(ضروري)،،،، بخصوص غسيل البطانيات والكفرات،،،،

[منارة الإيمان]

حبيبتى فى عندج عدة طرق .. وعليج الأختيار .. غير المصبغة الصراحة ما أثق فيهم ..

أما تشترين لج غسالة أتوماتيك 10 كيلو وفوق .. مثل أل جي أو داايو وتغسلينهم فيها ..

أو اذا عندج بانيو بالحمام عزج الله .. غسليه عدل بالكلوركس .. ثم نقعي الكنبل ولا الكفر بماء حاااار مع صابون منظف وفيه كوب من الكلوركس أو كلوركس بالألوان ..
بعدين غسلي بتحريكة باليد .. لبسي قلفز على إيدينج وفركي فيه .. ترى بسرعة ينظف .. وبعدين شطفي مايه .. وحطي مرة ثانية ماي نظيف وهم شطفيه .. المرة الثالثة حطي كمفورت مع ماي ونقعيهم فيه فترة ثم أشطفيه جيدا .. وخليه على كرسي نايلون لمن يتصفى من الماي ثم شريه بالشمس ..
شمي ريحته تهبل شهر وهو ريحته حلوة .. ولا غسييل المصابغ .. موفقه ..

 

[شانيل1]

:ada:

​

حبيبتي نصيحةلاتودين للمصبغة غسليهم بالبيت أحسن وأنظف بالبانيو

 

[توت وتين]

الله يعطيكن العافيه جميعا

 

[سعادة الوزيرة]

بنات فديتكم بغت اعرف شاحسن صابون لغسل الشراشف ,,,,,, انا خدامتي اقلبت الوان الكفرات على افتح وصار لونهم اجلح .....مقهورة كفراتي كلها من امريكا ...وحتى قماشهم كان حلو وناعم ...شتنصحوني باي صابون واشلون الطريقة ,,,

 

[Eng/thumbelina]

حبيبتي يبيلج غساله كبيرة انا عندي باناسونيك 12 كيلو ام حوضين حوضها وايد كبير تشيل بطانيات وعندي اوتوماتك سامسونج 8 كيلو اغسل فيها البطانيات الصغيرة والملابس

 

[om-farh]

انا عن نفسي جربت ال جي اتوماتيك بصراحه تهبل ماتخرب الملابس والاالكفرات

 

[al7lwa51]

والله أنا محتارة
بعد لان ماعندي مكان أغسل ولا أنشف
فيدوووني
يسلموووووووووووووا

 

[قيم واخلاق]

:yaaaaaarb:

 

[قيم واخلاق]

شاكرة لكم خواتى على ردودكم واقتراحاتكم وفعلا انا كنت اغسل البطانيات والكفرات بالبيت انقعهم بحوض كبير واحط عليهم اريال بس الحين كثرو ومسؤولياتى كثرت وانا اشتغل بالبيت بروحى ماعندى خدامة من غير اغطية الضيوف قمت اوديهم المصبغة بس والله مثل ماقالت اختى قمت اكش منهم راح اسوى بنصيحتكم واشترى غسالة ---لا خلا ولا عدم لكل من شاركت بموضوعى واالله يوفقكم دنيا واخرة

 

[العنقا77]

غسال البيت أنظف

 

[بيت التوت]

والله آنا مشكلتي البطانيات












عــــــنــــدي خـــــدم نــــــص دوام ............... ودورات تـــــــدريـــبـــيـــه للـــخــــدم

 

[al_gardenia]

انا والله شاريه غساله ال جي اتينننننننن حق غسال الكفرارت

ما احب المصبغه ولا احب ريحتهم عقب الغسال من شريت

الغساله ارتحت نفسيا

 

[ام بشورة]

حبيبتي انا صادف سكنت بشقة الباب الخلفي للمصبغة جدام بيتي . الله لا يوريكم وساخة الماي اللى يطلع من المدعاب مالهم وحاطين لهم بانيو واحد بالحوش يغسلون فيه
تبين نصيحتي. انا واحد من الحمامات ما نستخدمه اسكر البانيو واترسه ماي وشامبو على حسب اذا الكفر الوان او ابيض وادوس عليه برجلي وارجع اشطفه بالماي وادوس عليه وبعدين اشيله واحطه على حافة البانيو لما ينزل الماي كله واخيرا اوديه السطح انشره على المنشر الصغير ويكون مسفط طبقتين لما يروح الماي ويصير خفيف افتحه على كبره واشره على الحبل
والله يعطيج العافية

 

[أم سيف وسلطان]

انا اغسلهم في المصبغة وبعدني اوسوس

الاحسن تغسلينهن في البيت نقعيهن في الحوض و هبيهن في الشمس

 

[واحشني زمانك]

البطانيات الصغار اغسلهم فالبيت -بطانيات ولدي لانوكل يومين لازم اغسلها -اما الكبيره فمغسلة الملابس ويقولون مايخلطونها الله يستررررررررررر على الجميع

 

[bedour18]

طلعت هذي مو معاناتي بروحي !!!!!!!!!!!!!!!!!!!!

مشكورين بنات على نصايحكم المفيدة