ضيفه من الرياض وعندي اسئله

[*ستار*]

بنات الكويت الذويقات

انا ضيفه من الرياض جايتكم بعد كم يوم ان شاء الله

حابه اعرف وين احصل ميني جلابيه حلوه وراقيه واسعارها معقوله وجلابيات برضه ابس شي كشخه وحلو وراااااقي والسعر ابي معقول

سمعت عن عربيد الفروانيه طيب فيه محلات معينه؟

والبلوكات وينها فيه بالظبط لاني ماادل شي اول مره اجي

وعطوني اسماء محلات واسواق للجلابيات والميني جلابيه اروح لهم على طول خبركم مافي وقت

سمعت برضه عن الخياييط اللي يخيطون وينهم فيه وكيف اروح لهم وكم يوم وتخلص الطلبيه؟

ابي محلات حلوه وغريبه بالاسواق؟

وين تنصحوني اروح لاي سوق ابي اشياء مميزه وحلوه وغريبه وسعرها معقول وماابي براند ابي اشياءكم المميزه

ووين احصل مواعين حلوه وغريبه

اذا عندكم اي نصيحه لاي سوق والا لاي محل والا مطاعم اماكن اي شي قولوا لي اول مره اجيكم :wqedqw:

 

[ام الدرر]

حيا الله اهل الرياض
حبوبة مجمع العربيد بالفروانية خلف الجمعية مافي محل معين كلهم نفس الشي
روحي وانتي مغمضة اول ماتوصلين تشوفين الموديل وتختارين الالوان ويفصلون لج
ونفس الشي البلوكات هذا اسم سوق الاقمشة بالديرة (العاصمة)
وعنده بالدور الاول خياطين نفس طريقة العربيد وخلف البوكات سوق الصفاة برضو اقمشة وخياطين
تحصلين عندهم الميني دراعة والدراعة العادية
وسوق الصفاة فيه محلات تبيع دراريع جاهزة مثل التراث الهندي
وميسور <<<رخيص وموديلاته حلوة
سوق السالمية الاحمر عند دوار الجوازات كل شي فيه ملابس شيال احذية
وبالنسبة للمواعين الاسواق الشعبيه مثل
سوق المعلم -محلات صادق في حولي
سوق المحاميد -سوق السلطان -سوق الباشا في خيطان
وللترفيه
روحي المركز العلمي اكواريوم
المدينه الترفيهية
مطاعم اكل كويتي <<<فريج صويلح بالسالمية
مطعم الستينات
وللتمشية الافينوز مطاعم ومحلات نفس الخليج
و360 مول نفس الافينوز
ومرحبا مليون باهل الرياض ​

 

[زهرة الفردوس]

ام الدرر ماقصرت

 

[طمطومه الحمرا]

رد : ضيفه من الرياض وعندي اسئله

وعندج سوق جواهر بالفروانيه مسوين خصوماات

 

[*ستار*]

ام الدرر

ياحبيلك ماصرتي جزاك ربي كل خير :fun:

الله يحييك يارب وان شاء الله باروح للي قلتي

بس ميسور هذا سوق والا محل ؟

وسوق الصفاه وين مكانه عاد انا اموت بالتراث الهندي احب هالاستايل

وبسألك ياقلبي عن المباركيه وش فيها ابي اقمشه رجاليه وايش فيها لنا وللاطفال مدحوها لنا

وبرضه اذكر شي بالتقره ماادري سوق ماادري وشو صراحه نسيت

والله يحقق لك ماتتمنين يارب بالدنيا والاخره




زهره الفردوس

مشكوره يالغلا على المرور

 

[*ستار*]

طمطومه الحمرا

ياحبيلك مرررره شكرا وماقصرتي بس وش عندهم سوق جواهر يعني وش مميز فيه خابره مافي وقت



وبسألكم برضه متى مسيره هلا فبراير اللي بالشوارع


وابي برضه شقق حلوه وراقيه وسعرها معقول وموقعها حلو

انتظركم يااهل الكويت الطيبين:q8:

 

[*ستار*]

بنات انتظركم على باقي الاسئله

 

[sharoo_e5]

ماشاء الله بنات الكويت كفو ووفووووووو

 

[* بنت المطر *]

لاتطوفج المعارض الحريميه كلها نسائيه ممنوع دخول الرجال

عندج برمادا الرقعي وعندج معرض افكاري بس عائلي بالري قراب هالمعرضين ع بعض وقراب ع الافنيوز

خليهم مع بعض بيوم واحد ..

وعندج بصاله الروضان بالمنقف بالمنطقه العاشره

وعموما الكويت الحين رووووووووعه بكل شي الجو لااله الا الله يهبل والاسواق كلها خصومات

وعروووض روووعه

وحياج الله

 

[افكاري]

هلا حبيبتي حيااج بمعرض افكاري متنوع

ويضم تشكيلة كبيرة من المشاغل المعروفة بالكويت والمتميزة ببدل الاستقبال والنفانيف والدراريع

تلاقين بالمعرض كل شي يخص المرأة

من ملابس واكسسوارات وشنط ومكياج وكماليات

حيااج الله وماتلقين الا اللي يسرج​

 

[<miss botamba>]

انا بخلي كل الاستفسارات

وبنط على المواعين


الكويت مافيها شي اصلن احنا انتعنى الرياض علشان المواعين

خصوصا محل المائده في سوق طيبه اعتقد او العويس ؟


امبيييه هناك المواعين اتهبل



ماكو نفسهم بالكويت


صج غالين بس حلوين !!


وماكو نفسهم بالكويت ..

 

[* بنت المطر *]

مس بوتمبه اسمحيلي حتى مواعينا حلوه كل شي بديرتنا وكل شي حلو

بعدين انتي بطينيه ههههههههههه والدليل ماتحجيتي الا بالمواعين :dddds: >> دعابه دعابه هههههههه

شوفي الاسواق الشعبيه تهبل مواعينها

 

[ام الدرر]

ام الدرر

ياحبيلك ماصرتي جزاك ربي كل خير :fun:

الله يحييك يارب وان شاء الله باروح للي قلتي

بس ميسور هذا سوق والا محل ؟

وسوق الصفاه وين مكانه عاد انا اموت بالتراث الهندي احب هالاستايل

وبسألك ياقلبي عن المباركيه وش فيها ابي اقمشه رجاليه وايش فيها لنا وللاطفال مدحوها لنا

وبرضه اذكر شي بالتقره ماادري سوق ماادري وشو صراحه نسيت

والله يحقق لك ماتتمنين يارب بالدنيا والاخره




زهره الفردوس

مشكوره يالغلا على المرور

ياقلبي ماسويت شي
ميسور محل تخصص دراريع واقمشة هنديه موجود بسوق الصفاة
وسوق الصفاة خلف البلوكات سألي اي احد بالبلوكات وين الصفاة بيدلونج ما يحتاج سيارة تمشين له
المباركية ما انصحج تروحين الا اذا بغيتي سرداب الشايع للمكياج الرخيص والاكسسورات وشغلات الصين
واالاقمشه الرجالية تحصلينه بالبلوكات فيه رجالي ونسائي
وملابس الاطفال سوق السالميه تحصلين البيجامات والترنقات والاحذية
النقرة
في حولي مجمعين النقرة الشمالي والجنوبي
انصحج بالجنوبي في القمصان الطويلة للطلعات طبعا خياط الكويت اغلبهم الا القليل وفيه محلات لملابس الاطفال
واي سؤال انا حاضرة اذا تبين رد سريع عالخاص اخاف انسى الموضوع
ومشكورة ياعمري على الدعوة ولك بالمثل ان شاءالله ​

 

[*ستار*]

بنت المطر - افكاري

مشكورين وماقصرتوا الله يعطيكم العافيه يارب


مس بوتمبه

انا ماابي مواعين تقديم وصحون كل وسفر ابي المواعين الغريبه يعني حصلت بسوق المعلم حقات التشيز كيك الصغار اللي

القاعده مفكوكه هذا مره كنت ابيها ولقيتها عندكم يعني اقصد مثل هالشغالات وشغلات منال العالم بس ماحصلت الرول اللي

يخلي العجينه شبكه دايخه عليه ولا ادري وين احصله

بنت المطر

الله يوفقك ويسعدك يارب كفيتي ووفيتي جعلك ووالديك وكل البنات اللي ردوا بالجنه يااااارب


بنات رجعت امس من الكويت روووعه الجو امس عندكم غيم ومطر والظهر طلعت الشمس عاد مشينا ماادري وش صا الجو بعدها

رحت المباركيه- البلوكات- سوق الصفاة-الحمراء والعربيد اللي بالفراونيه والاوقاف وسوق السالميه الاحمر

اكثر شي عجبني سوق السالميه لقيت محل للاطفال بضاعته سوريه روعه ذكرني بالماركات لامريكه وسعره حلو وبرضه

محل عجبتني بضاعته النسائيه والسوق يونس

وعجبوني الخيايط اللي بالبلوكات روعه شغلهم

العربيد ماعجبني ولا الاوقاف غالي صراحه الاوقاف

العربيد بلازا لقيت محل مره حلو بضاعته بس هو الوحيد صراحه

الافنيوز يجنن و360 كئيب صراحه ماعجبني بس محلاته حلوه بس ماارجع له مره ثانيه

الزهره رووووووعه الفنار حليو والمارينا مو مره عادي صراحه

محل درهي حلو بالافنيوز بس ماادري وين باقي فروعه عشان اذا جيت مره ثانيه

هذي جولتي باسواقكم

بغتيت اسالكم من وين تشترون الحجابات الغريبه والمميزه

ومشكورين وماقصرتوا حبيت الكويت واهلها صراحه:q8:

 

[سواري الليل]

فديتج والله حمدالله على سلامتج حبوبه

والكويت هم يحبونكم

قصدج الملافع المشجره في محلات مثل نوران وتوب شيك والحفار

عندهم ملافع ساده ومشجره وشالات

وهم في بالسالميه بالحوش محلات شكثر عندهم ملافع وشالات رهيييييييبه

واهيا تكون محلات للاكسسوارات والجنط والملافع وشغلهم دايما راقي وهم محل ساره يهبل

اذا جيتي مره ثانيه لازم تمرين الحوش والله يهبل واسعاره معقوله وهم عندج البيرق مارحتله صراحه بس يمدحونه وكويت مجك فيه حديقه وقعده عائليه حلوه

ومجمع الكوت رهييييب للتمشي في محلات حلوه بعد

بس مارحتي حق المعارض المعارض تحصلين شغل الحريم من دراريع واكسسوارات عندهم شغلات حلوه

والكويت بتشتاق لجيتج مره ثانيه

 

[*ستار*]

سواري الليل

الله يسلمك يارب:fun:

الحوش قصدك اللي قدام مارينا بلازا او فريج صويلح سمعت عنه كثير توقع الاقي حوش يعني سوق مسور بس لقيت محلات

بجنب بعض هذا هو الحوش والا انا غلطانه ناويه اروح له كنت بس مافي وقت ان شاء الله المره الجايه

والكوت كان ودنا فيه بس ماصار فيه وقت ان شاء الله المره الجايه برضه

ومعارض الحريم سمعت انها غاليه عشان كذا اختصرت الوقت والا ودي فيها ان شاء الله مره ثانيه امرها اذا صادف وقت

جيتي

والمحلات اللي قلتي لي عنها وينها فيها نوران وساره وتوب شيك والحفار ابي اي سوق عشان ادلها

وبغيت اعرف متى يصير السوق مثل كذا تخفيضات ابي صيفي باي شهر يعني سالت بعض المحلات قالوا على نهايه شهر 4

وبدايه 5 صحيح هالكلام انا استغربت ان مافي وقت محدد لتخفيضات يعني عندنا عاده بشهر 7-8 تخفيضات وبشهر 1

وبشهر 4

وببدايه شهر 5 كيف الجو بالكويت عسى مافيه غبار وحر ورطوبه جوكم يهبل بفبراير

ومشكورين يابنات الكويت صدق خوات الله لايحرمنا منكم يااااااااار ب

 

[<miss botamba>]

رد : ضيفه من الرياض وعندي اسئله

اممم شوفي في سوق لندن سوق شعبي نسيت اسم المنطقه بس اهوا صوب الري اعتقد

فيه هالسوالف للمواعين وعندج وراه سوق اسمه تافولا او ترافولا فيه سوالف فتافيت

وعندج تروفاليو بعد فيه وداخل تروفاليو في قسم مواعين مغربيه بس غااااليه

وعندج داخل مجمع الرايه هوم سليكشن شي جذي الاسم عنده مواعين كشخه بس هم بعد غااليه بس حلوه


....


شهر 5 يبدي الحر اصلن من شهر 3 بس يحتر الجو

الحوش موجود بالسالميه صوب المارينا موول بجانب مجمع منيره ومقابل محلات الصالونات ( الجمال الامريكي - النسائم .. الخ)

الحوش كله جواتي اشكال وألوان باسعار رخيصه بس انا ما احبه احسه جودته مش ولا بد بس شوفيه يمكن يعجبج


الخصومات نسيت متى بس انا الي اشوفه اكثر شي اخر السنه + فبراير


الحفار تلاقينه في المهلب بحولي بالسرداب

نوران بسوق شرق


بس اذا انتي تبينهم حق اكسسوارات

عندج المباركيه سرداب الشايع في اكسسوارات حلوه ... يمكن مو نفس التشكيله بس تلاقين عندهم


ملابس اذا تبين رخيصه .. سوق السالميه عندهم شغلات - النقره الجنوبي - الفروانيه الحمرا مول على ما اظن


هذول كلهم تلاقين فيهم ملابس رخيصه تكون خياط الكويت


واذا تبين معارض شوفي أرض المعارض بمشرف

هذا على طول يسوون فيه معارض

بس مو مثل معارض الحريم لاا غير

يعني مره يسوون معرض مصري كله بضايع مصريه

مره معرض سوري كله بضايع سوريه

جذي حلو امي تشتري منهم دراعات (المصري) وااايد حلوين

 

[سواري الليل]

هلا حبيبتي

الحوش قالتلج اختي مس بتوته اهو يم مجمع منيره على طول وبالعكس انا اخالف مس بطوطه بالنسبه لجودت الشوزات

بالعكس عندهم شغلات برازيليه والله ليلحين اكرفهم من خمس سنين وكعب بس والله مريحين يعني اكيد موكل المحلات شغل بوطقه لانه شكثر محلات جواتي تكرمين بدوخين هناك وترى موبس جواتي لا كل شي فيه ملافع بتحصلين نوران وهالمحلات واحلى منهم بعد هناك وفي محلات بالدواعيس اكسسوارات رهيبه ومكياج هنود بالعكس حيل حلو

والمعارض موكلهم غالين تلاقين المعقول انتي منتي خسرانه تطقين فره عند المعارض

الجو بالكويت يستحيل التكهن فيه يعني الاكيد انه جو حار لكن تفاصيله غير واضحة المعاله هههههههه جونا ماشالله يصدمج حده يعني ممكن يكون غبار وممكن صافي الله العالم لكن الاكيد مشمس وحار جا اما حار جدا جدا جدا هذي نص سته واول 8 درجات الحراره لاتطاق

بالنسبه لسؤالج عن الحفار وساره وتوب شيك هذيل تحصلينهم بأغلب المجمعات حتى سوق شرق بتحصلين يعني موشرط الاسم بس مثل ماقلتلج يكون محل جامع الاكسسوارات والشنط والملافع كل محل عنده شغلات حلوه بس اراقي حيل نوران رهيب

معرض مشرف يكون تجمع لمحلات ممكن اذا كان معرض العطور يكون محلات العطور والساعات والمكياج هناك وتكون عليهم عروض حيييييييييييييل حلوه بس حيل زحمه

وساعات يكون المعرض الصيني او السوري وجذي تكون بضايع من بره

 

[*ستار*]

مس بوتمبه

مشكوره والله يجزاك كل خير يارب ويوفقك ويسعدك بلدنيا والاخره

سوق لندن وين صاير بالظبط متى اعرفتي الوصف قولي لي الله يخليك عجبني

والتخفيضات ضاق صدري كنت مخططه على نهايه 4 قالوا يصير فيه تخفيضات

والاسواق والمحلات اللي قلتي لي ان شاء الله باللسته اذا رجعت لكم مره ثانيه بحول الله وقوته



سواري لليل

الله يوفقك ويسعدك بالدنيا والاخره يارب ومشكوره وماقصرتي لا انتي ولا مس بوتمبه ولا كل البنات الله يخليكم ياااارب ويحقق لكم

ماتتمنون بالدنيا والاخره واذا بغيتوا شي من الرياض انا حاضره

 

[حرم الوسيم]

يازين بنات الكويت
راعين فزعه