:: صور من اعتصام اليوم ::

[ام عفاف الكويت]

بحط لكم بعض الصور والمقتطفات اللى لقيتها بالمواقع

​

والخبر كامل على هالرابط
من الوطن ​

http://alwatan.kuwait.tt/ArticleDetails.aspx?Id=147882&YearQuarter=20114​

​

​

​

​

​

​

​

​

​

​

​

واللى فهمته من كل الجرايد
انه اي احد يطالب المعلمين الغايبين بتحقيق او اي شي
يقدر يرفع قضيه على الوزاره بكبرها لانه حق مشروع مكفول
يعني لا تهديد ولا خرابيط من هالنشرات ومن حق المعلم اخذ النشره او الافاده وتحويلها الى الشوون القانونيه

وانه المليفي اتصل من فرنسا وقال بطلوا حق المعتصمين المسرح وعطوهم حق الضيف ماي وعصير
يعني بالله هذا كلام ومصر اصرار تام على البونص وتاجيل الكادر​

والله يوفق الجميع​

:eh_s(17):​

 

[ساندريلا]

ماشالله الحضور كبير ومشرف الله يعطيهم العافيه

مشكوره حبيبتي علي النقل

 

[فلنتينو]

الله يرزقهم الكادر
بس فديتهم الطلبه شكوو معتصمين معاهم

 

[اطياب طيبه.أم عبدالله]

الله يوفجهم وياخذون حقوقهم كامله

بس لي متي بيظل التدريس معلق ؟؟

عيالي ماعطوهم دروس وما ادري اغيبهم ؟؟

 

[LA TROO7]

خوش صوور

طلبه ال12 عشان نظام درجاتهم مسوين جو بالاعتصام

الاحد بترد الدوامات طبيعيه

 

[هوفه]

يعطيج العافيه
ام فوفووو

 

[الأميرة جوري]

تسلمين ام عفاف علي هالصور ..

 

[Turquoiseya]

احنا الانجليزي لو نعتصم ماراح ناثر على الوزارة لقلة عدد الكويتيات

نبي اعتصام كويتيات ضد التوجيه الوافد

 

[Miss Cherry]

الدوامات ترجع يوم الاحد ليما موعد التصويت الجاي بشهر ١١ اذا وزيرنا اجل بعد ولا سوا فلم ثاني حزتها بنضرب مو اعتصام يعني نقعد ببيوتنا ما نداوم وخل وزيرنا يمسك حصص ويدرس ويصحح بدال ماهو رايح باريس يتمشى

 

[أميرة 22]

كفو والله للي حضر الله يعطيهم الصحة والعافيه ويوفقهم
ويرزقهم كادر وتعديل قوانين والاسلوب السيئ في مدارس تعبانة

يعجبني مسلم البراك ..

 

[ترف بابا]

والله أنا غبت امس وبكل فخر

بتوبكي حاطه عنوان دقت علي وحده من الجبانات اللي بقسمي تقولي غيري التوبك انتي تقصدينا !!!!

حلوة هذي ؟؟؟

بس تكفون شرد عليهم اذا قالوا لي جذي الأحد حدي محتره واقسم بالله ما قصدتها - بس كنت حاطته كنوع من الاكشن

 

[ساندريلا]

وصلني هالبرودكاست
تسريبات مؤكده من وزارة التربيه لم يعلن عنها
بلغت نسبة غياب الطلبه يوم الخميس في جميع المراحل التعليميه 75%
ونسبة غياب المعلمين 70%
وهذا يعني قوة تأثير الاعتصام لذلك سيكون القادم اقوى

 

[عزتي مالها حد]

عساكم عالقوة

وان شالله يقرون الكادر

 

[الجوهرة777]

زادوا النفط مع ان زياداتهم مبالغ فيها وحتى الاداري والوافد ومحد تكلم

زادوا الخطوط الجويه والجمارك محد بطل حلجه

ليش لأن معظمهم رجال والحريم مستفيدات لأن الزيادات لأزواجهم

وعليهم بالعافيه وعسى الله يبارك لهم

احنا احترمنا القانون ومشينا عليه وكنا ضد الاضراب

وشنو كانت النتيجه محد عبرنا

وشفنا اللي سووا اضرابات وعفسه انقرت الزيادة على طووووول

فطبيعي نغير نظرتنا للاضراب

المفروض اللي محترم نفسه وما لجأ حق هالأسلوب يكافؤنه ويقرون زيادته لكن شفنا العكس

ليش الدنيا قامت لما طالبوا المعلمين بالزيادة !!!!!!!!!!

أنا أقولكم

لأن الرجال أقلية والغالبية نساااء

لو أزواج هالمعترضات ع الزيادة معلمين جان قالوا يستاهلون ويتعبون

بس لأن الغالبية نساء وكل وحدة تحاتي حماتها ومرت حماها لا تجيها الزيادة

حتى الوافدين والوافدات زادوهم وقالوا كلام ما ينقال في جمعية المعلمين الوافدين ولا أحد اعترض عااااادي يزيدون الكل

بس أهم شي المعلمات لا تجيهم زيادة

يموتون والكل يتكلم مع انهم عيال هالديرة

الحمد لله ان الرزق من ربي مو من البشر

والحسد أول ما يضر يضر الحسود نفسه


ديرة حسد

!!!!!!!!!!!!!!!!!!!!!!!!!!!!!!!!!!!

 

[**دلوعة**]

اول مره افتخر إني معلمة والسبب الإعتصااااااااااااام والجاي يا مليفي اقوي والوعد جدام.

 

[PuPa^^SWeeT]

الجووهرة امبيييه صحح

كل وحدة ماتبي حماتها ولا مرت حماها


اييي والله


مو بعييدة بعد الغيرة والحسد من الحريم

 

[عسولتي]

اللي يبط الجبد شلون المسئولين قاموا يهدوون بلف النظر والافادات والله شي مخزي وين حقوق الانسان واحترامه رايه وين الاحترام لي متى هالتربية ماشية بالافادات ولف النظر والله عيب عليهم هالاسلوب مافي فايدة فيهم ولافيهم طب

 

[أو عبوش]

انا دوامي بالوزاره وصراحه يعطيكم العافيه مسببين لهم ربكه ههههههههههههه دوريات ودنيا وزحمه




بس احنا ياعيني الاداريات في الوزاره مايحوشنا شي


مع اني بقسم مالي كرف بكرف



الله كريم