... انا اختفيت اختفيت اختفيت تحياتي