صورة .. و تحليل .. { تعالي احلل شخصيتج } @ تم اغلاق الموضوع لعدم تواجد العضوة @

[МίSs StyLe]

عزيزاتي .. الحلوات ..

يارب تكونون بخير وعافية ..

بما اني دارسة علم الفراسة .. و تحليل الشخصيات .. فموضوعي راح يكون صورة .. و تحليل ..

يعني كل وحدة تجيب صورة من عندها و تكتب تعليق عليها .. لكن فيه شروط ..


.. الشروط ..


1- كل وحدة تجيب صورة وحدة بس .. اي صورة عجبتج .. حبيتيها .. اثرت فيج .. اي صورة ..

2- تكتبين تحتها تعليق ما يقل عن 5 اسطر .. و كلما كان اكثر .. كلما عطيتني فرصة احلل شخصيتج أكثر ..

3- ما تزعلين من التحليل .. لاني صريحة .. و هذا القسم لتطوير الذات ..


.. الرجاء الالتزام بالقوانين .. واللي تخالف القوانين ما راح احلل شخصيتها .. و السموحة ..


يالله في انتظاركم :eh_s(7):​

 

[نيولوفر]

رد: صورة .. و تحليل .. { تعالي احلل شخصيتج }

الصراحه موضوعج حددددددددددددددده شي واطالب المشرفات انهم يثبتونه ....... و يسعدني اكون اول وحده ترد ع مموضوعج ......... ومشكووووووووووووووورة ع الموضوع الرائع و القيم ..... بس حبيبتي انا ما اعرف شلون انزل الصورة و عادي اي صورة ؟؟؟ و التعليق لازم يكون عن الصورة نفسها ؟؟؟؟؟

 

[Eng.shosha]

رد: صورة .. و تحليل .. { تعالي احلل شخصيتج }

يعطييييييييييج العاااافيه موضوعج فعلا مميز ..
ياريت يتثبت والله

 

[Great-Me]

رد: صورة .. و تحليل .. { تعالي احلل شخصيتج }

يعني حبيبتي نكتبهم بخط اليد؟

ولا شلون؟؟

وانا اكييييييييييييييييييييد معاكم

 

[نيــلــوفــر]

رد: صورة .. و تحليل .. { تعالي احلل شخصيتج }

اللله وناسة حلو الموضوع تسلمين حياتي هذي المواضيع اللي تشرح الصدر

طبعا اول ما شفت موضوعج على طول طرت اشواريا على بالي

وهذا تعليقي على الصورة

انا برايي اشواريا احلى امرأة في العالم, ما شاء الله حيل جميلة و عيونها كبار و ملونين و خشمها حلو و براطمها حلوين وبشرتها حلوة ما شاء الله كل شي فيها يعجبني حتى شخصيتها حلوة واحس انها قوية الشخصية و ذكية حيل تعرف تفكر وتتصرف و تختار افلامها صح و لبقة بالكلام تعرف متى تضحك و متى تسكت و متى تبتسم و متى توقف الناس عند حدها و بصراحة تعجبني حيل بس اللي ما يعجبني فيها ضحكتها ساعات احس انه ضحكتها العالية مو حلوة و ساعات اسمع انها مغرورة بس انا ما احس انها جذي بالعكس حيل حبوبة.

خلصوا الخمس اسطر لووول عصرت مخي على ما طلعت حجي

يالله ناطرين التحليل حياتي

 

[*بحر الشوق*]

رد: صورة .. و تحليل .. { تعالي احلل شخصيتج }

رووووووووعه وربى الموضوع

تسلمين والله

بس صح تبين خط اليد ولا عااادى ولاشنو بالضبط

طيب ابكتب وامرى لله
بالنسبه الصوره اللى تأثر فينى هى الفنانه زينب العسكرى

يعنى كل ماشفتها والله صج ماتوقعين شكثر اتحمس اروح احط مكيااج واتكشخ مع انه بالبيت بس
واروح البس عدسات يعنى اطالعها مااوخر عيونى مع انها احيانا تصير تجيب المرض بس بعض صورها صراحه اروح مع عيونها <<ادرى شكيتى انى ولد ههه
تصدقين من بعدها والله صرت احب اطالع وجهى بالمرايا كثير وامثل جدام المرايا يعنى اللى يشوفنى يقول موصاحيه واحب هواية التمثيل بس طبعا بينى وبين نفسى بس طبعا تمثيلها قبل يعجبنى مو الحين يعنى ماتصورين قبل لما كان مسلسل دمعه عمر والله انى اطالع الحلقه واعادتها واطالعها على قناة ثانيه بعد بس مسلسلاتها الحين مو دايم اتابعهن يعنى ان لحقت عليه حطيته وان مالحقت خليته يولى






خصوصا الصوره الاولى والثالثه تعجبنى واااايد

يعطيج العافيه مقدما وانا اسفه انى حاطه صورتين بس السموحه واذا قدر ارجع ابرجع
لان فى فنانه حاليا تعجبنى مررره

 

[МίSs StyLe]

رد: صورة .. و تحليل .. { تعالي احلل شخصيتج }

يا بنات حبيت اوضح بعض النقاط ..:eh_s(22):

1- الصور عادي تكون اي نوع من الصور .. طبيعة .. ورود .. نجوم .. صور شخصيات .. اي شي .. بس ان تعجبج او تشوفينها قريبة من نفسج او اثرت فيج ..

2- تبون تكتبون بخط ايدكم وتحطون لي الكتابة ما عندي مشكلة بس على شرط تكون التصوير واضح .. الكتابة بخط ناشف .. الورقة تكون غير مسطرة ..

ان شاء الله وضحت الصورة و راجعة بالتعقيب على ردودكم .. و التحليل ​

 

[غلا الغوالي]

رد: صورة .. و تحليل .. { تعالي احلل شخصيتج }

ياااااااااي موضوعك شيييييييييييييييييييييييييييييييييي بسسسسسس حبيت اعرف فيه عندكم قسم اسمه قسم الفراسه ؟؟

والا دورات ماخذه ؟؟ وممكن تشرحينه لي شوي

وجاااااااااايتك باالصور :ggdw:

 

[غلا الغوالي]

رد: صورة .. و تحليل .. { تعالي احلل شخصيتج }

امووووووووووووت انا ع هاالمناظر ودي اسكن فيها مع اللي احبهم ومايكدر علينا شي

ووالله اني دايم اقول ياااااااحظ اهل هاالناطق احسهم مرتاحين نفسيا فيها واتخيل اشكالهم وهم طالعين من المدارس احس انهم

يروحون لها بنشاط واااااااااااااي ياحلاتها بسسسسسس حتى جوها خيالي امطار وغيوم وشي شي

الله يهنيهم



واحنا ان شاء الله نلقاها في جنات النعيم اللي فيها لاعين رأت ولا أذن سمعت ولاخطر ع قلب بشر

ورجااااااااء ابي تفسيري ع الخاص قلبوووووووو

 

[МίSs StyLe]

رد: صورة .. و تحليل .. { تعالي احلل شخصيتج }

عزيزتي نيولوفر .. عرفت جزء من شخصيتج بس ماني قايلة هاتي صورة و كتبي تعليق بعدين بعد احط تحليلي :eh_s(22):

شوفي يا الغلا .. اذا عندج صورة من جهازج .. لا تنزلينها على النت عن طريق موقع تحميل ..

تفضلي

في انتظارج يا الغلا


:eh_s(17):


عزيزتي ام عبد المحسن .. حياج الله يا الغلا .. تسلمين :eh_s(22):


:eh_s(17):


عزيزتي Great-Me .. اذا حابة تكتبين بخط ايدج ما عندي مانع .. بس التزمي بالشروط اللي كاتبتها ..

يكون التصوير واضح .. الكتابة بخط ناشف .. الورقة تكون غير مسطرة .. ويريت صورة قريبة على الخط ..

في انتظارج :eh_s(22):​

:eh_s(17):​

 

[МίSs StyLe]

رد: صورة .. و تحليل .. { تعالي احلل شخصيتج }

بسم الله .. مع أول تحليل :eh_s(22):

عزيزتي نيــلــوفــر .. انتي انسانة محبوبة .. عندج علاقات اجتماعية حلوة .. طيوبة .. مسالمة .. متفهمة .. كريمة .. مريحة في التعامل ..

انسانة مرحة .. وين الوناسة تروحين لها .. ما تحبين الحزن و ضيقة الخلق .. و دايما تبتعدين عن المشاكل ..

انسانة رومانسية .. حالمة .. رقيقة .. نعومة .. تحبيبن الشموع .. الورد .. البحر .. اجواء هادية .. اضاءة خافته ..

انسانة كتومة .. صبورة لابعد الحدود لكن اللي يدوس لج على طرف تنفجرين بوجهه :tomato2: .. بس قلبج طيب و تسامحين بسرعة ..

انسانة وفية .. و عندج ولاء للشخص اللي تحبينه ..

تحبين الهدايا ما يهمج قيمة الهدية كثر ما يهمج معناها ..

تحبيبن تقدرين الناس .. و تحبيبن انهم يقدرونج .. تحبيبن تساعدين الناس .. ما تحبيبن تردين أحد ..

تحبين الجمال .. و الكشخة .. والستايل الحلو ..

حساسة وايد .. واي كلمة جارحة ممكن تأثر فيج وايد ..

مترددة وايد بفراراتج ..

نصيحة يا الغلا .. لا تصتصعبين كلمة آسفة لاي شخص .. صدقيني ما راح يحس انج ضعيفة .. عمرها هالكلمة ما صغرت الانسان .. لان باعتذارج ممكن تكسبين حبه و مودته .. ولاتاخذين الامور بحساسية لانج راح تتعبين ..

هذا تحليل شخصيتج و الله أعلم :eh_s(7):​

 

[МίSs StyLe]

رد: صورة .. و تحليل .. { تعالي احلل شخصيتج }

عزيزتي بحر الشوق ..

انتي انسانة شخصيتها قوية .. استقلالية .. واثقة من نفسها .. طموحه .. ارادتج قوية .. ناجحة في حياتج ..

انتي انسانة مجازفة .. تحبيبن الاكشن بحياتج ..

انتي انسانة مبدعة .. مبتكرة .. حماسية .. عندج مواهب ..

تتخذين قراراتج بسرعة .. بدون ما تلجأين لاحد ..

تحبيبن تخلصين في شغلج .. وتشتغلين بضمير ..

عندج احساس انج انسانة مختلفة عن باقي الناس .. اي مكان تحظرينه تحبيبن انج تكونين النجمة .. وهذا يزيدج ثقة في نفسج .. لكن اللي ما يعرفج يظن انج مغرورة ..

عصبية نوعا ما .. ما تعرفين اللي جدامج ليمن تكونين معصبة :tomato2:

نصيحة يا الغلا .. حاولي تغيرين من جفا معاملتج لللي حوالينج أوحتى مشاعرج .. عطيها الفرصة انها تطلع و تعبر عن نفسها .. جذي بتكسبين قلوب اللي حوالينج .. اللي اقصده انج ما تقدرين تعبيرن عن مشاعرج للناس اللي تحبينهم ..

وحاولي ان تضبطين اعصابج وما تطلعين حرتج باللي جدامج لان ممكت تجرحينه بدون قصد ..

هذا تحليلي اتمنى تتقبلينه بصدر رحب .. والله اعلم :eh_s(22):​

 

[МίSs StyLe]

رد: صورة .. و تحليل .. { تعالي احلل شخصيتج }

عزيزتي غلا الغوالي .. انا باحثة اجتماعية .. ودارسة بعض الشغلات .. و بحكم وظيفتي لازم الاحظ .. و احلل شخصيات العملاء .. انا ماخذه دورات بالفراسة .. وبعد ممارسة معتمدة بعلم الجرافولوجي ( تحليل خط الايد )

ان شاء الله يا الغلا .. :eh_s(22):

:eh_s(17):


بس رجاء حار اخواتي .. يريت اللي تبي تحليل يكون هني ما يكون على الخاص ..

واللي ترسل لي من بعد غلا الغوالي على الخاص .. اعتذر منها .. لان فكري راح يتشتت .. يريت تقدرون واكون شاكرة لكم ..:eh_s(17): ​

 

[انا مميزه]

رد: صورة .. و تحليل .. { تعالي احلل شخصيتج }

انا هالشخص هذا احبه لما اشوف عيونه احس انه وايد حبوب وهادي وخجول احس انه قريب مني احس مرات بعيونه خزن
واحبه لما يضحك حلوه ضحكته وانا احب النوعيه هذي من الريايل
بس هذا اللي عندي عصرت مخي موقادره اكتب اكثر احس وقف وانا بعد احب كاظم الساهر وايد لأنهم قراب من بعض هذا اللي انا احسه ومشكوره

 

[beauty]

رد: صورة .. و تحليل .. { تعالي احلل شخصيتج }

اول شي الله يعطيج العافيه ع مجهودج ... موضوع مميز

احب تحليل الشخصيات

احترت اي صوره احط لج ... اكثر صور تاثر فيني واحبها صور الطبيعه لاني احس براحه نفسيه
ولاني مصوره فــ اغلب صوري احبها واحس كل صوره تعبر عن جزء بداخلي

مشكوووره حبيبتي ... اعذريني ماعطيتج صوره او رد واضح لاني احترت في اختيار الصوره
ومعذوره لو ماحللتي شخصيتي لاني صعبت المهمه عليج

 

[PO PO22]

رد: صورة .. و تحليل .. { تعالي احلل شخصيتج }

ثوااااااااااااااني ويايبه الصوره والموضوع حدددددده رووووعه

 

[PO PO22]

رد: صورة .. و تحليل .. { تعالي احلل شخصيتج }

هذي الصوره اموووووووت عليها احسها معبره وكل اشوفها وهم فيها حزن وعتاب على بعض وحب كبيييير وبس هذا اللي قدرت اطلعه

 

[lolita q8]

رد: صورة .. و تحليل .. { تعالي احلل شخصيتج }



اول شي طيج العافية على الموضوع الي سج يشوووق _03BA:

انا عندي صورتين و ابيج تحللين شخصيتي منهم

الاولا هذي

http://www4.0zz0.com/2009/04/18/11/324599260.jpg

و هذي الصورا الثانيا

http://www4.0zz0.com/2009/04/18/11/694732717.jpg

هالصورتين حيل حيل قريبين من قلبي

لما اشوفهم مادري شنو يسير داخلي ... شعور حلو حلو حلو و بيني و بينج يدلدغ :eh_s(22):

احس فيها حب كبيييييييييييييييييييييير و حناان لا سار ولا استوا... و لما اشوفها احس اني استاهل هالحب و راح الاقي الي يعوضني.

و مسويتهم بديزاين و حاطتهم خلفية حق اللاب توب... لان كل ما اشوفهم اتفاءل و احس الدنيا بخير

احسها تعبر عن جزء كبير من نفسي و شخصي ...

وسلامتج سويتهم 5 اسطر :eh_s(6):

 

[نيولوفر]

رد: صورة .. و تحليل .. { تعالي احلل شخصيتج }

عزيزتي نيولوفر .. عرفت جزء من شخصيتج بس ماني قايلة هاتي صورة و كتبي تعليق بعدين بعد احط تحليلي :eh_s(22):

شوفي يا الغلا .. اذا عندج صورة من جهازج .. لا تنزلينها على النت عن طريق موقع تحميل ..

تفضلي

في انتظارج يا الغلا


:eh_s(17):

مشكووووووووووووووورة ع الرابط حبيبتي ...... شوقتني اعرف شنو اللي عرفتيه عني .....​

 

[نيولوفر]

رد: صورة .. و تحليل .. { تعالي احلل شخصيتج }

http://up2.m5zn.com/images-2009-4-18-05-zh77481kz.jpg-jpg


الصراحه هذه الصورة من اول ما شفنها حسيت انها حيييييييييييييل تعبر عن اللي بداخلي و كنت حاطتها خلفية باللاب و التلفون و كمبيوتر الدوام و كل ما اشوفها اتمنى اني ارد طفلة صغيرة ..... بس بعدين شلتها من ع اللاب و التلفون و الكمبيوتر وبس كنت احب اشوفها من فترة لفترة ..... وبس

وانتظرج بفارغ الصبر حبيبتي .... و مشكوووووووووووووووورة مقدما