طاح الحبل السري ومازال ينزف :( ساعدوني

[FJ style]

السلام عليكم بناتووو

بنتي توها اسبوعين وطاح الحبل السري يوم صار عمرها 11 يوم

المهم انا انظفه وامسحه بالكحول بس لي الحين يطلع دم

انا عندي عيال قبلها بس ناسيه
هل المفروض يوقف الدم لما تطيح السره؟؟ والا هالشي طبيعي؟

 

[Espinoza]

اي لازم مايطلع دم..

اذا بعدها مانشفت السرة من داخل عادي وديها المستشفى "يجوونها" ماتاخذ السالفة ثواني

 

[FJ style]

الجوي يعورها ؟؟

 

[iTaLiyA]

حبيبتي لا تسكتين وديعا المستشفى شوفي شنو السبب خل يعطونها علاج
و ما تشوف شر البنوته

 

[شموخه وبس]

عادي بس اهم شي حطي له مسحه طبيه
خذي كذا وحده واعصريه ع سره كم يوم ويوقف ولد اختي كذا
مايحتاج مستشفي ولا شي
هذا طبيعي

 

[Winter Q8]

نفس الشي بولدي .. طاح بيوم 12 و عقب ظل تفرز مواد و يقولون لي عادي .. لين صار موعد طبيبه جواه له مايعور و لا يحس و لا يبجي شي بسيط عصاية ضعيفة و وقفت الافرازات و تسكرت سرته ..

 

[Espinoza]

لا اختي مايعور .. السالفة ماتاخذ ثواني ..

جذي تكون شغلة مثل الـstick وتحطها على سرة البيبي


انا بنتي "جووا" لها سرتها بالشفا

 

[دمثة]

هذا شام عطر الجرح حطي مره نقعيهاا وحطي داير مدار السره وينشف


والافضل وديها الطبيب يكويها تسكر

 

[FJ style]

مشكورييين وما قصرتو طمنتونياحاتي كلمة الكوي بس الحمدلله طمنتوني وباجر بوديها باذن الله

 

[أم حورية]

انا ولدي صار معاه جذي ،، حطيله البودر مال السرة اذا ما عندج اخذيه من الصيدلية قوليلهم بودرة السرة واستمري عليه مع الكحول لين ينشف

وان شالله ما عليها شر