اشلونكم بنات ان شاء الله بخير
اللي بكتبه لكم مو مشكله بإذن الله .. اعتبروها فضفضه
بالصيف أتملل من الدوام ونفسيتي كلش , القسم يفضى والغالب إجازه بس البنات اللي دايماً معاي موجودين مو طالعين إجازات..
صايره يومياً أتأخر ولا دشيت القسم نفسي بخشمي بالغصب أتكلم والبنات ملاحظين
هالحاله لا يتني لحد يشوفني أصير كرييييهه واااي
أحاول أضحك وأجامل بس ماكو فايده يبين قاعده أتصنع
أدري الحين بطبّوون فيني هههههههههه
وما أرد أتسنع الا لما آخذ إجازه , إجازتي تبدي الأسبوع الياي يوم الخميس بإذن الله مدتها 10 أيام
عاد اللي كاسر خاطري البنات واعليا شايلين همي وحاسين فيني شي حسبالهم منهم :eh_s(2):
اي وتذكرت ماحب أحد يسألني اشفيج شاللي مضايقج؟ وييييي عادي أهب بويه اللي جدامي وأعصب :rgewrg:
شفتوا اشلون عسره؟
هذا طبعي من صغري دايماً جذي إذا مليت أو شفت شي ما عجبني أو شي ملزومه فيه وماني قادره عليه فتره مؤقته
بس للأمانه ما أضر غيري , يعني هالوضع ينعكس على نفسيتي مو على غيري
الحمد لله على كل حال حمداً كثيراً
هذا اللي بقلبي وعارفه طبعي سلبي ومو مرغوب بس شسوي النفسيه آآآه من هالنفسيه
أيامنا يوم حلو ويوم مر
