صينيه دجاج بالخضار والزبادى والصلصه خفيفه جدا

[UNICORNA]

السلام عليكم :eh_s(8):

اليوم سويت صينيه دجاج بالخضار والزبادى والصلصه وحبيت اعرضها بالمنتدى من ضمن الاكلات والطبخات السهله

وتنفع حق المبتدئات:rerrerek:
واللى راح نحتاجه

دجاجه متوسطه_خضار_بصله_زبادى_صلصه_بهار وملح وفلفل

اول شى نجيب دجاجه ونقطعها لثمان قطع او اكثر لو انها كبيره ونتركها بجلدها لاننا ماراح نستخدم زيوت



اى خضار مشكل موجود فريش وكان عندى بطاط و جزر وكوسا وكولى فلاور (زهره_قرنبيط )



وبصله خضرا كبيره او بصله عاديه صغيره انا بالعادى استخدم البصل العادى ولمن لقيت عندى اخضر استخدمته لانه

يطلع الذ وانتى وكيفك يعنى اختيارى



والصوص اللى هو عباره عن ملعقتين زبادى وملعقه صلصه ومسطرده (اختيارى) واضفت ملعقه

ممسوحه روز مارى (اختيارى ) وفنجان ماى لتسهيل الخلط



وبالعادى اسوى زبادى وصلصه وملح وفلفل وبهار وقليل شطه وبس وتطلع كمان حلوه وممكن لوعندك قليل زعتر او روز

مارى يعنى انتى وكيفك وهذا هو الصوص

بليز انتظرو حتى اكتمال الموضوع

 

[UNICORNA]

وبعدين نضيف البصله على الخضار ونضيف عليهم نص كميه الصوص


والنص الباقى من الصوص نضيفه على الدجاجه او الديااااااااايه ياسلام عليا وانا احكى كويتى



وبعدها احط الخضار بصينيه بايريكس او طاجن ونضيف عليه كوب ماى كبير ونرص على الوجه الدجاجه بهذا الشكل



ونغطيها بفويل ونحطها بالفرن لمده ساعه او ساعه وربع وبعدها نشيل الفويل ونفتح الشوايه بعد ما نسكر الفرن

وهذا الشكل النهائى



وعلى فكره ممكن تزيدو غطاء زيت زيتون بس لا تكثرون لان الجلد بينزل زيت

وان شالله تعجبكم بعد ما تجربوها

باى باى:eh_s(8):

 

[ام زاكي]

يعطيج العافيه حبيبتي

شكلها حلو

 

[بعيده عن الكويت]

تسلم ايدج خوش شي

 

[@ Om Ali @]

تسلم ايدج

 

[حورررية]

تسلم ايدج

 

[جارة القمر]

مشكووووووووووووووووره



وتسلم ايدج

 

[فديت قلبه]

~ْ{...

يممممم يمي شكلهـآ لذيـذة ...}ْ~

 

[Snow angel]

ماشاء الله تبارك الله

روعه وسهله

يسلمووووووو هاليدين ياعسل

 

[UNICORNA]

مشكورين ياحبوبات وان شالله لمن تطبقوها تعجبكم اكثر

 

[Miss.6Mo7]

يعطيج العافيه ..

 

[كشموووشه]

تسلم ايدج