السلام عليكم و رحمة الله و بركاته ....
اشلونكم صبايا ... ان شالله تمام ...
حابه اليوم اشاركم بصور استقبالي ... و منها نفيد و نستفيد ....
بما ان اول مولود له طعم غير ... حبيت يكون استقباله غير و من الشهرالسابع بلشت تخطيط ....
و كان اول تخطيط وين بولد و جم يومالاستقبال و وين بسويه ...
و استقريت على اني اسوي يوم واحد استقبال بحكم دراستي و انشغاليبالامتحانات ...
و كان المستشفى رويال حياة و القاعه الجاردينيا ...
و كان مسج الدعوه عباره عن فيديو سويته عند مخرج فيه صور للمستشفى وللورد اللي سويته
مع بيت شعر ترحيب بالمولود
طبعا ما اقدر احط الفيديو لان فيه اسمي ...
و الحين صور الاستقبال ابلش فيها ....
بسم الله .. مــــاشـــــاء الـــلــــه ...
اول شي كانت هاللافته اللي محطوطه عند الاصنصير و يالله حصلت حجز بالقاعه بعد نطره و لوعت جبد :eh_s(2):
و هذا كان كفري اللي اخترته اوف وايت خامته ايطاليه مشغول على الاطراف كان راااااقي و ذرب و بعيد عن الدفاشه وكان معاه مخدتين و جيس كلينكس و جيس لصندوق زباله و انتوا بكرامه ...
الشي الثاني اللي بلشت فيه رحت و شفت القاعه و حددت جم ابي باقة ورد و شنو لونهم عشان يناسب لون اثاث القاعه و استقريت على الاورنج و اليلووو و الاوف وايت و كان اختيار سليم ..
و اول باقه كانت عند طاولة الحلوو
و سويت من هالباقه ثنتين بالزوايا
و من هذي ثنتين عند السرير
و اخيرا هذي حطيتها بالنص و كان عليها مثل الاسم مصنوع بالكرالك مغروس داخلها استقبال فلانه الفلاني وحده بالنص و الثانيه على طاولة الحلو
و انيي على التقديم و كنت طالبه خدمة بن العميد و اهي عباره عن قهوه بأنواعها عربيه تركيه
يونانيه و فرنسيه بالاضافه الى الشاي بانواعه و الكابتشينو و الموكا و الاسبريسوا بالاضافه الى
المشروبات البارده مثل الفانيليا و غيره..
هالخدمه حطيتها عند باب القاعه..
و العصاير طلبتها مكسات و غريبه من عصاير المنعش بالسالميه...
هذا لبس الخدمه اللي فصلته
و اهني كنت طابعه عليه اسمي ...
و هذي صينية الحلو و منها ثنتين مقسومه نصين و اخترت الحلو من تيستي و وواو و كانوا عباره
عن اربع انواع كراميل و هيل من واااو و مانجا و استروباري من تيستي ...
بالاضافه الى الموالح طلبت صاجات ملونه مع فطاير ميني تقديم مع ورق عنب ميني ملون بالاضافه
الى كبب مقالي و وزعتهم بصحون صغيره لكل شخص نوعتله
اهني صممت صينيتين تقديم للعصاير و الموالح مع 10 علب كلينكس للطاولات الموجوده جدام الضيوف
و اهني واضح العلب الكلينكس
و هذي القلاصات عبيتها ملبس على لون القاعه و وزعتها على الطاوله الرئيسيه و طاولة الحلو
و هذا الشكر طلبته من ادويز على لون الورد و شكله على شكل ورقة شجر
و هذي الكلينكسات محطوطه صوب طاولة الحلو ...
و اخر شي كان كاكاو المولود و اخترته من محل لادوريه اللي ب360 الحبه ب 2.250 و فصلتله
علبه برتقاليه عشان تمشي مع القاعه ...
و صارت العلبه بهالشكل ...و كل وحده قبل لا تطلع تاخذلها علبه و اتعلق ...
و ناطره تعليقاتكم ... و انشالله عجبكم الاستقبال ....
