صـالـون كـونـتـيـننتـال استفسار عنه < مابقى الا شههر النجده

[رروح]

كويتيات فديتكم انا عروس عندكم وما اعرف بصالوناتكم :eh_s(16):

الزبده ان جتني نصايح احجز مكياج عرسي عند صـالـون كـونـتـيـننتـال

وانا حبيت اعرف شغلهم حلوو ؟ وكم اسعارهم للي تعرف ؟

لأن المههر بح والله يستر :yaaaaaarb:



بأنتظاركم فديتكم :eh_s(11):

 

[ام عبد العزيز م]

انشالله البنات يفدونج اب اب

 

[Nostalgia ~]

اول شي مبروك ياحياتي والله يوفقج

اما بالنسبه لصالون عرسج .. يعتمد علا انتي شنو تبين وتحبين مكياج

هل تحبين الاووفر والا تحبين الناااعم ؟

كونتننتال السمه الغالبه عليه اهيا الاوفر والكريم الورديييي

بس فيه جم وحده تسوي ناعم وتقدرين تطلبين هم كريم طبيعي

انا انصحج انتي بنفسج تروحين وتشوفين اذا شغلهم يناسبج ولا لا

انا اشوف اغلب اللي يروحون كونتننتال يسوون عند وحده اسمها الهام وهذي مكياجها كلش مو حلو واوفر حدددده

اختي بعرسها سوت عند ( سهام ) وطلبت كريم طبيعي مو وردي

وماشالله صار مكياجها ذرب مو ناعم حيل ولا خبه حييل

وموفقه ياقلبي

 

[احلى ديما]

حبيبتي انا سويت مكياجي بكونتيننتال عند الهام وماشالله تبارك الرحمن مكياجها عجييييييب وايد وايد حلوو انصحج تروحين لها تشوفين صور مكياج اهسا مسويته وبعدها قرري

 

[سارونه الامورة]

ااااااااااااااااااااااااااااااااااااااب​

 

[sweet.sanfoora]

حبيبتي روحي الصالون وشوفي ميكب لايف احسن من الوصف لانه الناس اذواق

يعني وحدة من رفيجاتي رفيجتها مدحتلها صالون وراحتله صارت كاسبر
فه عشان جي روحي وشوفي ع الهوا مباشرتن احسنلج


وبثث

 

[رروح]

فديتكم ماتقصررون
ربي يرزقكن من حيث لاتحتسبن قولن أمين

تيب حبايبي والأسعار ماتعرفون عنها شي ..؟

 

[Asoora~]

الله يووفقج حبيبتي

انا خالتي بعرسها راحت كونتنتال امبيه فلم رعب والله مع انها طالبه طبيعي ونااعم

صارت قبيييييييييييييييييييييحه وربي ما بالغ شفتي دعايه صالون الشرقيه الي يطلع على الراي برمضان؟ نفس مكياجهم والعن بعد
والتسرييحه برج ايفل طبعا

والله لو خالتي مسويه مكياجها بليلى هارموني او بريجيت احسن وارقى بمليون مره

وانا اقولج رووحي الصالون وشوفي يمكن انتي تبين الاوفر فا شوفي احسن لج قبل لا تحجزين

وبالنسبه للاسعار ماكو شي اقل من 100

موفقه

 

[زهور المحبة]

بعرسي رحت أنا وامي يمكن عشرة الاف مره وكل مره نتصرقع وننحاش

بس توكلت على الله وحجزة عندهم سوت لي سهام وطلبت ناااعم وتسريحتي فيروز
والله العظيم طلعت طلعه بعرسي كنت ناعمه وبنفس الوقت المكياج راقي


بعرس اختي هم رحنا مليون مره ونفس الشي أووووووفر نتصرقع
ونطلع بس توكلنا على الله وحجزنا

اللي حطتلها اسمها ناديه حتى ثاني يوم أهي حطتلها مكياجها رووعه
انتي طلبيناعم وفهميها شتبين
تسريحتها كانت عند جولدا وهم اتهبل

لاتحطين عند الهام لانها ما تعترف بشي اسمه ناعم حطتها
ثقيله واوفر
اذا تبين شي دزيلي عالخاص

 

[hissa]

بنات انا رحت الكونتينتال وصراحه احلى وحده وأرقى تسريحات عند غولدا اللبنانيه تهبل

 

[زينه الفضلي]

اخيس صالون مر علي كونتينيتال عندي هذول صالونات بلاس أهون منه

 

[قاهره عذالي]

شوفي

اذا المهر بح

عندج صالون ماي فير ليدي (ساس سابقا)

عند ميرفت ناعم وحلوو

بالنسبه لكونتننتال عندج الهام وبس

بس ترا مكياجهم اوفر لاتخلينهم يحطون لج رموش تحت
الرموش حلاته الجفن اللي فوق مو تحت

عندج هم رفيجتي حطت بصالون لمسة فن عند ايميلي

يهبل مكياجها سلفر بحمره حمره

طلعت تجنن

 

[قاهره عذالي]

شوفي مكياج العروس اقل شي 200 بالفنادق

من 200 الى 250

عشان يحطون لج رموش وكريم جسم