ضبطوني تكفون

[malyw9ef]

صبااااااااااح الخير يا احلى كويتيات :ggdw:


انا اخر الشهر بسافر لندن وسويت فيزا شينغل بعد

ابي شوركم خواتي انا اول مره اروح اوروبا مو عارفه شنو اسوي

وين اروح شلون استغل وقتي هناك ، فيدوني بالشوبينغ والوقت وين اروح

انا مابي بس شوبينغ ابي العاب حنيت للطفوله ودي العب واستانس

ودي اعرف وقت الليل يعني بعد المغرب يقولون ماكو شوبينغ عيل الناس شتسوي بهالوقت ينامون :bbbiu:

علموني الاسعار وقولولي شلون اضبط ميزانيتي

وهم ودي اشتريلي جنطه وساعه ماركه ، اي وحبيت اسألكم بعد ابي اشتري كاميرا الحين شنو تنصحوني اخذ

ادري مصختها بكثر اسألتي بس ما عليه تحملوني :ggdw:

يعطيكم العافيه :rerrerek:

 

[برونزيه شقرا]

وياج نفس الطلب
بروح 10 ايام لندن

 

[ميثا الغريب]

السلام عليكم

انا رحت رلندن مره وحده وقعدت فيها شهرين

الدول الاوربيه بالليل ما في محلا مفتوحه الا الملاهي والقهاوي

نصيحتي لج صيري في لندن نشيطه قعدي من الصبح تريقي وتمشي في المنطقه اللي حوالج وبعدين عندج شارع اكسفورد

وشارع ثاني نسيت اسمه اعتقد ريحنت ستريت لا تشترين اول يومين لين تعرفين المنطقه والاسعار وفي الويست فيلد

اما بالنسبه لللعاب في برايتون ومدن العاب كثيره في لندن ادخلي قوقل

بنسنه لليل ترا طويل وبارد روحي للبيدكاديللي عجيب هالشارع اذا معاج زوجج مو بروحج كله العاب مسارح اقعدي وتتطمشي

 

[@ كويتيه @]

اب اب

 

[لحضت ضعف]

انصحك اشترى كاميرا بالتوفيق

 

[malyw9ef]

يعطيكم الف عاااااااافيه

وووين الردود الطيبه ترا صج محتاجتلكم لان اعرف نفسي مسرفه حيييييل وددي استانس وما اضيع فلوسي ع اشيااء تافهه

اخاف اكو شي واتحسف

 

[عبير-الشرق]

حبيبتي ودي اسالج عن شغله انتي بتروحين لي لندن ليش مسويه فيزا شنغل لانها للدول الاوربيه الثانيه لندن فيزتها بروح

 

[malyw9ef]

اي يا قلبي انا بروح اول شي لندن خلصت سويت فيزت لندن بروح


وسويت ثانيه شنغل لأوربا ،،،،


عرفتي ما راح اقعد بس بلندن بستغل وقتي واروح جم ديره

 

[راعية_الجمس]

الوقت متاحر ودي ارد بس نعسانه اوديج بداهية باجر انشاءالله اكتب لج جدول شتوي حلووو من اسواق واماكن حلوه اذا الله عطانا عمر
تصبحون على خير

 

[malyw9ef]

فدددددددديتج نوم العوافي

نااااااطرتج يا قلبي ...

ووووواااااي اخيرا احد حس فيني تكفين مابي يضيق خلقي لان زوجي مليييييغ ما يونس حده كوفي شوب ويقعد

��

 

[عبير-الشرق]

افا عليج انا اضبطج باحلى جدول حجزي من شارع اجور رود رحله لباريس يودونكم ليور ديزني وتقعدون 3 ايام وترجعون وعندج بلندن الاوت لت فيه تنزيلات للجناط والساعات الماركه وعند مكاتب سياحيه بالاجوررود كلها عرب حجزي عندهم سفاري بارك وقريه برايتون لايطوفونج هالرحلتين وبلندن عندج لندن اي ومدام توسو والبيكاديللي والهايد بارك والريجينت بارك بس لو تحدديلي المده جم بتقعدين عشان اضيفلج جنييف بالرحله راسليني علي الخاص وانا حاضره

 

[الشيخه فطامي]

حبيبتي اخذي عندج

اول شي شوفي الفندق اللي حاجزينه وين مكانه ااذا ب marlybone مرليبون يعني قريب على اكسفورد ستريت اللي اهو السوق

بعدين عندج اجورود يفتح بليل حق المطاعم العربيه او الشيشه او في سينما

عندج bayswater او queensway هذا شارع تتمشين فيه يبيعون اشياء عن لندن تيشيرتات كابات شماسي على علم لندن او تحف عندهم جم محل هناك او في بولينق او في مطاعم

اذا تبين ملاهي لازم تتطلعين من الصبح او تاخذين قطار لانه مافي مكاتب سياحيه يودونج الا بالصيف
بالصيف المكاتب تتكفل توديج رحله الملاهي

عندج برايتون منطقه بره لندن تبعد ساعتين تقريبا تروحيلها بالقطار فيها ملاهي سالي الفندق يقولج من اي محطه قطار تروحين اوسوي سيرج nationalrail.co.uk هذا موقع محطه القطار
عندج التون تورز تروحين بالقطار بعد تبعد ساعتين تقريبا من لندن
ثورب بارك
بلاك بوول منطقه تبعد ساعتين او نص عن لندن تروحين لها بالقطار او تقدرين تحجزين فندق هناك لانه الملاهي مالتوهم تشترين تذكره حق 3 ايام تقدرين تستخدمينها او المنطقه تطل عل البحر فيها شاطىء

اغلبيه الملاهي فيهم فنادق تقعدين فيهها يومين او 3 بس ملاهيهم مو نفس ديزني طبعا

عندج فرنسا تقدرين تروحين لها بالقطار من لندن من لفربول ستريت ستيشن liverpool st station بال eurostar لي فرنسا 3 ساعات
او تروحين ديزني لاند اللي بفرنسا يمدحونه بس انا مارحتله

اذا بتروحين ملاهي اوالعب يبيلج ميزانيه حق تذاكر دخول الملاهي او الالعاب اللي داخل ببلاش مو كل لعبه تذكره الا العاب معينه
اذا تبين شوبينق روحي بستر فلج بره لندن بالقطار من مارلبون ستيشن اهو اوت لت حق الماركات

او الشوبينق بلندن عندج هارودز سيلفرجز

او سلامتج

 

[malyw9ef]

وووووواااااااااااي فديتكم

يعطيكم العافيه

 

[آتعــبني غـلآآك]

اب اب لعيونج

 

[ضي الغلا]

شوفي يا قلبي هذي الايام الشمس تغيب الساعه 4 العصر تقريبا انتي قبل لا تغيب الشمس روحي الحدايق و المتاحف و الالعاب و قبل لا تغيب بشوي روحي تسوقي


عندج شارع الاكسفور السوق يصك الساعه 8 باليل و في اكثر السوقه الشعبيه تصكر مع مغيب الشمس

و ميزانيت الشوبنق على حسب مشتراج يعني اذا انتي تشترين ماركه لازم ميزانيه ضخمه و اذا عادي يعني سوق شعبي ميزانيه عادي انا ما اقدر اقول لج اخذي المبلغ هذا او هذا لاني ما اعرف انتي شنو تشترين


والسوق عندج شارع الاكسفورد و عندج شارع اللي فيه هارودز و رجنت ستريت و بوند ستريت و شكثر بس نسيت اذا ذكرت اقولج

و السوق الشعبي عندج شبر بوش ماركت و عندج سوق السبت و سوق الاحد اللي في نادي ومبلي و نسيت عساني اذكر واقولج


وعندج الاوت لت يجنن كله ماركات و ارخص من لندن و من محلهم بواجد اصحج فيه بس دايم ما تلقين قياسات

و اي شي تبين انا حاضره قولي لي على الخاص

وان شاء الله اكون فدج لو بشي بسيط

 

[malyw9ef]

فدييييتكم والله

انشالله الاسبوع الجاي ماشيه لندن بقعد فيها تقريبا ١٠ ايام

وبعدين جنيف ولي الحين مادري شسوي وشخررررربط والجنطه مادري شنو احط فيها

وسمعت شي ضيق خلقي قالولي بريطانيا بس لج جنطه وحده صج هالحجي !؟؟؟؟؟؟؟

انا ناويه اشتري ولا تحاتين ميزانية الشوبينغ حاطتها ٢٠٠٠ دينار يعني مو زين اخربط واخر شي ما اقدر احطهم بالجنطه