طبخ الذبيحه بالطريقه الكويتيه

[حرير28]

السلام عليكم

تكفون ياخواتي انا اسوي الذبيحه
وتطلع حبة العيش قصيره ولازقه مع انه احسن عيش اشتري ( كنتري / بوابة الهند )
وانا تجيني نقصه من الجيران ريحت طباخهم كله ماي ورد وهيل وزعفران وحشوهم يهبل ريحته وطعمه

وانا ريحة بهاراتي تجي زفره في العيش والحشو واللحم مع اني استخدم (جميع البهارات )
واحط زعفران وماي ورد وهيل ومايطلع مثل عيشهم


تكفون كل وحده تكتب لي طريقة طبخها للذبيحه ولاتقصرون مع اختكم

 

[جوويره]

نقعي العيش قبل الطباخ تقريبا ساعتين بماي فاتر مو حار ولا بارد

 

[تبيني آرضى عليك]

إن شاء الله البنات يفدونج

 

[حلمي الأمومة]

لاتكثرين الماي او مرق اللحم على العيش وسكريه بقصدير لحد مايتناشف الماي او المرق بعدين تخطين منقوع ماي الورد والزعفران على الوجه
ورشي على العيش هيل مطحون ناااااعم وردي سكري الغطاء وخليه خمس دقايق يتشرب العيش بماي الورد والزعفران والهيل يطلع طعم العيش وريحته تفتح النفس
طبعا هاذي طريقه أمي وخواتي أنا ما اسوي ذبايح ههههه

 

[جارة القمر]

حلمي الامومه



مشكوووووووووووووووووووووره




حبيبتي قبل ما تطبيخ العيش اشخلي الماي علشان تتخلصين من بواقي البهارات

 

[@ام يوسف@]

ااااب

 

[@شيخه@]

اااب

 

[@شيخه@]

قفشتين دهن
حطي بقاعة الجدر بصل بدوون بهارات
وحطي اللحم
وشغلي الجوله
كلهم مع بعض
وحطي ع اللحم مو الجدر بهارات حب مطحونه طحن خشن
نستخدم بهارات سعوديه حب من العطار
وحطي حبة دارسين وحبة مسمار وحده بس
وسكري عليه
اذا نشف الماي وسمعتي صوت الدهن
حطي هيل مطحوون قفشتين
وعقب خليه عشر دقايق تقريباٍ
حطي استكانة ماي ورد قبل الماي
خليه شوي
بعدين غطي اللحم بالماي مو تزيدينه حيييل
بعدين قفشتين بهارات بو سفينه الاخضر
وحطي الملح وخليه يطبخ
وجيبي شوي هيل مطحون وزعفران وشوي ماي ورد نقعيهم ع صوب
اذا استوا اللحم شيليه وحطي العيش اذا نشف تقريباً حطي الزعفران و..الخ
ع مكانين بالعيش
وحطي اللحم فوق

طبعاً تكونين مخلصه الحشو حطيه نص ع اللحم نص ع العيش عشان يتشرب الريحه

طريقة الحشوو

تحطين بصل بروحه بجدر او مقله 5-6بصلات ع كيفج
فايحه نخي مو حيييل ذايب
منقعه كشمش الكميه ع كيفج
اذا حمستي البصل بروحه ليما يطلع الماي اللي فيه
يصير لونه بني فاتح
تحطين شوي دهن
وماجي مكعب 2
وقليييل دارسين ولومي
تقلبينه
وتحطين معه الكشمش والنخي
تسوينه مبجرررر عشان يتسبك

وبسسسسس

 

[ملاك وكلي أخلاق]

up up up