طالبات التجاري يقدرون يكملون بكالريوس!

[اللهم أعني]

السلام عليكم ورحمة الله وبركاته

سؤال من لديها خبرة في ذلك تجيبني

تخرجت من التجاري بنسبة نقطتين واثنين وسبعين تقريبا

انا ماودي بالوظيفة ودي أكمل ويكون حكومي وبدون فلوس لأن ظروفي المادية ماتسمح

شلون الطريقة وبالتفصيل الله يسعدكم​

 

[الماسة_21]

لازم اول شي اذا بتكملين بكون على حسابج وتيبين معدل عالي بعدها تحولين على حساب الحكومة وايد سووها

في حل ثاني
اذا كانت نسبتج مثلا بالثانوية تناسب المعدل المطلوب تقدرين تقدمين على شهادة الثانوية وتكونين مقدمة على بعثة داخلية اتوقع المطلوب 74.5 مو متأكدة

 

[أفرض هيبتي]

اتوقع بفتره قريبه راح يقرون البكالوريوس بالتجاري

وتقدرين تكملين فيه

 

[boofa]

هلا فيج اختي

ان شاء الله بيقرون البكالريوس

بس متى والله مادري ؟

 

[مطـــيــريهـ فـــوشيـــآ]

تووو الناس ليلحيين ماقرووه اهو على الكلام الي قالوه على الكورس الاول ...
ويمكن بعد سالفة المجلس تطووووووول السالفه لول
واكييييييييد حتى لو اقروو البكالوريوس في شروووووووووط

 

[اللهم أعني]

نسبتي في الثانوية بالستينات

يعني مافي أمل ؟؟

يعني الوظيفة وراي وراي .. الله يعييييييين

 

[**MiMi**]

قالوا راح يطبقون البكالوريوس و ينتقل التجاري الى العارضية السنة اليايه

 

[the mon]

97645098مستعد تدريس محاسبة 1 و2 ومحاسبة مخاز واقتصاد لجميع طلاب وطالبات الكليات التجارية والتعليم التطبيقي