صوت طقطقه صادر من الفك

[shjoon]

صباح الخير بنات ...



صارلي سنه اعاني من هالمشكله اذا اكلت يطلع صوت طقطقه من الفك

الصوت سببلي احراج اذا كنت اكل وعندي احد .. :0bee2e8d89:

اللي عندها تجربه او تعرف احد تعلمني وين يتعالج وطريقة العلاج ... وجزاها الله خير

 

[~Princess~]

صار فيني فتره... رحت دكتوره قالت لي حطي تقويم ... و ما حطيت .....

كنت اسوي تمارين طلعتها من النت ... واذا زاد على احط فوطه فيها ماي حار وتريحني وايد.. وخفت المشكله وايد..

الغريب ان مره حاشني التهاب بالأذن وخذيت مضاد حيوي وبعدها لاحظت ان مشكلة الفك عندي راحت ! ومادري اذا له علاقه بهالدوى ولا لأ !

 

[LuLiTa]

حبووبة و هم اتوقع انج يمكن اتكونين وااايد تضغطين على الفك لما اتسكين حلجج و اتخليج اسنانج اللي فووق و اللي تحت حيييييل صاكين على بعض و يمكن هذا اكثر شي يصير و انتي نايمة و لا انج وحدة على طوووول اتحاتين و اتفكرين وااايد ,,,,,حااولي ادفين عمرج و خلج ريلاكس ,,,و شوووفي دكتور اسنان يسويلج مثل القالب الشفاف اتحطينه على اسنانج وقت النوم عشاان ما اتعضين وااايد ,,,

او الشي الثاني انه ممكن يكون عندج التهاب بالاذن ,,و راجعي دكتوور انف و اذن و حنجرة

 

[شموخ شيوخ]

راجعي جراحة الفك بمستشفى الاسنان هذا تخصصهم اكييد يلقولج حل

 

[shjoon]

مشكورين بنات ماقصرتوا

انا ماحسيت فيه اللي عقب ماسويت العصب

ولما قلت للطبيب اللي سواها قالي العصب ماله شغل

ويمكن من ضرس العقل

ومو اكييد منه ....

الله كريم

 

[UAE Angel]

بناااااااااات انا هالمشكلة من سبوعيييييييييين ماعرف شو السبب
انا ماااااكان يعورني فككككي الا من حطيييييييت التقويم
وهالفترة , اللي هي هالاسبوعييين فكي يطلع صوت كل ماكل شي
والحيييين هالوقت بالظبط ><
ساعدوؤني ونصحوني

 

[خفوق نجد]

الله يعينك مثلي اجل
بعد التقويم
بس انتبهي على نفسك وبلغي الطبيب
لايتعببك لازم يراعي مسأله الفك

 

[كتكوته غنوجه]

لاحبيبتي لاتسوين تقويم مامنه فايدة للطقطقة اساليني عن الطقطقة صارت معاي من سنتين وللحين معاي وانا اعالج الحين بستشفى الاميري عند د.نشأت عطاني تلبيسة طبعا لان انا معاي تمزق من حادث يعني الشغاة قوية فقعدت معاه سنه ونص بس انتي ان شاء الله تكون خفية ماتاخذ معاج3شهور تحطينها بس وقت النوم روحي له ترى صج دكتور شاطر وماتشوفين شر وادعيلي انا عندي عملية فك

 

[ii DareeN ii]

راجعي طبيب الاسنان يحولج على جراحة الوجه والفكين تسوين اشعه يعطونج علاج لاتسكتين على نفسج

 

[q8ia7]

يمكن لما تنامين تصكين جذي على ضروسج حييييل

حاولي ترخين

انا يتني فتره جذي صار فيني وبروحه هالشي راح من نفسه ما سويت شي

بس دايما كانو يقولون لي لا تضغطين وتسكرين اسنانج حيل وانتي نايمه

 

[shjoon]

الحمدلله يارب الذي لا يحمد على مكروه سواه

مازلت اعاني من المشكله ومن صوت الطقطقه لما افتح حلجي او اكل

 

[طبعي شموخ]

انا اعاني نفس المشكله وباجر عندي موعد مع طبيب الاسنان والله يستر خايفه يقول لازم عمليه

 

[الدميره ..]

نفسسسسسسسسس الحاله

 

[انوثتي غير وياك]

نفس الحاله قبل وبعد تقويم

صوب ضرس العقل