ضرووري يا مدرسات الروضه بليز بسرعه ردوو ؟؟

[لجلك سهى فكري]

السلام


يعطيكم العافيه


ضرووري بليز انا طالبه بالجامعه وعندي زياره ميدانيه للروضه

سؤالي ابي يعني شنو ( خبره ) لان الدكتور قال لنا اختارو خبره عشان تسوون درس واتبعي ا ((لاسس )) مالت الخبره

فا اذا ممكن احد يفيدني يعني شنو (( خبره )) وشنو (( اسس ))

والادراك - التذكر - المفاهيم >> يعتبرون خبره ولا لا ؟؟

واذا احد فادني ياليت يعطيني جم فكره عشان الخبره

وعطوني أمثله للخبرات

بس بليز ضرووري متوهقه

 

[معلمه2009]

رد : ضرووري يا مدرسات الروضه بليز بسرعه ردوو ؟؟

وعليكم السلام

الخبره اللي هي منهج الروضه يعني انا بمستوى ثانيه خبرتنا اللي خلصناها الحاسوب في روضتي والحين انا الانسان


ولاتحاتين الحين بكتبلج درس كامل تقدمينه لدكتورج لاتحاتين دقايق على ما اكتبلج الموضوع

 

[فرفوووره]

اختي الخبره يعني مثل الدرس يقدمونه للاطفال تكون مدت الخبره اسبوعين او ثلا اسابيع

يعني خبرة انا الانسان اللي اللحين بنخلص منها مثلاً اتكلم عن الانسان واعضائه والفرق بين الجنسين وغيره من هالسوالف يكون كل يوم نقدملهم معلومه جديده


وفي خبرات واااجد بس اعتقد لازم تلتزمين بخبرة الاسبوع اللي بتروحين فيه

يعني اذا الاسبوع الجاي بتروحين بتكون خبرة الناس يعملون من حولنا لمستوى ثانيه

 

[معلمه2009]

رد : ضرووري يا مدرسات الروضه بليز بسرعه ردوو ؟؟

بسالج انتي بتقديمنه عند الدكتور ؟؟؟ بالجامعه اووو بالروضه ؟؟

اذا عند الدكتور عااادي اي خبره تختارين وتشرحينهااا يعني درسي اللي انا كاتبته اشرحيه وانتي مغمضه
اما اذا لازم تروحين الروضه لا لازم تلتزمين بخبرة اسبوع بس اخذي القواعد والطريقه بالتفصيل وغيري الكلام

اول شي قبل لا نبدا الدرس بقولج الاسس
1- المنبه
2- تحقيق الهدف الاجتماعي والوجداني والسلوووكي
3-يقرأ الكلمه
4- تحقيق الهدف الحسي الحركي
5- التغذيه الراجعه

ولازم تدخلين الديني والوطني


نبدأ بسم الله

خبرة انا الانسان

هدف عقلي اجتماعي : يقرأ كلمة رأس
هدف اجتماعي وجداني : يهتم بنظافته الشخصيه
هدف حسي حركي : يسير بالقلم على كلمة راس


الدرس :

السلام عليكم يا اطفال
من يخبرني ما اسم اليوم
من يذركني ما اسم خبرتنا الجديده .. يقولون لج خبرتنا هي خبرة انا الانسان
قبل ان نبدا ماذا نقول ؟؟ اللهم علمني ماينفعني وانفعني بما علمتني وزدني علما

اطفال يوجد لدى المعلمه هدية جميله اتريدون ان تعرفو مابداخلها ؟؟ عاد سوي عنصر التشويق قولي لا لا مراح اقولكم
واخر شي جيبي اي طفل يبطلها ويقول قبل مايبطلها بسم الله الرحمن الرحيم

الله اطفال يوجد بها اشياء جميله (( قصدير - استكرس - صمغ- ريش )) ماذا يمكن ان نصنع بها ؟ وتسوين انتي وواحد من الاطفال لما تكونين شكل تاج

الله اطفال ما هذا يقولون لج تااااااااااج

اطفال من يلبس التاج ؟؟ البنت اين نضعه ؟؟ على راسناا الله اطفاااال <<<< اهني خلصتي المنبه

اطفال من يحضرلي صورة راس <<< تكونين حاطته باي ركن تبين

اطفال ماذا يوجد به الراس ؟؟ شعرررر كلنا نحط ايدنا على راسناااا

وشنو في ايضا ؟؟ عين كم عين لنا

وبعد ؟؟ انف
وبعد ؟؟ فم
وبعد : اذنان
اطفال منو خلقلنا هذا كله ؟؟ الله يالله اطفال كلنا نحمد الله لانه خلقنا في احسن صوره <<< مع بعض يقولون الحمدلله والشكرلله << ديني
احسنتمممممم

اطفال يوجد لدينا صورة جميله بجهاز العرض <<< صورة ولد يمشط شعره ؟؟

شنو يسوي الولد ؟؟ يمشط شعره يالله كلنا نقلده
من يحضرلي المشط ؟؟ يجيبونه من اي ركن
اطفال نقددر تخلي شعرنا كشه مانمشطه ؟؟ لاااااا
اطفال نقدر نقط المشط بالارض ؟؟ لاااا وين نحطه ؟؟ على الطاوله او بالكبت
شنو بعد نسوي ؟؟ نغسله بشنو ؟ بماي وشامبوو
اذا اطفال يجب ان نحافظ على مظافتناا الشخصيه <<<<<< اهني تكونين حققتي الهدف الوجداني والسلوكي
اطفال اذا غسلنا وخلصنا شنو نسوي بالماي ؟؟ نخليه مفتووح ؟ لاااا اذااا اطفال يجب ان نحافظ على مياه دولتنا الحبيبه <<< الوطنب




كلنا نشوووف صورة الراس << الراس حزين ويحتاج الى ماذا ؟؟ كلمه

تغنين وينج يالكلمه محتاجتلج الحين
عرض الكلمه << باي طريقه تبين
قرائتها جماعي بصوت عالي وواطي
قرائتها فردي
كتابتها بالسبوره خط كبير ولونه ازرق
وكتابتها خط صغير ولون احمر

ويقراها احد الاطفال ماهذه ؟؟ هذه كلمة راس وحجمها كبيير ولونها ازرق

وبعدين توزعين عليهم الاوراق تكونين كاتبه بايدج كلمة رأس ويمشون عليها بالالوان << حسي حركي

بعدين التغذيه الراجعه << عن طريق مسرح العرائس اطفال ماذا تعلمتم اليوم ؟؟
يقولون لج راس

شكرا شكرا يا اطفال


وانشالله اني افدتج واسمحيلي على الاطاله

 

[حجيه هيونه]

رد : ضرووري يا مدرسات الروضه بليز بسرعه ردوو ؟؟

اب اب اب

 

[لجلك سهى فكري]

رد : ضرووري يا مدرسات الروضه بليز بسرعه ردوو ؟؟

اشكر كل من علق على الموضوع

معلمه 2009
فرفوره
حجيه هيونه


وتسلمين وماقصرتي يا معلمه والدرس لا ما اقدمه بالجامعه اقدمه بالروضه طيب يعني كل الروضات يمشون على خطه معينه يعني الكل نفس الخبره بنفس الاسبوع

طيب يعني ما يصير اختار اي خبره واروح اقدمها وخلاص انا اللي يهمني اقدم اللي يبيه الدكتور واخلص

شاكره لج الرد ولاهنتي على الرد يعطيج الف الف عاافيه

والسمووحه منج

 

[معلمه2009]

رد : ضرووري يا مدرسات الروضه بليز بسرعه ردوو ؟؟

اي حياتي كل الروضات نفس المنهج


روحي لاقرب روضه عندج يعطونج ورقة الخبرات بالترتيب وحددي معاهم الخبره اللي تبين عشان تعرفين متى وقتها وتاخذين الاهداف اللي تريحج وتروحين تقدمين درسج اذا جا وقتها

 

[لجلك سهى فكري]

رد : ضرووري يا مدرسات الروضه بليز بسرعه ردوو ؟؟

معلمة 2009

الله يوفقج دنيا واخره ما قصرتي

يعطيج الف الف الف عاافيه ياارب

 

[توتــه]

رد : ضرووري يا مدرسات الروضه بليز بسرعه ردوو ؟؟

انتي بالجامعه منو دكتورج يمكن اقدر افيدج؟