ضروري يامتغربات

[روحـي تـحـبـك]

السلام عليكم


سؤال لكل كويتيه متغربه


بالنسبه للغه (الانقلش) هل كنتي شطاره فيها يعني طلاقتكم حلوه ؟


وفي وحده تغربت واهي ميح بالانقلش ؟

 

[chanel N22]

هلا يالغاليه
انا بالانجليزي عادي بس اهنيه كلامهم سريع ولهجتهم غير
والحين داشه معهد لغه والحمدلله ماشيه ياقلبي
موفقه ياقلبي

 

[مجنونة حبه]

انا الحمدالله لغتي زينه بحكم انا مهندسه واشتغل بالجامعه فلازم انجلش بس صراحه انجلش بامريكا غير بس اتعودت اشوي اشوي

 

[روحـي تـحـبـك]

وي يبيله كورسات محادثه من قلب خخخ

الله يوفقكم يارب ويسهل عليكم ويهون عليكم غربتكم

 

[sashk]

الحمدالله ماكو اي صعوبه عندي ,, بس اانا متعوده عاللهجه الامريكيه و هني لكنتهم مقاربه للبريطانيه
ينرفزززززززون ! و عندهم مصطلحات خاصه فيهم مثل

TA !
انا قلت شنو تا هاذي ؟؟؟ طلعت : ثانكس لوووول
و TA MA
يعني : thanks mate

و GD DAY
يعني قوووووود داي

مادري ليش حجيهم امعوفس لووول

 

[ياشايل الظبى]

انا انقليزبتى كانت من ايام المدارس
بس بسرعه تعودت على اللهجه وتعلمتها من اختلاطى فيهم وبجيرانى
< بصحنها ومن شقه لشقه واتعرف عليهم هههههههههههههههه
حتى المكتب حق الشقق كل يوم رازه ويهى عندهم

 

[irresistible]

اللغة مهمة الصراحة شلون تبين تتفاهمين مع الشعب بس هم عندهم مصطلحات غريبة بس يعني المهم انج تعرفين شلون تتفاهمين وياهم شكلج حدج تحاتين