ضعفتي بدون رياضة وجسمج ماترهدل .. حياج!

[Alia]

السلام عليكم:eh_s(22):

اللي سوت ريجيم ووصلت للوزن اللي تبيه وتعدت منطقة الخطر :eh_s(13):

بدون رياضة مستمرة !!

تقولي جسمها ضعف عادي وسريع؟ ولا ترهدل ؟؟ وشنو تغير عليها ؟؟

يعني التجربة بشكل عام مع السلبيات ؟؟:eh_s(6):

ويعطيكم العافية

 

[* مـذهـلـه *]

شوفي حبيبتي اذا كنتي بصحه و متبتبه و سويتي رجيم من غير رياضه ابشري بالترهلات ..

حتى لو ما تبين باللبس راح تبين بينج و بين نفسج بتحسين جلدج يترطرط <<<<< خوش شرح

مو ضروري تهلكين نفسج رياضه حتى لو ما عندج اجهزه تقدرين تمشين بالبيت لو ربع ساعه حيل تفيد او تصعدين الدرج و تنزلين المهم حركه و اذا ما تبين تسوين رياضه اقصى شي تقدرين تسوينه اشتغلي بالبيت نظفي خمي امسحي و راح تشوفين نفسج ضعفتي و جسمج انشد ..

شوفي الخدم على كثر ما يعلفون و لا يمتنون بس اول ما تجيبينها الوجه مصفوق و منصفط لكن من تقعد عندج شهر تعالي شوفي الوجه صار رغيف خبز الله وكيلج بس الجسم تمام التمام من الحركه ..


انا سويت رجيم و الحمدالله نزلت للوزن المطلوب بس ما كنت اسوي رجيم لحاله اسوي معاه رياضه و اذا كنت امل من الرياضه او اقعد جم يوم ما اسويها تلاقين احوس بالبيت اطلعلي شغل من تحت الارض انظف غرفتي اقلبها فوق تحت حتى الحمام تكرمين اغسله تحسين انج نشيطه و جسمج فيه حركه و اي شي تبينه ما تتعجزين تقومين تجيبينه لأ تصير عندج الحركه سهله ..
​

 

[سمو]

الترهدل هذا خو واقف عل الباب ما تقطعين الرياضه يومين او ثلاث الا شفتي

الجسم ترهدل ... واااي كله الا السيليوليت اووف قطيعه يلوع الجبد


تبين جسمج ينشد لابد ولزمن من الرياضه .. اي رياضه :eh_s(15):


ويعطيج العافيه

 

[Alia]

مذهلة خوش راح اتبع طريقتج لانها مو روتينية

..

سمو ياختج الرياضة مملة !! وانا ماحب كل يوم امشي

واحدة قالتلي 3 مرات بل الاسبوع تكفي صج؟؟

 

[poneta]

انا الحين حامل بس بقولج عن تجربتي مع الرجيم والرياضة الله يسلمج انا كنت متينة وفجأة طق في راسي اني ادش نادي بس اول الايام كنت كله عيزانه بس بعد اسبوعين تقريبا جان انطلق بتقولين اشطرا عليج بقولج تعرفت على بنات بالنادي وصارت السالفة منافسة بس شريفة وتشجيع واذا تبين تنخرطين التزمي بحصص الايروبكس وعلى فكرة ما كنت اسوي ريجيم يعني اتريق عادي واروح النادي العصر وارجع البيت المغرب يكونون شايليلي من الغدا يعني عيوش وهالسوالف وهاذي آخر وجبة باليوم
تدرين جم قطيت في 6 شهور 50 كيلو وطبعا مشدود لان كان وزني اوفر وايد متينة
والله يوفق الجميع

 

[Alia]

بونيتا شجعتيني اي نادي دشيتي ؟؟

مشالله 50 يبيلهم سنة بس مع الريتاضة يمكن اسرع

شنو كنتي تسوين غير الاروبكس؟ تمشين ؟

 

[ii DareeN ii]

الترط رط والترهل بشري تضعفين يترهدل تمتنين يزيد الترهدل ياريت ينشد انا والله ترهل عقب ماخقيت شوي وبدى يشد من الغزال الطائر والمساج والمشي

 

[Alia]

ياربي وبعدين مع الترطرط المشكلة الزنووووووووووود وبعدين معاهم !!:eh_s(13):

 

[عهود الحب]

حبيبتي


المشى يخلي الجسم مشددود



انا جربت كل شي



رياظة اجهزة نادي رقص خرابيط شخابيط كل شي يطري عليج


خلي المشي روتينج اليومي


لو ربع ساعه


صدقيني احسن لج من الالتزامات بنوادي واجهزة بس تخلينهم يترهل جسمج صج مولعب


المشي نصيحة اغلب دكاترة الريجيم


واذا موحابه الله الله بالرقص الشرقي وودعي الترهل


اهو المطلوب حركة وبس


خليها يومية وان شاءالله يروح ترهل جسمج

 

[عهود الحب]

ترى مشي ساعه بالممشى لمدة 3 مرات بالاسبوع او يوم وترك


حيل ينفع وموشرط يوميا

 

[Sporty G!rl]

السلام عليكم ...

الحل عندي :
اول شي الريوووق شي اساس للضعف عشان تحرقين سعرات حراريه

ثاني شي لازم تتغدين غدى مو دسم لحم وعيش للأأأأ لازم اكل صحي خالي او قليل من الدهون ...

ثالثا : ماكووووووو عشى ولا ككااااااااااااااااو الا قطعه صغيره باليوم ...

وسوي ريااااضه اذاااا قدرتي ...

وبتشوفين النتييييجه

 

[poneta]

والله حبيبتي عالية انا كنت ادش كلاس ايروبكس مدته ساعة + وامشي ربع ساعة + اقعد على القاري بعد ربع ساعة وسلامتج

 

[Alia]

سبورتي مشكورة ياقلبي وبونيتا ماقصرتي