انا منزله موضوع في القسم عن الفندق اللي سكنته هالمره
اقولج سكني فيه وانتي مغمممممممممضه
اول شي اهو احدث فندق في القاهره
وشي فخم فخم فخم لدرجة الخيال
يلق يديد اشحلاته و الخدمه فيه 10 نجوم
والله تحسين انج ملكه
الفندق بروحه فيه لوبيين الطابق الارضي والسرداب وفيه دور للبوفيه الريوق و الغدا والعشا وبنفس الدور مطعم ياباني اينن
والدور اللي فوقه اسم br هذا فيه قعده خيااااااااااال عباره عن تراس كبير و شرررررح يطل على النيل دايركت وهو كوفي شوب وشيشه و جذي قعدته تينن
الحمام السباحه في الروف فوق كلش في دور اسمه سكاي
طبعا الغرف ماتنوصف من فخامتها و روعتها
بس انا اقولج احنا خذينا 2 كونيكتد وحده وبكنغ بد وال2 2 سنغل بدز بس كل فراش منهم كوين سايز
انا ويا امي كنا بالغرفه اللي فيها سريرين هذي الوانها فاتحه و شرحه اما غرفة اختي وعيالها اللي بالفراش الكبير الوانها غامجه يعني تقدرين تقولين مغمه شوي
اهما طبعا تعمدوا يسوون الوانها جذي عشان لو زوجين او معاريس راح تكون صج قمة بالرومانسيه والهدوء بس اختي كان معاها يهال فا كلش ماضبط معاها الموضوع ههههههههه
غير هذا كله حبيبتي لما تنزلين اللوبي اللي بالسرداب يطلغج على المول مال الفندق اللي اهو نايل ستي تاورز
واااااااااااااااااي شقول شحجي عن هالمول
اينن
من ارقى المولات في القاهره
فيه 6 صالات سينما و جدامهم ستاربكس وللعلم ستاربكس بهالمنطقه مو موجود الا بهالمول
بعدين دورين كله عباره عن محلات حلوه و ماركات في محل جناك شحلاته كلها ماركات اصليه طبعا مو تقليد دايما نشتري منه و في محلات ملابس عندهم دالي درس اينن بضاعته حللللللللوه اشبهه بزارا شوي بس على ارقى هم امي حبيبتي لازم كل مانروح مصر تشتري منه
وفيه الدو واكسيسوريز ومحلات نظارات ماركات ومحل ماركات هدوم يهال وفيه خوووووووش صيدليه كل شي فيها
المكان حده راقي حتى الناس اللي هناك كلهم طبقه هاي كلاس
وفي احلى مطعم عندي كاسبر اند غامبينيز اكله لذيييييييييذ وتوه فاتح بعد واغا ماما اللي ب360
وهم فيه كفيهين واحد قهوه و خفايف نفس طريقة ستاربكس وال2 بس برد و عصاير
المول اينن صراحه تخلي ان سكنتي بهالفندق تروحيله باي وقت
بعدين غير هذا لزيج الفندق على طول مجمع اركاديا كنا نروحله مشي مشيه 3 4 دقايق نوصل
الجو شحلاته ماتحسين فيهم
طبعا لا دشيتي اركاديا سيييييده روحي كارينا بالسرداي اينن منزل فناتق اشحلاتها خمينا منه خم انا و اختي و بنت خالتي
وهم في محل بالسرداب صاير بالزاويه كلش اخر محل بالممر راعيته مرا كبيره مصريه تينن حبووبه وتموت على الكويتيين بس اكسسواراتها خطيييييره انتيييك و كله شغل يدوي
وهم في محلات وااايد في حجاب خان اللي يبيع الجموم وهالسوالف
والدور السادس كله العاب يهال يونسون اذا معاج يهال
صراحه حبيبتي هالفندق ان سكنتيه بيغنيج عن الطلعه صج اذا كانت سفرتح قصيره ماراح تحتاجين تطلعين منه
ادري طولت عليج بس حبيت اعطي الرد حقه عشان تستفيدين
اييه الفندق اسمه فيرمونت نايل سيتي
وموفقه حبيبتي
