صور وأفكار لأحلى ريوق

[احلى بنت بالدنيا]

أفكار جديدَة للفُطور​

الفطور أهم وجبة في اليوم و لكن للأسف أغلبنا يهملها​

البعض يفضل اللحوم على الفطور

و البعض الأجبان أو النشويات أو الخضار ..

فى هذا الموضوع جميع الرغبات وأحلى طرق التقديم ​

[ أسياخ الحلوم المشوية ] ​

جبنه حلوم + فلفل بارد ملون ​

نقطع الجبنه مكعبات + الفلفل وندخلها اصياخ بالدور ..ثم نحطها ع الشوايه بدون زيت .

​

نقلبها حتى تنشوي جميع الجهات .. ​

​

نقدمها مع خبز محمص ومربى ومكدوس وزيتون ..​

​

​

[ مزرعة بالبيض ]
سبب التسميه ان فيها انواع كثيره من الخضار .. بيض + بقدونس + بصل + ثوم + طماط + فلفل بارد [ بصل اخضر ] حسب الرغبه
نقطع البصل ونحمسه بالزيت ثم نضيف الثوم المهروس .. ​

ثم الطماط والفلفل البارد بعد التقطيع وباقي الخضار ..
​

نصبها بصينيه بعد دهنها بالزيت و ندخلها الفرن بعد رشها بالجبن ..
( بالقلايه اسرع ونغطيها بغطى قدر .. )
​

بعد ماتتحمر من تحت نقدمها ..
​

مع رشة بقدونس مفروم وبطاطس وخبز محمص ..​

​

​

[ قوالب البيض بالتونه ] ​

علبه تونه صغيره + بيض + فلفل حار + بصل + فلفل بارد + جبن مبشور
نقطع البصل ونحمسه مع زيت ثم نضيف الفلفل الحار والبارد ثم التونه ونتبلها بالملح والفلفل. ​

​

بكل قالب نحط ملعقتين من التونه .. ​

​

نخلط بيضه مع بيالة حليب سايل ونتبلها بالملح والفلفل الاسود ونصبها ع التونه .. ونرشها بالجبن ..
وشريحه فلفل بارد للنكهه .​

​

نضعها بالفرن 10 - 15 دقيقه ..
نقدمها مع الخبز ..
​

​

لو سمحتوا لا حد يعلق .. بكمل الموضوع​

 

[أم*سلمان]

وااااااااااو

شكله لذيذ

يعطيج العافيه

 

[احلى بنت بالدنيا]

​

[ نقانق + بيض مسلوق ] ​

عدد3 اصابع نقانق + فلفل احمر + بصل + ملعقتين جبن سايل نقطع البصل ونحمسه في زيت زيتون .. ثم نضيف الفلفل البارد ..
ونتبله بالملح والفلفل ثم نضيف النقانق بعد التقطيع .. ونتركها تطبخ دقيقتين ونضيف الجبن .
​

نقدمها مع البيض والخبز المحمص .. نزينه برشة بقدونس مفروم ..
​

​

[ توست باللبنه والمربى ]​

توست نقطعه نجوم او دوائر .. ثم بالقمع نحط عليه لبنه ~ مربى .. ​

​

نقدمه مع الزبادي والخس والطماط والزيتون ​

​

​

[ عجة بالفطر ] ​

بيض + فطر + فلفل بارد + بصل + جبن تشيدر+ بقدونس
نقطع البصل والفلفل البارد ونحمسهم بالزيت .. ثم نضيف الفطر ونتبله بالملح والفلفل .. ​

​

نخفق بيضتين ونخلط معها البقدونس ونصبها ع الفطر ..
ثم نضيف جبن التشيدر مكعبات ونتركه ع النار حتى ينضج ويذوب الجبن .
​

نقدمه مع خبز محمص - شرايح طماط - شرايح تركي مدخن .. ​

​

​

[ فول بالخلطه اللبنانيه ] ​

علبة فول بالخلطه اللبانيه + فص ثوم + صلصه طماط منزليه + معجون طماط بقدونس مفروم + خمس ملاعق زيت زيتون .
نهرس الثوم ونحركه مع زيت الزيتون .. ونقلبه على النار ثواني يطلع طعمه ..
نفرغ علبة الفول في قدر مع ملعقه كبيره معجون طماط و3 ملاعق صلصه منزليه ونضيف الثوم ..
نهرس الفول بالشوكه ونتركه يطبخ 5 دقائق ثم نضيف البقدونس ..
نقدمه بعد مانزينه بالزيت والشبت والطماط ..
​

مع الخبز العربي واللبنه والزيتون .. ​

​

​

[ كروسان محشي ]​

حبتين كروسان نحشيهم جبنه هولنديه مع خس .. ونقدمها مع طماط وشرايح لحم ببروني وكاس قهوه .. ​

​

​

[ بيض مسلوق بالجبن ]
بيض مسلوق + جبن سايل نقطع البيض بالنص ونطلع القلب الاصفر .. نخلطه مع جبن سايل ..
ثم نرجع للبيضه بواسطة القمع ..

​

نقدمه مع لبنه كور وطماط صغير و زيتون بالأسياخ .. والخبز . مع كاس قهوه وكاس عصير تفاح ..
​

بنات لا تروحون بعيد .. يتبع :eh_s(8):​

 

[احلى بنت بالدنيا]

[ زيتون محشي لبنه ]
زيتون اخضر بدون نوا + لبنه بالقمع نحشي الزيتون ونقدمه على بساط من الخس .. ​

​

​

​

[ نقانق بالصويا والجبن ] ​

بصل مقطع صغير + نقانق شرايح + ملعقه صغيره صلصه صويا + جبن سايل + فلفل بارد احمر
نحمس البصل مع الزيت ونضيف الفلفل البارد والنقانق .. ونتبلها بالملح والفلفل والصويا ..
نتركه دقيقتين ثم نضيف 3 ملاعق صغيره جبن .. ونتركه ع النار دقيقه ثم نقدمها.. ​

مع البيض المسلوق - جبن - مرتديلا - خبز محمص .. ​

​

​

[ بيض رول بالخضار ] ​

بيض مخفوق مع حليب .. نضيف عليه طماط وبصل وبقدونس ..
نتبله بالملح والفلفل الاسود ونصبه بصينيه دائريه مدهونه بالزيت ..
نحطه على النار حتى ينضج ثم نلفه رول ونقطعه حلقات ..
نقدمه مع خبز بشرايح الجبن - زبادي - طماط وزيتون - كاس قهوه - عصير تفاح ​

​

[ ساندوتش بيض × بيض ]
خبز تورتيلا بالشطه + بيض + طماط + بقدونس + جبن
نسلق بيضه .. وبيضه نخفقها مع نص بياله حليب ونتبلها بالملح والفلفل الاسود ونصلحها ع القلايه ..
نحطها على خبز التورتيلا وندهنها بالجبن ..ثم نقطع البيض مع الطماط والبقدونس ونرشه عليها ..
ونطويها من النص ..

نقدمها .. ​

​

[ فطور جاهز ]
جبن هولندي ..

جبن تشيدر مدخن .. ​

​

نقدمه مع الخبز المحمص والمربى .. ​

​

​

[ قوالب البيض بالفطر والرومي المدخن ]
بيض + فطر + بابريكا + فلفل بارد + شريحتين رومي مدخن
نقطع الفطر المعلب مع الفلفل البارد ونحطه بالقالب .. ثم نضيف رومي مدخن مقطع شرايح ..
نخفق بيضه مع حليب ونتبلها بالملح والفلفل الاسود .. ونصبها على الفطر .. ثم نرشها بالبابريكا​

​

نحطها بحمام مائي وندخلها الفرن .. 20 دقيقه .. ​

​

نقدمها مع الخبز .. ​

​

تفضلوا على الريوج :eh_s(7):​

وعليكم بألف عافية ان شاء الله​

 

[ام الغنادير]

الله حلوة افكارج تفتح النفس-----------تسلم ايدج

 

[عادي من قلبي أشيلك]

يمي يمي عجيب

يسلمووو خيتوو

 

[نفـــائس]

خياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااال ​

الله يعطيج الف عافيه عل النقل المميز ياليت يتثبت كم يوم عشان الكل يشوفه ويستفيد حساف مثل الموضوع يهمل بالصفحات اللي وراه​

 

[NaYoob]

مشكووره قلبي انا في أشياء أطبقها واسويها

مع بعض الاضافات لانا احله شي بالاكل انه

تقدرين تتحكمين بالمكونات والكميه ومشكوره

مره ثانيه على الطريقة والفناتك الحلوه مثلج ^_^

 

[ام دليار]

تسلم أيدك

 

[احلى بنت بالدنيا]

عليكم بالف عافية حبيباتي

بس للأمانة نسيت أكتب أن الموضوع منقول

 

[التاجره الامينه]

فوق الروووعه مشاء الله .

 

[QUEEN 8LBOO]

وووااااووووو
فتحتيي نفسي الله يفتح نفسك
تسلللم يدااااكي

 

[عزتي مااهي غرور]

يمي يمي لذيييذ ...

 

[زوجة عزيز]

رووووووووووووعه يعطيج الف عافيه

 

[جارة القمر]

مكرر