حبيبتي اذا تبين الاكيد سوي التحليل اذا تعرفين احد بمستشفى الامراض الساريه احسن واضمن
وبعدين على حسب شنو نوع الوباء اللي فيه لان ينقسم الى اقسام a b c اقوى شي ال سي وغالبا مايكون هالوباء وراثه عرفتي يعني لما يسوي التحليل سالوا العايله منو فيه هالوباء اذا ماكنتو تدرون لازم كلكم تروحون تسوون الفحص لانه الوباء الكبدي معدي عرفتي خصوصا السي وعندج ال b هذا هم معدي و عن طريق الدم ولا عن طريق الجنس والمراة المصابه بهالوباء عادي تتزوج بس لازم اذا حملت اول ماتولد يقزون ولدها ابره وترا ماله علاج هالوباء كلش اذا خامل عادي مافي شي بس مراجعه كل جم شهر بس اذا الوباء نشط راح ياخذ ابر هذا اللي اعرفه بس انشالله اخوج مايكون فيه القوي ولا عالاقل يكون الخامل احسن ودام ماشفتو عليه اعراض انشالله مافي شي
بس اذا انتو مسوين التحليل بخاص ممكن يغلطون ؟؟ لان وحده اعرفها سوت بحكومه طلع فيها وراحت سوت بخاص قالولها مافيج شي وعقبها راحت الساريه ولا يطلع فيهااا يعني سووا اكثر من مره ولا بامراض الساريه اضمن لكم
واذا صج طلع بخوج الوباء لازم كلكم تسووون تحليل اذا مافيكم لازم تتطعمون 3 ابر تاخذين ابره وعقب 3 شهور ابره وعقب 6 شهور اخر ابره جذي
