ضروري ادخلوا عشان الوالده ربي يحفظها @@الله يفرج عنكم

[فديت أبوي وأمي]

السلام عليكم .......

بنات عندي الوالده الله يحفظها يارب .... عندها شيب في شعرها ....وعندها حساسيه في جلدها وماتقدر تسوي صبغه باالاكسجين ...

وصارت تسوي حناء ع شعرها ...

بس المشكله الشيب مو راضي يصير احمر ..... حطت كذا مره ع شعرها ولسى الشيب ماتلون وماصار احمر

بليز اللي تعرف اشلون يروح الشيب مع الحناء واش ممكن نضيف له ساااعدووووني؟؟؟

 

[حبيبه جاسم]

اب
اب

 

[دلع24]

في وحده تبيع حنه خالااتي وامي يحطوونه


يحطوونه الصبح وبالظهر يغسلوونه يطلع بني غااامج كانه صبغ

بس للاسف الرقم مو عندي لان هي تبيعه بضااعه بس اذا حصلته برسله لج برساله خااصه

 

[اللهم الجنة]

خل تعجنها بجاي وتحط مسمار مطحون راح يغمج لون الشيب
واذا ماتلون اخاف يكون الشعر فيه دهن فماراح يمسك اللون

 

[rose1989]

مثل ما قالت الاخت الي قبلي و خلطة الحناء لازم تكون شوي ثقيلة عشان تمسك في شعرها وخليها تغطي راسها بكيس نايلون وتلفة بشيلة قطن عشان الحرارة

 

[صمت العذاري]

الله يحفظها ويخليها لگ

 

[sakakir]

برأيي الحناء العمانية من اجمل انواع الحنة لكن لازم تكون صافية وغير مخلوطة بشئ فهي ناعمة على الشعر ولا تسبب في جفافه ولكن يمكنها تستخدم اي حنة ترتاح عليها .. و حتى يصبغ اللون على الشعر لابد من وسط حمضي مثل الليمون او الزبادي والبعض يضيف كركردي ..والآفضل عدم خلط زيوت وايا الحنة حتى لا تكون عازل يمنع صبغ اللون على الشعر .. وتتركين الحنة بعد عجنها بالمياه واضافة الزبادي او الليمون على الأقل اربعة ساعات قبل لا تستخدمينها .. ونتركها ستة ساعات ع الشعر ولابد أن تكون الحنة سميكة حتى تغطي الشعر بالكامل مثل طبقة .. وقبل وضع الحناء لابد يكون الشعر مغسول جيدا من الدهون والزيوت ومجفف تماما وبعد ستة ساعات تغسل الحناء بالمياه الجارية فقط تماما وتوضع الزيوت وثاني يوم تغسل بشامبو خفيف وتكرر الحنة كل عشرة الى خمسة عشرة يوما وسوف تصبغ تماما .. كما يفضل عدم استخدام الزيوت بكثرة على الشعر ..كذلك نجد من اقوى الحناء في اللون الحناء السودانية غير انها تجفف بعض الشئ .. وبالتوفيق للوالدة حفظها الله وحفظك ...

 

[سميره مملوحه]

نفس مشكله امي يابنااااااااااات امي تحسس من اللاكسجين ولا حطت حنه صار احمر

تكفون ساعدونا

ومالي داعي تحطون شي بالخاص نبي الكل يستفيد

نبي رقم المره اللي تبيع الحنه

 

[تبيني آرضى عليك]

خليها تحط مع الحناء مراميه او تعجن الحناءمع منقوع المراميه منقوع مو مغلي انتبهي
وتسوي منقوع مو مغلي انتبهي المراميه وتحطه بالثلاجه وتبخ منه بعد كل وضوء على كل شعرها وإن شاء الله الشيب كله يروح

 

[ام عبد العزيز م]

النبات ما قصرو

 

[عـيّــآره]

خلها تحني شعرها بالصالون هم يعرفون هالاسرار عاد عقب سالوهم شحطو بالحنه​

 

[تبيني آرضى عليك]

آآآآآآآآآآآآآآآآآآب

 

[اميره بكلمتي]

خليها تحط مع ألحنه نسكافيه او القرمز