صناعي ولاطبيعي ؟

[للصبر اخر]

قوه بنات
بنتي كملت الست شهور
وداشه بالسابع
وارضعها طبيعي ومن جم اسبوع دخلت الاكل المسلوق
ماتحب السيريلاك ولا البسكوت ومن 3 ايام جربت عطيتها حليب صناعي والحمدالله تقبلته وصرت اعطيها مرتين باليوم اليوم بلشت عطيتها 3 رضعات صناعي بس اعطيها صدري ترجعه مادري احس معدتها تخربطت وموعارفه شلون نظام الصناعي يعني جم رضعه باليوم وجم رقم تشرب ؟ وفكرت افطمها من صدري لانه عندي صبيان وانا كل شوي منخشه عنهم وحيل متقيده فتنصحوني اكمل رضاعه طبيعيه ولا لآ ولي اي عمر اوقف
لانه بنتي كاسره خاطري وايد :eh_s(2):

 

[Q.8.h.2]

عن نفسي على حسب اذا صدري في حليب استمر عالطبيعي لان الفايده كلها فيه واذا كبر بس بخربطون بالاكل ومايرضون ياكلون المفيد الحين نقدر نتحكم باكلهم

مرت اخوي رضعت ولدها سنه وشي تالي فطمته لان كان يعضها مسكينه هههههه ونرفزها ففطمته فطالما الحليب موجود رضعيها وسالفة ان عندج صبيان هذي اول مره راح اجربها ان شاء الله لان قبل عيالي صغار الحين يمكن احس باللي تحسين فيه من ناحية انج تنخشين
والله يعينا يارب وان شاء الله يفيدونج البنات بعد

 

[ام ميميتو]

نصيحه رضيعيها من صدرج انا لما ولدي ما رضعته غير 3 اسابيع ولي اليوم ندامنه و حاسه بالذنب كنت كل ما ارضع ولدي ارجع الحليب كله لما الحليب جمع بصدري وصار فيه خراج الي هو صديد و سويت عمليه و فتحولي فتحه بصدري اليمين عشان اطلعون الصديد منه واااااااااااااي لا تذكريني بس اذا في حليب رضعيها خليها تستفيد منه والله يخليها لج ان شاءالله

 

[miss.Al-Qattan]

لااااا حرام عليج
كمليلها طبيعي دام تشرب وصدرج فيه حليب عطيها حرام
هذا رزقها من الله دامه موجود لا تقطعينه عنها

الله يخليها لج يارب
ويرزقني بنوته يااارب

 

[للصبر اخر]

مشكورين بنات وايد شجعتوني استمر بالرضاعه
انا لي الحين مره صناعي ومره طبيعي بس احس معدتها تخربطت من جيه كتبت الموضوع ولازم اعطيها صناعي علشان لاطلعت برا البيت اكون مأمنه حقها حليبها
وبعد لاني احب شي اسمه ردبول ههههه بخاطري اشربه بس لاني ارضع مااقدر اشربه يلاالحمدالله كل شي باجره

 

[سكر فتافيت]

حاولى تستمرى على الطبيعى الله يعينك
والاكل حاولى معاها لاتملى
لاتذوقيها اكثر من صنف جديد فى اليوم
وجربى العصاير الفرش برتقال مثلا

 

[om MaRyooM]

بصراحة اذا عندج القدرة والامكانية انج ترظعينها طبيعي خلج مستمرة ... (وفطامه في عامين)

افضل لج ولطفلج ..


وتقدرين مبدئيا دخليلها شوية سيريلاك خلطيه مع شوية عصير برتقال حتى لوقفشتين تاكلهم .. .


وبعد شهر شهرين دخليلها الصناعي

والله يخليلج عيالج ويخليج لهم

 

[الشيخة@]

الله المستعان

 

[q.u.e.e.n]

حبيبتي اذا صدرج في حليب كملي معاها حرام تقطعينه الحليب الطبيعي واااايد مفيد حقها

 

[BoZo]

كملي معاها

والله انا مارضعت بنتي حسبي الله على الدكتور قال انه بنتي فيها مرض تخلف و ماتعيش اكثر من سنتين حسبي الله عليه خرعني ونشف حليب صدري

وبنتي مافيها الا العاافيه و وديتها عند دكتور ثاني و تطمنت عليها والحمدلله

 

[منو انت]

موضروري صناعي خلج على الطبيعي والله احسن حتى علشان المناعه تصير اقوى واذا طلعتي ممكن يعطونها شوي بسكوت مع شاي وحليب علشان يصير مهروس

 

[منو انت]

كملي معاها

والله انا مارضعت بنتي حسبي الله على الدكتور قال انه بنتي فيها مرض تخلف و ماتعيش اكثر من سنتين حسبي الله عليه خرعني ونشف حليب صدري

وبنتي مافيها الا العاافيه و وديتها عند دكتور ثاني و تطمنت عليها والحمدلله

الله يسامحه شنو هالسالفه اللي توقف القلب مو بس تنشف الصدر الله يلوم اللي يلومج وعسى الله يخليها لج يارب ويحفظها من كل شر

 

[كـ غلا ــلي]

لااااا حرام عليج
كمليلها طبيعي دام تشرب وصدرج فيه حليب عطيها حرام
هذا رزقها من الله دامه موجود لا تقطعينه عنها

الله يخليها لج يارب
ويرزقني بنوته يااارب

كلام الاخت عين العقل

 

[_Pure_]

نصيحتي لج كملي بالطبيعي

انا ما اعطي صناعي خلال اول سنة من عمر البيبي لان شي طبيعي اول ما اعطي صناعي راح يرفضون الصدر و ياخذون الصناعي
عشان جذي ماخرة الموضوع لي بعد السنه
معني موظفة بس مدبرة حالي و متناقشة مع الدكتوره على عدد الرضعات و اوقاتهم عشان اكون متاكدة اني مو مقصرة بحق بنتي

المهم حاولي تكملين الين السنة

 

[ام نجـــلاء]

انتي لاتكثرين صناعي يعني خليها مرة باليوم

لانه ثقيل ويشبع