طايح حظي!!! ما عندي حظ!!!

[يابختي]

انا الحمدلله مو ناقصني ولا شي بحياتي الا الحظ

ااااااخخخخخخ لو الحظ ينباع بس جان اشتري منه بالدرازن

الحمدلله على كل حال

ويه جان غلو اسعاره وصار ينباااع بالخش...

الحمدالله على كل حال..واهم شي الرضا والقناعة بقسمة رب العالمين


عاااد استنانس على ردودج...وناااسة انا محظوظة انج تردين علي

 

[}ice princess{]

انا اقولها لانه اكو شغلات وايد خاطري فيها و احس اهي اللي بتقوم عليها حياتي و ما تصيرلي وايد اتحطم و مسببتلي احباط و اكتئاب مو طبيعي للحين اعاني بس ما قمت اقول حق اللي حوالي عشان لا يملون مني مع انه مو بيدي بس بالليل اصك داري علي و ابجي لما راسي يصدع و انام
و ساعات انقهر ازياده اذا شفت ناس رديه و لما اقول رديه اعني هالكلمه يخذون اشياء في منتهى البساطه
مع اني وايد وايد اجتهد بس هاذا نصيبي
بنات بليز اللي عندها شي يساعدني من تجربه شخصيه لا تبخل علي بالخاص يمكن يعطيني دافع انا اقرا و اقول اذكار وايد يقولون لي عين بس ما شفت نتيجه و ادعولي
و الله يوفق الجميــع

 

[happy&single]

للاسف دايما تفكيرنا متوجه للغيبات ونسعد بتوجيه اللوم على الغير .. المهم مو آنا !!
ونادر ما نلقى واااحد يقول: "هذا ما جنيته على نفسي وما جناه علي احد "

قال تعــــــــالى :
"انـــــا عنــد ظـن عبــدي بــي"
"ادعـــــوني استجـــب لكــــم"
"ســــــــل تعطــــــــى"
"فان مع العسر يسرا ان مع العسر يسرا"

كم وحدة فينا بنات بذمكتم تفكيرا ايجابي اغلب الوقت ماراح اقول طول الوقت عشان ما ابالغ!!
كم وحده تحسن الظن بالله وانه بيعطيها الخير وبيرضيها اغلب الوقت!!
كم وحده تسأل الله بدعاءها وتلح بالسؤال حتى تحصل على ماتريد!!
كم وحده متأكدة وعندها يقين ان كلام الله حق عندما يعدج بالفرج بكل ضيق جلبتيه لنفسج!!!؟؟؟

تفكيرج يقودج لمصيرج ،، لا وجود للحظ والنحس .. شنو تفكيرج اهو اللي بتشوفه بدنياج