صينية معكرونية البيتزاااا بالصور

[xxx]

صينية معكرونية البيتزاااا

المقادير
===
كيس معكرونية سباجيتي
2 ملعقة قشطة
2 ملعقة مايونيز
2 ملعقة حبن سائل
مكعب ماجي
ربع ملعقة بهارات
ربع ملعقة زنجبيل مطحوون
قليل من الملح

للوجه
-----
زيتون شرائح(اخضر واسود)
2 فلفل اخضر مقطع
مشروم
جبن موزريلا


الطريقه
===
تسلق المعكرونه مع البهارات والزنجبيل والماجي والملح
تصفينها من الماء وتضعيها في وعاء عميق وتخلطينها مع القشطه والمايونيز والجبن حتى تتجانس
توضع المعرونه بالصينيه
ويوضع فوقها الزيتون والفلفل الاخضر والمشروم ثم الجبن
توضع بالفرن لما يذوب الجبن

 

[أمل_UAE]

رد : صينية معكرونية البيتزاااا / بالصور

ممم وايد حلو وانا مجربتنه من قبل
يسلمووووو

 

[*حبيبة زوجها*]

رد : صينية معكرونية البيتزاااا / بالصور

يعطيك العافيه

يا غاليه

 

[السفيرة عزيزة]

رد : صينية معكرونية البيتزاااا / بالصور

مشكورة بنت الكويت

بس وين الصور

 

[الشيف رقيقة]

رد : صينية معكرونية البيتزاااا / بالصور

في عندي طريقة مختلفة جربتها قبل فترة وجربتها بعد كوين، منقولة بس معكرونيا البيتزا هذي خطيرةةةةةةةةةةةةةةةة حدها مدها ، وبالصور

المقادير :-
---------

- مكرونيا حسب الكمية .

- طماطم مقطع شرايح رقيقة ( انصاف دوائر) .

- فلفل اخضر شرايح ( اعواد )

- زيتون مقطع .

- فطر شرايح .

- جبن موزاريلا .

- بصل اخضر اختياري .

- اوريجانو .

- صلصة بيتزا جاهزة .

- جبن سائل .

- القليل من المايونيز


الطريقة :-
---------

- تسلق المكرونة كالمعتاد وتنشف من الماء .

- يضاف اليها الجبن السائل والملح والفلفل الأسود والثوم البودرة وممكن تضاف م ك من المايونيز .

- تصف في صينية الفرن . وتوضع عليها صلصة المكرونيا او البتزا الجاهزة .

- توضع عليها شرايح الطماطم , والفلفل الأخضر .

- ممكن نضع ملعقة من الفلفل الأخضر الحار , اذا كانت المعدة اوكيه والقولون اوكيه .

- نضع الزيتون والفطر .

- ثم نرش جبن الموزاريلا عليه .

- نرش القليل من الأوريجانو على الجبن , حسب الرغبة بس تراه يطلع لذيذ معاه .

- وتوضع في الفرن الى ان يسيح الجبن قليلاً , ويفتح عليه من الأعلى .

وبالهنا والعافية


طريقة عمل الصلصة :-
---------------------
للي ماعندها صلصة جاهزة يمكن تعمل الصلصة كالتالي : ( الحقيقة الصلصة الجاهزة اريح و اسرع)

- بصل مقطع قطع صغيرة جداً ويفضل البصل الأخضر .

- يحمس بزيت الزيتون ثم يضاف الثوم المدقوق .

- تضاف الطماطم المطحونة وتترك حتى تتخثر الصلصة .

- يضاف الأريجانو وتتبل بالملح والفلفل الأسود .

- بإمكانك اضافة الصلصة الحمرا وانا عادةً اضيف لها القليل من الكاتشب والمايونيز والخردل .

- اخليها تتخثر بشكل جميل .

وتصبح عندك احلى صلصة .

 

[xxx]

رد : صينية معكرونية البيتزاااا

مشكورة رقيقه على الاضافه

 

[السفيرة عزيزة]

رد : صينية معكرونية البيتزاااا

مشكورين بنات

صج يشوق

بسويها ان شاء الله

 

[Dancing^Queen]

رد : صينية معكرونية البيتزاااا

انا جربت طريقه رقيقه
وسوتها مره ومرتين وثلاث
وطرشت حق ييرانا

 

[xxx]

رد : صينية معكرونية البيتزاااا

كوين

شكثر حطيتي جبن ؟؟؟

 

[الشيف رقيقة]

رد : صينية معكرونية البيتزاااا

بنوتة
حسب الرغبة الجبن ترى ،، وكل ماكان أكثر كل ماكان أحلى، وآنا خلطت وي المازوريلا شيدر طلع إينن

 

[Dancing^Queen]

رد : صينية معكرونية البيتزاااا

حطيت وايد انا من عشاق الجبن
ويا المعكرونيه بالسوس اللي تحت حطيت كرفت حسب الحاجه (ججبن سائل)
وفوقها ترسته غطيته كلللللللللللله وحطيت تشيدر


غير اني زدت بدال لا احط بس فلفل اخضر حطيت اخضر واحمر واصفر

 

[xxx]

رد : صينية معكرونية البيتزاااا

وااااااااااي

شهيتوني شكلها رووووووووعه

مايصير اخلط ويا المعكرونيه شوية كريمه ؟؟

تتوقعون تطلع لذيذه

 

[Dancing^Queen]

رد : صينية معكرونية البيتزاااا

انا خلطت وياها صلصه حمرا مالت المعكروينه ( دقوس ويا ثوم شوي وارجانو وايد وبهارات وشويه ايتاليان دريسنغ ةحمست بصل بزيت زيتون طبعا قبل لا اقل هالخلطه عليه وخليته تطبخ لين صارت ثقيله وبعدين حطيت ماجيه علي شويه ماي وخليتها تثخن) وصبيتها علي المعكرونيه وبعدين حطيت جبن كرافت
اشيل واغرف واخلط
لين شسفتها تشبعت رشيت عليها اورجانو
بعدين بديت اصف الطبقات اللي فوق

 

[^^دموع الكويت^^]

رد : صينية معكرونية البيتزاااا

شكلها لذيذة >>> وطريقتها سهلة

 

[Dancing^Queen]

رد : صينية معكرونية البيتزاااا

اي والله صج
وتبين شي اسهل بعد وبلا اتعبين عمرج
يبي بريوشه لاباريس العوده ( بالجمعيات)
وقسميها اثنين
وحطي خلطه البيتزا عليها وصفي الاغراض ( بس قبل دهنينها جبن شوي ومايونيز شوي)
وبس دخليها الفرن من فوق شوي وكفاا لله المسلمين شر القتال او ممكن تسوينها علي وحدات لاتوست نفسهم حق ريلج لي يه بالليل وقالج يوعان ابي سناك خفيفه اتهبل دقيقتين وبالماكرويف سيحي الجبن وبس

 

[xxx]

رد : صينية معكرونية البيتزاااا

وي احنا مدمنين بيتزا التوست والصمون والخبز >>>> من له خبق عجين

 

[نبــــــــــض]

رد : صينية معكرونية البيتزاااا

^^بنت الكويت^^
تسلم إيدك على هالطبخه

الشيف رقيقة
تسلم إيدك والله إنك شهيتيني اسويها على السحور

وكل عام وإنتوا بخير

 

[xxx]

رد : صينية معكرونية البيتزاااا

الله يسلمج

وقوليلنا شيصير معاج

 

[السفيرة عزيزة]

رد : صينية معكرونية البيتزاااا

مشكورة وايد وايد

صراحة الصينيه تهبل

سويتها حق القريش يوم الاربعا
عند اهلي خذوا المقادير و استانسوا عليها

سويتها يوم الجمعه حق الفطور عند بيت خالتي
تهبل انا كليتها مع ريلي
خخخخخخخخخخخخخخخخ
عادي

 

[xxx]

رد : صينية معكرونية البيتزاااا

عليكم بالعافيه السفيره عزيزة

سويتي الطريقه الاولى ولا طريقة رقيقه ؟