صينية لازانيا التوست .. اكله سهلة و اسرع سريع ^^

[نارنجه]

السلام عليكم و رحمة الله وبركاته

هالصينية سهلة ولذيذة
وماتاخذ وقت
وتنفع برمضان
وحق الوهقات

المقادير

توست مقطع الاطراف
لحم مفروم محضرته على طريقتج
جبن موزاريلا

الصلصة
كوب حليب مخفوق مع بيضتين
تقدرين تضاعفين الكمية على حسب حجم صينيتج



الطريقة
من غير اي اضافة
صفي التوست بقاع الصينية
حطي حشوة اللحم المفروم
رشي فوقه جبن موزاريلا
صفي طبقة توست فوق اللحم المفروم
تقدرين تكررين الطبقات مثل ماتحبين

اخر صفة تكون توست
اخذي الصلصة الحليب المخفوق بالبيضتين
وصبيها فوووق طبقات التووست خليها تغطيها كلها مثل الباشميل
ولا تنسين الاطراف

رشي ع الوجه جبن موزاريلا
و رشه اوريغانو

وبس دخليها الفررن شبي الي تحت وخليها لين تنشف
وعقب حمريها من فووووق

وبتلاحظين انها انتفخت شوي وتحمررت جنها لزانياا يم يم

وبالعافية

 

[نارنجه]

تقدرين تغييرين بالحشوة مثل ماتحبين

ساعات امسح التوست بجبن كرفت او مايونيز
و اصف فوقهم نقتس مقلي ومقطع وجبن سلايس و خس

او
اسويها تشيز بيرقر

امسح التوست بمايونيز واحط فوقه بيرقر مقطع شرايح - طبعا مقلي و مستوي
و شرايح طماط و جبن سلايس و فلفل اخضر و خس


او
دياي مسحب او شاورما

الي في بالج تقدرين تسوينه بالطريقة هذي

واذا خليط اجبان و زيتون
رشي مع الموزاريلا اخر شي شوية زعترررر


وعليكم بالف عافية

 

[MiSS B.K]

تسلم الايادي

 

[حرم سي السيد]

يسلمووو

 

[Moon touch]

يمي يمي شكله يشهي
تسلم الايادي

الازنيا مسلوقه ولا حطتيها زي ماهي

 

[جارة القمر]

تسلم ايدج



حبيبتي




وبالعافيييييييييييييييييييييييية

 

[نجاة80]

وناسه حطيتي اكثر من طبق والصراحه حده سهل

الله يعطيج العافيه وقريبا اسويها

 

[*السكب*]

ماشاء الله تبارك الله ​

تسلم يدينك ويعطيك الف عاافيه ​

سبحان الله وبحمده ... سبحان الله العظيم​

 

[رفيف الخير]

تسلم ايديج وبالعافية

 

[لولو سيتي]

تسلم الأيادي
اختي مون مافي لازانيا في الطبخه حطت بداله توست

 

[صابرة رغم الجروح]

مشكوووورة حبيبتي

عواااااافي

 

[عاشقة العطور]

تسلم الايادي

 

[ABEER FLOWER]

وصفه رائعه

سلمت الأيـادي وبالعافيه​

 

[عتآق الخيل]

طبق لذيذ
الله يعطيك العافيه.~

 

[ركووزه]

وصفه سهله وحلوة

 

[أم عزيـز]

يم يم يعطيج العافيه شكلها لذيذ

 

[xxx]

فكرة سهله وجديده

تسلم ايدج

 

[امـونه]

تسلم ايدج شكلها يهبل ماشاءالله

 

[أحلى الألماس]

يسلموووووو

 

[نارنجه]

ربي يسلمكم من كل شررررر

عاد جربوهاا ١٠٠٪ بتعجبكم
اهم شي لا تنسونها برمضااااان
وياحلات مقاديرها لا قيمر و لا كريمة ولا دسم



/

فديتج مديرتنا بنت الكويت

تسلمين ع التشجيع