وعليكم السلام اهليين
اصول اداره ماده دسمه شوي والماده لها كتابين في دكاتره يعطون كتاب وفي دكاتره يعطون كتاب ثاني ف انتي ع حسب اي كتاب تاخذين بس الماده يعني يبي لها حفظ عرفتي اما دكتور بشار مااعرف شنو نظامه والله
تأسيس واداره مشروعات موعارفه نظام الماده لان ماخذيتها بس دكتوره ايلاف من افضل الدكاتره وتضمنين عندها الa وتفهم الدكتوره بس انتي ألتزمي بالي تطلبه منكم وامتحانتها سهله
مراسلات عربي : الدكتوره طيبه وتينن ممكن تشوفينها اول ايام عصبيه بس عادي اهما جذي اول اسبوعين بس نظامها ماتحب احد يدخل وراها وياج نوت تكتبن اهيا تنقلكم الماده حلوه وسهله كلها عن الرسايل وانواع الرسايل امتحانها اختياري .../ اهتمي ان تكتبين وياها كل كلمه لان الأمتحان من الي تعطيكم تكتبونه ..
مبادى اقتصاد عبدالله العازمي ماده فهم اكثر من حفظ امتحانه اختياري ويسهل لكم الماده ويعطيكم مذكره اشتريها يبيعها ب 10 تساعدج للأمتحان وعليها بونص 25 درجه في اسأله تحلينها بالمذكره لو غلط الحل اهم شي ان حليتي وسلمته يعطيج 25 درجه زياده
اهما نظام الماده عليها 100 درجه تتقسم 50 امتحان فاينل و 50 اعمال الفصل
اعمال الفصل مقسمها 25 امتحان اول 25 امتحان ثاني
نظامه مثلا خذيتي بأول امتحان 16 وثاني امتحان 20 يعني الأمتحان الثاني احسن من الأول يزيد لج درجه الامتحان الأول يخليها مثل الأمتحان الثاني
يعني يحسب لج الأمتحان الأول خذيتي 20 والأمتحان الثاني20
صارو الحين انتي ماخذه 40 من50 هذي اعمال الفصل
حلو واذا شريتي المذكره راح تساعدج اول شي نظامها من نظام الأمتحان الي يعطيكم مثل الأسأله في اسألها نفسها حاطه وفي أسألها نفسها بس مغير الأرقام
ثاني شي الي قلت لج اسأله تحلينها يعطيج بونص 25 لو حلج غلط بس اهم شي ان حليتي وسلمتيه الحل يعطيج 25
يعني انتي ماخذه 40 من 50 اعمال فصل ويا 25 درجه بونص صرتي ماخذه 65
يعني باقي لج 15 درجه من 50 بامتحان الفاينل وتاخذين ال a
عقدتج مو
بس اهوا دام حليتي اسأله البونص الي عليها 25 راح تضمنين الa لان احنا مجموعه بنات في بنات درجاتهم اعلى بوايد وفي بنات اقل بوايد بس سلمنا الحل عطانا كلنا a
القانون الاداري وفاء الصباح : طيبه وتساعد بس ماتحب احد يدخل وراها الكلاس
مادتها تحسينها دسمه بس مسهلتها اهيا راح تطلب منكم كتاب وحاولي تنتبهين وياها بالشرح وتحددين ع الكتاب في شغلات مهمه حدديها اهيا الي راح تييبها بالأمتحان
والأمتحان اختياري اذا محاضرتج س 12 شوفي البنات الي محاضرتهم س 11 لان الأمتحان نفسه ساليهم عنه تضمنين عندها ال a انا خذيت a عندها
مبادى محاسبه الماده غثيثه شوي يبي لها اهتمام وتركيز انتبهى مع الدكتور او الدكتوره من اول ايام
بس ك تقدير كلي لجدولج حلو :ggdw: :eh_s(17)::eh_s(17): وربي يوفقج
