صينيه البيديان بالدياي الحامض حلو بناء على طلب الجماهير

[ريمه الكويت]

اولا نقصص البيديان شرايح دائريه ونقعها بماي وملح وبعدها صفيها من الماي واقليها بالزيت

وسوي الصلصه الحامض حلو

عباره عن 4 حبات طماط مهروسين مع فصين ثوم هارستهم وفلفل احمر حار الكميه حسب رغبتكم
ملح وحبه ماجي

نص جيس صبار منقع بماي حار ومصفي من الطعام
علبه معجون طماط

3 ملاعق كبيره شكر

الطريقه
اقلي الثوم مع الماجي بشويه زيت وبعدها احط الطماط المهروس واقلبهم

احط الصبار المنقع مع علبه المعجون طماط والفلفل الاحمر

لاتنسون الملح والشكر بالاخير مع اضافه كوبين الى ثلاث ماي مغلي

وانتو ضبطو الملح والشكر حسب مذاقكم

طبخيهم 5 الى 10 دقايق لما تثقل شويه



اخذي نص ديايه وسلقيها بماي وملح وبهارات عدله وبعدها قطعيها شرايح


اخذي صينيه بايركس وحطي ربع كميه الصلصه وعليها نص كميه البيديان




وحطي عليها جبنه مزرولا



وفوقها شرايح الدياي ورشي عليهم اوريجانو




وبعدها باجي البيديان والصلصه






دخليهم فرن حار نص ساعه او لما تتشرب اغلب الصلصه

طلعيها من الفرن وشكلي بالمايونيز خطوط بالطول والعرض على شكل مربعات ورشي بكل مربعه جبنه مازرولا



ودخليها بالفرن واهو مسكر بس على حراره الفرن علشان تذوب الجبنه



وقدميها هني ومري


وايد لذيذه مع الخبز او العيش والجبن يتمغط يهبل





والحمدلله


​

 

[جارة القمر]

تسلم ايدج


حبيبتي

 

[قلبي القرآن]

وااااااااااااااي عليج يا ريمه طباخه نمبر ون
تسلم ايدج بجربها شكلها حلو واكيد الطعم احلى​

 

[ريمه الكويت]

تسلم ايدج


حبيبتي

http://www.q8yat.com/redirector.php...live.com/default.aspx?rru=inbox&wa=wsignin1.0

هلا ومسهلا حبيبتي

 

[ريمه الكويت]

وااااااااااااااي عليج يا ريمه طباخه نمبر ون


تسلم ايدج بجربها شكلها حلو واكيد الطعم احلى​

هلا وغلا منورتنا بعد غيبه

 

[rymyy]

يمي

تسلم ايدج

 

[ام كوشه منكووشه]

يعطيج الف عاافيه عالوصفه شكلهاا حدهاا لذيذه
ان شاءالله قريب بجربها

ماشاءالله عليج مبدعه جربت لج من قبل صينه الدياي والطعم طلع خييال

تسلم الايادي

 

[cawcaw]

تسلم الايادي يام الطيييب

 

[الريشة]

تسلم إيدج
ما شاءالله عليج تبارك الرحمن :yaaaaaarb:

 

[نجاة80]

تسلم ادينج
عجبتني حركة المايونيز ... الله يعطيج العافيه

 

[أحلى همبه كويتية]

تبارك الرحمن
ربي يسلم ايدياتج الحلوة

بسويها من غير دياي

عجييييييييييييييييييييبة

واكيد بغوص فيها عدل ​

 

[أحلى همبه كويتية]

ريوم
انا سامعة ان المايونيز مو زين ينحط بالفرن
والله اعلم

 

[حلوة ومملوحة الكويت]

مشالله
تبارك الرحمن
بس هالاكله افضلهاا غدا
لانها دسمه،، عشان تنهضم
تسلم ايدج حبيبتي ،،،​

 

[78MariMar78]

تسلم ايدك ريمه

 

[ريمه الكويت]

يمي

تسلم ايدج

علا والله ولج عقد من الفل

 

[ريمه الكويت]

يعطيج الف عاافيه عالوصفه شكلهاا حدهاا لذيذه
ان شاءالله قريب بجربها

ماشاءالله عليج مبدعه جربت لج من قبل صينه الدياي والطعم طلع خييال

تسلم الايادي

بعد قلبي وايد اسعدني ردج

 

[ريمه الكويت]

تسلم الايادي يام الطيييب

بعد قلبي اخجلتوني

 

[ريمه الكويت]

تسلم إيدج
ما شاءالله عليج تبارك الرحمن :yaaaaaarb:

شكرا لج

 

[نهى الأحمد]

ماشاءالله تبارك الرحمن


شغل عدل مدل

تسلم هالايادي ريوووم

:eh_s(7)::eh_s(7):


طريقتها سهله

 

[ريمه الكويت]

تسلم ادينج
عجبتني حركة المايونيز ... الله يعطيج العافيه

اي تغطي حركه حلوه للطبق