حلوة ومملوحة الكويت
New member
هلاااااااا يا حبيباتي يا كويتيات يا غاليات
إشلونكم عساكم بخير انشالله.
قبل يومين كانت زيارتي لبيت اهلي..وآنا من طبعي إني ما أحب ادخل وإيديني فاضيه لازم طبق ولا طبقين
فدخلت المطبخ وقمت احوس وسويت هالأكله اللذيذه اللي كل من ذاقها سألني عنها.. صج لذيذذذه ياليتني كنت اعرف انزل الصور جان صورتها ونزلتها لكم لكن حسافه غشيمه بهالشغلات:
المقادير:
1 كيس لحم مفروم مثلج أو طري على كيفج
4حبات بطاطس مقطعه شرايح ومسلوقه سلق خفيف يعني خمس دقايق.
ثوم الكمية على ذوقج
شدة بقدونس مفروم
بهارات مشكلة(فلفل اسود،كزبره ناعمه،هيل ناعم،شوية كركم،ملعقة بهرات القوطي الاخضر)الكميه حسب الرغبه
بيضه
بصله متوسطه مقطعه صغار صغاررر
طماطتين مقطعه حلقات
الطريقه:
نبدا بخلط اللحم مع البقدونس والثوم والبهارات والبصله والبيضه بالمفرمه أو باليد على راحتج
ونجيب صينية فرن وندهنها بشوية زيت ونرص شرايح البطاط أولا وبعدين نرص اللحم المفروم فوق البطاط
ونساوي اللحم بإيدينا بالضغط عليه بخفه..ليما يستوي سطح اللحم بالصينيه
وبعدين نصف حلقات الطماط على وجه الصينيه
ونسقيها بالصلصه المكونه من(نص علبة معجون+ملعقتين كاتشاب+ شوية فلفل اسود+ مكعب ماجي+قلاص ماي)نخلطهم عدل ليما يتجانسون ونسقي الصينيه بهصلصه.
وانتبهي إذادخلتي الصينيه الفرن إنج تسكرينها عدل بالقصدير
وتخلينها حوالي نص ساعه وبعدين تكشفين وجه الصينيه وتخلينها تتحمر عدل من فوق ..وعليكم بألف ألف عافيه
وطبعا لا تنسون عند الاكل تضيفون قطرات الليمون للنطاعههه.
طبقوها تراهي خفيفه ولذيذه وتصلح غدا ولا عشا
إشلونكم عساكم بخير انشالله.
قبل يومين كانت زيارتي لبيت اهلي..وآنا من طبعي إني ما أحب ادخل وإيديني فاضيه لازم طبق ولا طبقين
فدخلت المطبخ وقمت احوس وسويت هالأكله اللذيذه اللي كل من ذاقها سألني عنها.. صج لذيذذذه ياليتني كنت اعرف انزل الصور جان صورتها ونزلتها لكم لكن حسافه غشيمه بهالشغلات:
المقادير:
1 كيس لحم مفروم مثلج أو طري على كيفج
4حبات بطاطس مقطعه شرايح ومسلوقه سلق خفيف يعني خمس دقايق.
ثوم الكمية على ذوقج
شدة بقدونس مفروم
بهارات مشكلة(فلفل اسود،كزبره ناعمه،هيل ناعم،شوية كركم،ملعقة بهرات القوطي الاخضر)الكميه حسب الرغبه
بيضه
بصله متوسطه مقطعه صغار صغاررر
طماطتين مقطعه حلقات
الطريقه:
نبدا بخلط اللحم مع البقدونس والثوم والبهارات والبصله والبيضه بالمفرمه أو باليد على راحتج
ونجيب صينية فرن وندهنها بشوية زيت ونرص شرايح البطاط أولا وبعدين نرص اللحم المفروم فوق البطاط
ونساوي اللحم بإيدينا بالضغط عليه بخفه..ليما يستوي سطح اللحم بالصينيه
وبعدين نصف حلقات الطماط على وجه الصينيه
ونسقيها بالصلصه المكونه من(نص علبة معجون+ملعقتين كاتشاب+ شوية فلفل اسود+ مكعب ماجي+قلاص ماي)نخلطهم عدل ليما يتجانسون ونسقي الصينيه بهصلصه.
وانتبهي إذادخلتي الصينيه الفرن إنج تسكرينها عدل بالقصدير
وتخلينها حوالي نص ساعه وبعدين تكشفين وجه الصينيه وتخلينها تتحمر عدل من فوق ..وعليكم بألف ألف عافيه
وطبعا لا تنسون عند الاكل تضيفون قطرات الليمون للنطاعههه.
طبقوها تراهي خفيفه ولذيذه وتصلح غدا ولا عشا
