ضروري حق اللي استخدمت إبرة الرئة للجنين ؟؟؟؟

[زمزم 2010]

السلام عليكم : شلونكم بنات عساكم بخير وعافية

الموضوع مبين من العنوان وبصراحة أول مرة أسمع عن إبرة الرئة لأن كنت أعاني من ولادة ميكرة وسبب وفاة الجنين بعد الولادة عدم اكتمال الرئة ويقولون هالإبرة تساعد على نمو الرئة إذا كان في احتمال ولادة مبكرة وأنا خايفة من الولادة المبكرة واستانست لما سمعت عن الإبرة .

فاللي أبي أعرفه ؟

شنو أضرارها هل لها أضرار للجنين والأم
مثلا إذا وحدة خافت من الولادة المبكرة وأخذتها على السادس وما ولدت إلا على التاسع هل تأثر

بنات أبي تجاربكم للي استخدمتها يالله طمنوني ولاتبخلون علي بتجاربكم.

 

[شهرزاااد]

ما عندي فكرة..ان شاء الله البنات يفيدونج
الله يتمم عليج وتشوفين ضناج بحضنج معافى سليم يارب

 

[زمزم 2010]

رد : رد: ضروري حق اللي استخدمت إبرة الرئة للجنين ؟؟؟؟

ما عندي فكرة..ان شاء الله البنات يفيدونج
الله يتمم عليج وتشوفين ضناج بحضنج معافى سليم يارب

الله يجزاج خير مشكورة على الدعوة الحلوة

 

[om jsoomi]

رد : ضروري حق اللي استخدمت إبرة الرئة للجنين ؟؟؟؟

الله يسهل عليج يارب حبيبتي
انا ولدني دكتوري قيصريه قبل مااكمل التاسع وعطاني الابره وحده الظهر ووحده بليل حمدالله لك يارب ماحصلت لي اي مضاعفات لا انا ولا البيبي ولله الحمد

 

[H.A.K.W]

حبيبتي هالابر أهي ابر استيروايد و وظيفتها انها تسرع من عملية نمو رئه
يعطونج اياها وقت الولاده او الطلق او اذا كانوا راح يولدونج مبجر
بس اذا ماكان فيج لا ولاده ولا طلق ما يعطونج .

حبيبتي لاتحاتين ولا توسوسين ، أنا نفسج حملتي اللي فاتت في بجري ولدت مبجر بال٢٥ اسبوع
وهم صار لي اللي صارلج ، وهذا حملي الثاني متوكله علي الله " من توكل علي الله كان الله حسبه "
وانشالله خير يارب*

 

[أم@الحلوين]

بالعكس واااااااايد زينه أنا عطوني اياها عشان كان عندي ولاده مبكره وياني طلق اخر السادس وعطوني الابره عشان لاسمح الله لو صار ولاده مبكره تكون الرئه مكتمله وانا ولدت بالثامن وحتى اذا ولدتي بالتاسع ما فيها اي مشكله
توكلي عالله واخذيها والله يثبت حملج ويعدي عليج وتقومين انتي والبيبي بالسلامه يارب

 

[غنوة ستايل]

ما لها اي اضرار
انا رفيجيتي اول العام اولدت بالفروانية على السابع . جتها الطلوق وعطوها من الابره
اعتقد مرتين خذتها او جرعتين والحمد الله بنتها مثل القمر ما عليها

 

[احب المنتدى]

رد : ضروري حق اللي استخدمت إبرة الرئة للجنين ؟؟؟؟

اعرف اكثر من وحده ولدوا بالثامن و اول يوم بالتاسع
لازم يعطونها ابرة الرئه قبل لايدخلونها غرفة الولاده


الله يسهل عليج

 

[هوازن العتيبي]

رد : ضروري حق اللي استخدمت إبرة الرئة للجنين ؟؟؟؟

هلا باالغلا انا جاني طلوق بدايه السابع ودخلت المستشفى وعطوني اربع ابر للرئه
ولله الحمد ماااافي اي مضاعفات والحمدلله الجنين تماااااااااااااااام وناطره بس جيت الغالي
انا الحين بالثامن باوله
ادعلي ان الله يتم حملي للتاسع وافرح بشوفه

 

[اللافندر79]

لا حبيبتي لا تخافين منها
أنا بعيالي كلهم خذيت الابره لان ولاداتي كلها مبكره والحمدلله عيالي ماحطوهم بالحضانه وهالمره بعد خذيتها وناطره الله يسهل علي
ابي منج دعوه
أني أولد طبيعي هالمره وانا والبيبي نقوم بالسلامه وصحه وعافيه

 

[بيبي بدر]

انا اخذتها بالسابع والدكتورة قالتلي عادي لو تكملين الشهر التاسع بس اهم شي تاخذينها عشان اذا جتج ولاده تكون الرئه مكتمله عنده

 

[ايمانو حلوة]

انا خذيتها بعد لان عندي حالات اجهاض وهي جرعتين وعبارة عن ابر كورتيزون هالابرة رحمة من الله

 

[زمزم 2010]

رد : رد: ضروري حق اللي استخدمت إبرة الرئة للجنين ؟؟؟؟

ما عندي فكرة..ان شاء الله البنات يفيدونج
الله يتمم عليج وتشوفين ضناج بحضنج معافى سليم يارب

مشكورة على دعوتج وأشكر مرورج

 

[زمزم 2010]

رد : ضروري حق اللي استخدمت إبرة الرئة للجنين ؟؟؟؟

الله يسهل عليج يارب حبيبتي
انا ولدني دكتوري قيصريه قبل مااكمل التاسع وعطاني الابره وحده الظهر ووحده بليل حمدالله لك يارب ماحصلت لي اي مضاعفات لا انا ولا البيبي ولله الحمد

الله يسهل على الجميع

 

[زمزم 2010]

رد : ضروري حق اللي استخدمت إبرة الرئة للجنين ؟؟؟؟

هلا باالغلا انا جاني طلوق بدايه السابع ودخلت المستشفى وعطوني اربع ابر للرئه
ولله الحمد ماااافي اي مضاعفات والحمدلله الجنين تماااااااااااااااام وناطره بس جيت الغالي
انا الحين بالثامن باوله
ادعلي ان الله يتم حملي للتاسع وافرح بشوفه

عسى ربي يسهل عليج ولادتج وما تولدين إلا بالتاسع وتجيبين أحلى كتكوت وتحطينه بحضنج وهو صحيح سليم معافى اللهم آمييييييييييييييييييييين
والله إني حاسة فيج

 

[زمزم 2010]

رد : ضروري حق اللي استخدمت إبرة الرئة للجنين ؟؟؟؟

يالله بنات أبي تجاربكم ولا يهونون اللي ردوا بس أبي تجارب عشان أتطمن والوضع يكون طبيعي

 

[H.A.K.W]

حبيبتي توكلي علي الله واخذيها
أنا اختي خذتها فبجرها لما كانت بالسادس و ولدت باالثامن
والحمدالله كاهي بنتها عمرها ٨ سنين ومافيها الا العافيه.

وانا من رأيي انج تستشيرين الدكاتره وتاخذين رايهم احسن وافضل واضمن لج !

 

[الجوررى]

حبيبتي الله يتمم عليج حملج ويقومج بالسلامة انتى والبيبي
انااخذتها مرتين بحمالى الاول بالسابع جانى طلوق وولادة واخذتها وماولدت الا بالتاسع
وبولادتى قبل سنه هم جانى طلوق بالسادس وفتح الرحم وعطونى اياها وربي ماكتب انى اولد الا بالتاسع الحمدالله
وكانى لا انا ولا عيالى فينا شي ولله الحمد
الابرة رحمة من ربى يعطونها للبيبيعشان تفتح الرئتين عنده ويقدر يتنفس لاسمح الله جتج ولاده
توكلى على الله وتذ

 

[الجوررى]

حبيبتي الله يتمم عليج حملج ويقومج بالسلامة انتى والبيبي
انااخذتها مرتين بحمالى الاول بالسابع جانى طلوق وولادة واخذتها وماولدت الا بالتاسع
وبولادتى قبل سنه هم جانى طلوق بالسادس وفتح الرحم وعطونى اياها وربي ماكتب انى اولد الا بالتاسع الحمدالله
وكانى لا انا ولا عيالى فينا شي ولله الحمد
الابرة رحمة من ربى يعطونها للبيبي عشان تفتح الرئتين عنده ويقدر يتنفس لاسمح الله جتج ولاده
توكلى على الله وتذكرى ان ربي اللى عطاج اياة بيجعله من نصيبج ان شاء الله
وان شاء الله تبشرينا بولادتج بالتاسع يارب

 

[ساندريلا]

اختي خذتها في نهايه الثامن او بدايه التاسع لان الدكتوره كانت بتولدها ولاده مبكره والحمدالله ولدت
لاتخافين حبيبتي