طبختي للحب مالي طبخه حدها سهلة ولذيذة دجاج بالخلطه السرية

[ليلو جبريت]

اليوم حبيت اشاركم بطبختي الخاصه طبعا هي بخلطه سرية لكن صدقوني لذيذة وتاكلون اصابعكم وراها


طبعا انا اجهز الدجاج قبل مدة عشان تتشرب الخلطه
فاذا كنت باسويها الساعه 12 الظهر اكون اليوم الي قبله االعصر منقعتها فالخلطه ومخليتها فالثلاجه
لازم تكون القطع منقعه فالصوص مده كافيه عشان تتشرب الصلصة وتكسب النكهه اما اذا حطيتوها بس ثلاث ساعات او اقل من 12 ساعه ماراح يطلع الطعم حلووو كلش

طبعا قطع الدجاج حسب عدد الاشخاص وبعد ماتغسلونها عدل تحطونها في مله غزيرة يفضل بلاستك او زجاج

وتسكبون عليها هذي الصوص كيكومان ترياكي

هالصوص هو سر النكه اللذيذة تقدرون تحطونه حتى على السمج وقطع لستيك يعطيكم نكهه انما ايه :rerrerek::rerrerek::rerrerek:

وتحطون صويا صوص وتلفون المله بنايلون وتخلونها فالثلاجه لي اليوم الثاني

اليوم الثاني تطلعون القطع وتاخذون صحن وتنثرون عليه لبهارات الي عندكم بهارات دجاج - كركم - فلفل - ثوم - وغيرها و تندوري وهذي علبته يعطي الدجاج لون احمر انا ماخذته من المعرض

وتدلكون الدجاج بالبهارات بعدين تاخذون صنيه للفرن وترصون القطع فيها لاتخلون القطع مقلوبه عشان لايتلصق اليلد في الصنية ويخترب الشكل
وتكتون فوقها الصوص الموجود فالمله وتحطونه فالفرن تقريبا تاخذ ساعه الا ربع وساعات ساعه
بعد نص ساعه من وجود الدجاج فالفرن ذوبي مكعب ماجي في كوب ماي حار وحطيها فوق قطع الدجاج وقلبي القطعه

انتوا جيكوا عليها متى ماتحسونها جهزت طلعوها من الفرن

واذا حسيتوها ما اكتسبت اللون ذوبوا شوية زبدة وقلبوها فيها بس قلبتين


الحين نجي لباقي المكونات
صوص الطماط الحار
اخذ طماط حسب الكمية الي ابيها واقطعها صغار صغار واحطها على نار هادئة واحط معاها مكعب ماجي اذا الكمية كبيرة وفلفل احمر مطحون وثوم مطحون وشوية بهارات دجاج وربع كوب ماي واقلب فيها لين تجهز

الخضار
احط شوية زبد والخضار واخليهم على نار هادئة وبعدين احط فلفل احمر مطحون

البطاط اقطعه مكعبات واسلقه وبعدين اقليه

ولاتنسون العيش الابيض المسلق عادي

وساعات اسوي سلطه معاه السلطه احط فيها كل الورقيات الموجوده
جرجير - خس - ملفوف - بقدونس - سبانخ - ارويد -بعد في وايد بس ماعرف اسمهم
وخيار - جزر - طماط - ورمان اهم شي الرمان يعطي طعم حلوو

وبس بعدين اصف الاكل فالصحن واقدمه لحبيب قلبي اخوي وهالطبخه اسويها بس يوم الجمعه لما يكون البيت فاضي وصدقوني طبخه سهله وحلووة والاهم اخوووي يحبها واول مايشم ريحتها يقووول شالريحة الحلوووة


وهذولا الصور

عاد ما اعرف ازين عدل عذروني

وهذي لما سويتها بالزبده
طلعت مو شي

وبث الله لايرويكم المطبخ بعد ما اطلع منه اعصار ضاربه ​

 

[•°أنـــفْــِـاسِ اَلِــــوُرَدِ°•]

يسلمووو حبوبة
تسلم إيدينك وبالعافية عليكم ,’
تحيتي لكِ

 

[۞ F A N T A S Y ۞]

شكلها حلوة و لذيذة ،، عوافي :eh_s(7):

 

[aṕriliå]

عليكم بألف عاافية

تسسلم يمناج ..

 

[حبر العيون]

يسلموووووووووووووووووووووووووووو

 

[أوراد التميمي]

يالبى قلبك

ما شاء الله طبخ سنع

تسلم الأيادي عوافي

 

[dalaly-angel]

ماشاالله شكلها يهبل تبارك الرحمن
تسلم ايدج حبوبه
عليكم بالعافيه

 

[احنا عشقناها]

يمييييييييييييييييييي

تسلم الايادي

 

[وايت اند بلاك]

تسسسسسسسسسسلم اايدج حبوبة
وعسااج ع القوووة

 

[Tom ♥ Jerry]

,،


انا كنت معزومه عندج على هالطبق
تسلم ايدج شكله واو و طعمه واو

 

[هــنــوف]

تسلم ايدج مشالله عليج والله جوعتيني تالي هالليل الله يسااااامحج بالعافيه حبيبتي

 

[زود الغلا]

شكلعها روووووووووووووعه شلون الطعم .

 

[ليدي الحاره]

يممممممممممم يمممممممممممم يم وااو

 

[vevaa]

يم يم شكلها مشهي تسلم الايادي

 

[ABEER FLOWER]

ماشاء الله

تسلم إيدج

و بالعافيه

 

[جارة القمر]

تسلم ايدج



وبالعافييييييييييييييية

 

[om.salem1]

تسلم ايدج حبوووبه

 

[عبير العنزي]

وآآآي

اتهبـــــــــــل اتشهـــي ..والله طلعتي طباخه ليـــــــــــوّل انا عبالي ماتعرفين تطبخين

بس جد الديايه شكلها يشهي ومتحمره عدل مدل اتهبل

ان شاء الله بجربها

بس الصوص هذا ماعرفه؟؟


يسلمـــــــــــــــــــــــــــــووووو عاشت ايدج

 

[ركاب الأصايل]

تسلم ايدج,,

وعليكم بالعافييه,,

 

[يازمان العجايب]

تسلم ايدج
احب الديايه لم يكون لونها جذي احس لذيذة
​