صور شقتنا في سويسرا (بيتنبيرغ ,انترلاكن)

[Samurai]

السلام عليكم ..

حبيت اوريكم صور شقتنا في قرية بيتنبيرغ في انترلاكن .. وهي تبعد 20 دقيقه عن السنتر بالسياره وتقع فوق الجبل .. وبيتنبيرع تعتبر اطول قريه في اوروبا .. عباره عن شارع واحد طويييل ..
المنطقه هاديه جدا جدا .. بس المنظر اللي تطل عليه خيالي ..
ايجارات الشقق فيها رخيصه .. شقتنا خذيناها ب 20 دينار في الليله .. وهي عباره عن شقه استوديو واسعه بمطبخ منفصل .. وللاسف صاحبة الشقه لا ترضى باطفال ..
فيها مطبخ مجهز بالكامل من كل شئ ثلاجه توستر جهاز صنع القهوه ...
فيها دي في دي .. وموقف سياره ..
بس عيبها الوحيد البعد والطريق الجبلي شوي يخرع .. بس مع الوقت تعودنا عليه ..
اذا الله كتبلنا روحه ثانيه احاول اخليها اخر اختياراتي بسبب الطريق
والمهم المهم لازم معاكم سياره .. اذا مو مأجرين سياره ما انصحكم فيها ..
وعن طريقة الحجز .. الصراحه احنا حجزنا أول 3 أيام بفندق قولداي في انترلاكن .. واخر يوم رحنا حجزنا سياره ورحنا انفورميشن سنتر وسألناهم عن شقق متوفره لمدة 5 ايام وقالتلنا عن بيتنبيرغ .. ولما دقينا عليها للاسف صاحبة الشقه ما تعرف انجليزي وخلينا وحده من الفندق اتكلمها واتفقنا انا نروح وانشوفها .. ورحنالها واعجبتنا .. واتفقنا وياها .. والمترجم كانت جارتها ..
الشقه عباره عن دور ارضي في بيت من 3 ادوار واهي ساكنه بالطابق الثالث وتأجر الارضي والثاني .. واحنا خذينا الارضي احلى واشرح

اخليكم مع الصور ...

 

[Samurai]

الطريق الى بيتنبيرق








صورة قرية بيتنبيرغ .. عن بعد



صورة البيت والسهم على موقع الشقه

 

[Samurai]

من الداخل
الصاله





من ورا الباب الابيض السرير والكبت ..




وهذي الدريشه مقابل السرير.. يعني تفتحين عيونج على هالمنظر



الحمام

 

[Samurai]

المطبخ .التحفه.!!

 

[Samurai]

البلكونه .. والجو والمنظر الرائع ..

 

[Mig.MiG]

روووووووووعة

 

[om 5aloody]

ماشاءالله حلوة المناظر

خووش صور بس ما تحسين ان سويسرا موحشة؟!!!!!!!

 

[غلاتي ♥ الكويت]

وااااااو جنة منظرررر
رووووعة مااشالله

 

[غلاتي ♥ الكويت]

وااااااو جنة منظرررر
رووووعة مااشالله

 

[غلاتي ♥ الكويت]

وااااااو جنة منظرررر
رووووعة مااشالله

 

[الدلال]

المنظر عجيييب والشقه حلوه بس انا مشكلتي ما احب الاماكن البعيييده عن اللويه والسووق

عليكم بألف عافيه

 

[جمولة مزيونة]

ما شاء الله رووووعة جو الشقة يجنن دافي و حلو و المناظر و لا احلى طبعا سويسرا ام الجماااال تهبل سبحان الخالق

 

[$ النيره $]

وآآآآآآآآآآآآآآآآآآآآآآآآآآآآآآآآآآآو

روؤوؤوؤوؤعــه

مشكوووووووووووووووووووووووووره
​

 

[0ام الحلا0]

واو صج خيااااااااااااااااااااااااااال ادعولى اروووووووووح اروبى ؟
بس بسالج متخفتم ؟؟ او حراميه ؟............ وحده خوافه .
يااااااحلو الريف وبس الاروبى

 

[هدوء العالم]

واااااااااااااااو

رووووووووووعة ومن الصور ودي أدخل

يعطيج العافية

ماشاءالله حلوة المناظر

خووش صور بس ما تحسين ان سويسرا موحشة؟!!!!!!!

وودي نفس كلام أختي بــ زيلامسي وأنترلاكن بس موحشة ولا هي ونيسة

وبما أنججربتي ماليزيا وأوروبا بسألج

أدري الجو بأوروبا بس الوناسة وين ؟؟؟؟؟

خصوصا للعوائل كبار وصغار

 

[Samurai]

واو صج خيااااااااااااااااااااااااااال ادعولى اروووووووووح اروبى ؟
بس بسالج متخفتم ؟؟ او حراميه ؟............ وحده خوافه .
يااااااحلو الريف وبس الاروبى

ابصراحه .. حسينا بأمان أكثر من الديره .. حتى مره صار الليل واخترب القارمن اللي بالسياره .. مع ذلك ما حسينا بخوف والله .. بس وقفنا وسألنا واحد .. وردينا الحمدلله سالمين لشقتنا ..

واااااااااااااااو

رووووووووووعة ومن الصور ودي أدخل

يعطيج العافية



وودي نفس كلام أختي بــ زيلامسي وأنترلاكن بس موحشة ولا هي ونيسة

وبما أنججربتي ماليزيا وأوروبا بسألج

أدري الجو بأوروبا بس الوناسة وين ؟؟؟؟؟

خصوصا للعوائل كبار وصغار

والله انا ما رحت زلامسي .. فما اقدر اتكلم عنها ..
انترلاكن حلوه .. بس مناظر وطبيعه وجو وتمشي .. والسوق يسكر 6 المغرب ومرات 7 .. والمطاعم 9 بالليل ..
ماليزيا غيير .. ماليزيا جو عائلي ولويه أكثر .. ونشاطات كثيره رحلات بحريه ..سفاري.. مجمعات مفتوحه لنص الليل.وملاهي وألعاب.. يعني تصلح لأطفال أكثر .. انا استانست فيها .. وطبعا ارخص !

واشكر كل من رد على الموضوع
وانشالله تنكتب لكم يارب

 

[ba6boo6ah]

روووووووووووعه عليكم بالعااافية المكآآآن يشرح الصدر

الطبيعه تهبببل الله لآيحرمنا الجنة يااااارب تسلمين حبوبة ع الصور

 

[لبا^زولي]

روعه عليج بالعافيه

 

[لبا^زولي]

...............

 

[كويتيه مزاجيه]

روووووووووووووعه ماشالله