ضعف التبويض وتاخر الدورة

[((نونا))]

مرحبا

لي اكثر من ست اشهر احاول احمل ومايصير الحمد للله

تبويضي كان طيب بس لسرعة الحمل اخذت ابرة تفجيرية وماراد ربنا

بعدها قالت الدكتورة خذي كلوميد عشان تكون فرصة اكبر للحمل واخذت الكلوميد مع الابرة

وماصار الحمل لان البويضه كبرت كثير عن الحجم الطبيعي والدكتورة الهبله اعطتني الابرة

قبل شهرين بطلت اي منشط قلت اتابع بس

تابعت الشهر الماضي وانصدمت من ضعف التبويض حجمها في اليوم 14 وصلت 10 ملم

صار جماع يوم 17 و20 بسسس

دورتي ماهي منتظمه اليوم لها 28 يوم مانزلت

الشهر الي فات 24 يوم ونزلت والي قبله 22 والي قبلها 27 يعني مافي وقت محدد

الحين احس بالالام زي الدورة واصوات ببطني واحس جوانبي وظهري ...

هل ضعف التبويض السبب وايش رائيكم اخذ حبوب تنزلها واتابع من جديد ولا انتظر تنزل

 

[لعبير]

ياقلبي هذي أعراض دوره بس تابعي مع دكتورتج الله يرزقج الذريه صالحه

 

[boliana_q8]

الله يرزقج حبيبتي
انا بعد نفس حالتج بس ليلحين ما اخذت منشطات
رحت امس عسل الشفاء بالسالمية وعطاني شغلة حق تقوية المبايض قالي اكله الصبح وبالليل
وبسألج زوجج مسوي تحليل حيوانات منوية؟
وانتي سويتي تحليل هرمونات؟
واشلون وزنج زايد ولا طبيعي

 

[((نونا))]

لا وزني مو زايد انا نحيفه

الله يسهلها يارب وشكرا لدعواتكم

 

[الوردة الرقيقه]

السلام عليكم / أن شاءالله الله يرزقج الذريه الصالحه
عليج بالصدقه
الاكثار من الاستغفار
دايما أدعي (رب لاتذرني فردا وأنت خيرالوارثين )
في سجودك
لازم زوجك يسوي تحليل الحيوانات المنويه
في وحده أسمها أم سعود تبيع عسل حق الحمل
جربته بنت أختي ورفيجتي وغيرهم وحملوا الحمدالله
وهذا رقمها24727020

 

[سعودية بالكويت]

الله يرزقك أختي بس لازم تتابعين عند الدكتورة

وتعرفين سبب تأخر الدورة وليش مو منتظمة قبل

لاتفكرين بالحمل لأن الأغلب سبب تأخر الدورة

تكيس المبايض بس أحسن شوفي مبايضك عند دكتورتك

أضمن لك عشان تتأكدين من سلامتها واللي يشفيك ويرزقك​

 

[jaaanooo]

شوفي حبوبتي لا تاخذين شئ .. خليها تنزل طبيعي حتى لو تاخره .. وما تدرين يمكن تكونين حاامل هذا شئ بيد الله

وروحي راجعي عند دكتوره ثانية احسن .. شنو مرا البويضه تكبر بزياادة ومره يصير ضعف بالتبويض .. قاعدين يلعبون فييج حسبي الله عليهم ...

 

[((نونا))]

شكرا ياحبوبات وان شاء الله اذا ربنا كاتبلي حمل الله يباركلي فيه واذا ماراد ربنا يعوضني

والحمد لله ع كل حال

 

[** باربي **]

خلاص وقفي شوي ريحي نفسج ومبايضج مو زين ورى بعض

 

[ابدا يالغالي مانساك]

حبيبتي شوفي اول شي
لاتفكرين بسالفة الحمل
وضبطي امور
ترتيب نزول الدوره وتنضيمها
عند دكتورررررررررتج
وتكون دكتور شاااااطره
لان لازو واهم شي ان كنتي تبين الحمل وربي يرزقج دورتج منتضمه
ويرزقنا اجمعين
وتراء فيه دكتوررررررات الله يهديهم بس يطقوووون ابرة التفجير ويعطونج كولوميد
لاين يصير فيج تكيس
اعرررف وحده جذيه ومافيه شي ومن كثر ابروة التفجير تقول صار فيه تكيس
ربي يرزقني ويرزقج
ويرزق الجميع