صور من كامرتي - النمسا 2008

[White Musk]

 

[White Musk]

وصلنا موند سي مثل ما انتو شايفين






الكتيسة الي تزوجو فيها بالفيلم



القهاوي والمطاعم يا سلام


وطبعا طبقي المفضل يمي

 

[White Musk]

نكمل مع بعض اخترت لكم 43 صورة من سالزبورج
طبعا بعد ما نجولنا في موندسي رجعنا لمطتب بانوراما تور واخذتا باص ثاني علشان نكمل رحلتنا لمنجم الملح



الطريق إلى منجم الملح



وصلنا منجم الملح وهذا شكله من الخارج وترا في أكثر من منجم للملح


وهذي بنتي الصغيرة طبعا لازم الكل يلبس هذا اللبس فوق ملابسه قبل لايدخل المنجم وعندهم كل المقاسات

وتنزلون للمنجم بالأسنسير وبعدين وانتو تتجولون داخله تنزلون من طابق لي الطابق الأسفل من خلال الزحلاقية

 

[White Musk]

بلورات الملح







عقب ما طلعنا من المنجم

طبعا لازم نرجع ونعطيهم اللبس
على فكرة ما اعتقد إن الأطفال الي أقل من سنتين يدخلون المنجم تأكدوا

 

[White Musk]

طبعا طلعنا من المنجم وفعدنا نتمشى بالمنطقة الي حوالينه ورحنا قعدنا بكافيه وانا لازم أجكجك بالكاميرا

 

[White Musk]

الفترينات تهبل


وطلعنا ورجعنا الأوتيل
وفي رحلة لمغارة الثلج بس انصحتني صديقتي ان ما نروح لها لأنها واااااايد باردة وتمشين وتصعدين سلالم كثيرة تقول مهلكة وما تسوى

 

[White Musk]

بعد مارجعنا تمشينا مرة ثانية بحديقة الماربل وتصورنا عدل فيها

 

[White Musk]

بعد مارجعنا تمشينا مرة ثانية بحديقة الماربل وتصورنا عدل فيها

 

[White Musk]

لاحظو الجو كان مشمس وحار بهذا اليوم وبجذي نكون خلصنا جولتنا باليوم الثاني
وقررنا باليوم الثالث ان احنا نتمشى ونزور متحف موزارت وبيت موزارت ونتجول بالبلدة القديمة ونتسوق
والحمدلله
الجو كان غائم وممطر طبعا يفضل لبس الجينز الطوبل مع جاكيت كم طويل خفيف مع شماسي
خذينا الباص القريب من الأوتيل ونزلنا بالباص القريب للبلدة القديمة ونزلناوتمشينا للمتحف الي خلف حديقة الماربل






طبعا التصوير ممنوع داخل المتحف
وطلعنا ندور البيت واتجهنا للبلدة القديمة مشي


وضعنا واحنا ندور البيت
لقينا هالمباني واحنا ندور واعجبتني وطبعا صورت




اكتشفنا عقب ان بمجرد ما ندخل البلدة القديمة راح نلقاه البيت بالوجه لونه أصفر مثل ما تشوفون طبعا ما في سيارات بالبلدة القديمة كله مشي

 

[White Musk]

طبعا التصوير ممنوع داخل البيت
بس انا صورت المطبخ بالبوق

بتشوفون بالبيت سريره واغراضه وهو بيبي بس بالمتحف تشوفون النوتات الموسيقية والبيانو الخاص فيه
المبنى الوردي اهو المتحف
والأصفر بيت موزارت

 

[White Musk]

جولة سريعة بالبلدة القديمة




شوارع البلدة القديمة والمحلات لاحطو مطعم ماكدونالدز عاليمين


الكافيهات
لاحظو بهذه الصورة ترا معطية ظهري بيت موزارت


وتشوفون الممر الي ندخل منه على البلدة القديمة ولي طلعتو منه تلقون نهر السالج وقبالكم البلدة الجديدة

 

[White Musk]

مطعم النوردسي

ونودع البلدة القديمة ونتمشى عالنهر وناكل الآيس كريم




قندق ساشير المطل عالبلدة القديمة






أعتقد بالخلف فندق بريستول

 

[White Musk]

 

[White Musk]

هذه آخر صورة صورتها كانو اليهال يتهاوشون على التصوير يم البقرة طبعا قصيت الصورة من اليسار
وانا اصور مادري اشلون طحت طيحة قشرة خقت على الكاميرا والناس خايفين علي
وخفنا لاتكون ايدي انكسرت بس الحمد لله
وبعدها وصل الباص وركبنا الباص ورجعنا الأوتيل

 

[White Musk]

وبجذي لنتهى تقرير سالزبورج
انتظروني بالمحطة القادمة
???

 

[مليانة حب]

وااااااااااااااااو ...شوقتيني اروح النمسا ..كملي ناطرينج...

 

[ام مهاوش]

وااااااااااااااااااااو ماشاءالله وناسه حسافه والله تحسفت ليش ماراح اسكن بسالزبورغ
عليكم بالعافيه بصراحه خوش رحله وفعلا حسيت سالزبورغ احلى من زلمسي تحسين فيها اشيا يديده اما زلمسي بس طبيعه
بحاول بريلي اول مانوصل ميونيخ ناخذ القطار وسيده على سالزبورغ وانشالله يرضا مايقولي انتي كل يوم لج كلمه ههههههههههههه

 

[White Musk]

رحلتنا من سالزبورج لي كابلرون وزيلامسي كانت بالتاكسي
وهذه لقطات من الطريق وكنا متفقين معاه ان نروح لقمة كابرون وشلالات الكيرمل وعقب القمة نروح للشقة
صور من الطريق

 

[White Musk]

وصلنا المكان المطلوب ونلاحظ كشك شراء التذاكر
الصعود للقمة يكون من تلفريك لي تلفريك أكثر من 3 مرات نركب ونننزل ونتمشى في كافيه وفي ألعاب لليهال
ونرجع نركب لين وصلنا القمة تابعو معاي

 

[لوازم العائلة]

ماشاءالله تقريرج حلو والصور حلوه وصاحبه التقرير احلى