ضيفه بالكويت وعندي سؤال

[afaty]

oster_av1:

مرحبا بنات انا يايه الكويت باجر .. اعرف تاخرت فالسؤال بس وين اقدر احصل محلات القمصان الطويله العمليه ووين احصل محل اسمه zero بعد قمصان .. اريد الاشيا الي تكون صناعه محليه بس فالكويت
واريد leggings الوان بليييييييييييز ردو عليه ماريد الاشيا اللي فيها شغل اشيا ساده بسيطه واسعه لبس محجبات ساتر اعرف ما بتبخلون عليه

 

[بنت الغلا كله]

حبيبتي حياج الله بديرتنا ...................وآنننننننننننننننننننننننننا راح اسهل عليج المشوار مالج إلا سوق السالميه فيه كل اللي تبينه .واكثر الخليجيين دايما نلاقيهم فيه .وعليج بالعافيه مقدما

 

[لوازم العائلة]

سوق السالميه
في مجمع اسمه منيره سرداب اسمه فاشن مل طبي وتخير من هاليغنزات
وبالنسبه للقمصان الطويله
السالميه
مجمع النقره بحولي
المهلب
سوق شرق
سوق المباركيه

 

[3so0ola_94]

اذا تبين قمصان حق متحجبات طويلة وكشخة روحي أكسجين موجود بسوق شرق

 

[لوازم العائلة]

صج حياج الله بديرتج الثاني ونورتنيا

 

[afaty]

رد : ضيفه بالكويت وعندي سؤال

فديت بنات لكويت ياربي اعرف انكن ما تقصرن قصر الله الشر عنكم ان شاء الله ويزاكم الله خير

 

[غزالي وبس@@]

:eh_s(7)::eh_s(7):حياج الله حبيبتي بديرتج الثانيه بالنسبه للقمصان بتلقينها اكثر شي في سوق السالميه المعلم وهم عندج شارع سالم المبارك بالسالميه هذيلا كله محلات الكويت واللقن باكثر السوقه الشعبيه بالمباركيه ولا نفس ماقالت الاخت في فاشن مل ونفسه المعلم بتلقين فيه واي استفسار عندج احنا حاضرين لايردج الا كيبوردج

 

[afaty]

رد : ضيفه بالكويت وعندي سؤال

يا قلبي يا بنات لكويت فرحتوني وانقذتوني .. انزين ومحل اللي فيه القمصان مكتوب على ال tag ماله zero ويين تقريبا قمصانه عاديه ساده وقطعه خفييييييفه صيفيه ..

وشو جوكم اللحين يعني كم تقريبا درجة الحراره اشل لعيالي لبس قطن بس ؟

 

[afaty]

رد : ضيفه بالكويت وعندي سؤال

بليييييييييز ساعدوني سايره باجر

 

[bambena]

رد : ضيفه بالكويت وعندي سؤال

مجمع سندس

ومجمع النقره الشمالي

 

[الحبيبه الدبيبه]

مجمع السندس - مجمع المهلب
و علامة الزيرو اللي تقولين عنها هذا محل يبيع قمصان وتريننك سوت وبنطلونات موجود في مجمع العدساني بحولي بالسرداب

 

[om MaRyooM]

رد : ضيفه بالكويت وعندي سؤال

بتنور الكوييييييييييت حياكم حبيبتي



بالنسبة لمحل زيرو تلقينه في نفس المجمع اللي فيه المحاميد بالسالمية ..

وفي بعد اذا تروحين النقرة بتلقين طريقة القمصان اللي تبينهم واسعارهم وايد زينة

وبالنسبة حق الleggins بكلللل مكان تلاقينهم
اذا تبين سعر رخيص في بالمحاميد تحت كل الالوان

واذا تروحين الافنيوز محل pimpky موجود فوق تلقين في ليقنزات حلوة وخامتهم روعة

 

[afaty]

رد : ضيفه بالكويت وعندي سؤال

ثاااااااااااااانكس خواتي ماقصرتن

 

[غزالي وبس@@]

الجو عندنا متقلب بس عموما حلو شوي شوي ممكن اذا بتقعدون على البحر بالليل ولاتتمشوف يكون بريد اخذي معاج اسوترات خفيفه وملابس قطنيه بس تكون كم طويل ولا قمصان جذيه