طبقي اليوم بالصور ستيك اللحم مع صلصه الفطر+سوتيه الخضار والبطاط المقلي

[ريمه الكويت]

السلام عليكم

اول شي الستيك
تتبلين قطع الستيك من الصبح بصلصه الصويا ومعاها ربع كوب خل ابيض وبصل مبشور وفلفل اسود وملح وتتركينه الى قبل الغدا بنص ساعه


تشيلين الستيك من الصلصه واقليه بشويه زيت خفيف على نار متوسطه لااهي خفيفه ولاهي وايد عاليه( او اشويه على الشوايه الكهربائيه)

المهم شيلي الستيك وصفيه في صينيه بايركس
وبنفس الزيت لاتكبينه سوي فيه الصلصه عشان ياخذ نكهه اللحم
اقلي بنفس الزيت الفطر مع فلفل اسود وملح و نص مكعب ماجي بنكهه اللحم وملعقه وسط صويا صوص الخفيف

ذوبي كفشه طحين بقلاص ماي وصبيه فوق الصلصه وخليه يغلي لما يثقل صبي الصلصه فوق الستيك وحطينه 10 دقايق بالفرن لما تتشرب الصلصه قدميهم بصحن انا زينته بخبز العرايس

وتقدرين تحطين يمهم مكرونه اسبكاتي او عيش انا احب السوتيه قدمته مع سوتيه الخضار وبطاطه مقليه


بالعافيه_03BA:

 

[زيـنـه]

سهل و سريع .. تسلم ايدج .. و عليكم بالعافيه

 

[أم حيدر]

انا يوعانه وانا رجييييييم

شسوي بعمر اهئ اهئ اهئ

 

[FOSHIYA83]

لذيييييييييييييذ من وين تشترين الستيك وشنو اتقولين حق الريال ؟؟؟

انا ودي اروح اشتري بس ماعرف النوع الجيد

وهذي صورة منو بالتوقيع؟؟

 

[FOSHIYA83]

ام حيدر ترى الستيك حق الرجيم شكلج ماتدرين

 

[ريمه الكويت]

زينه الله يعافيج حبيبتي

 

[ريمه الكويت]

ام حيدر اشوي الستيك بالشوايه وحطي فوقها الصلصه تصلح للرجيم

 

[ريمه الكويت]

انا اشتريه من جمعيتنا فيه قسم للحوم ويبعونه مقصص وجاهز بصحون وفيه منه السميك ومنه الخفيف وتقدرين تقولين للبياع ابي ستيك وتطلبين مثلا كيلو يقطعه لج حسب رغبتج اكوناس تحبه متين لذيذ بعد بس ياخذ وقت بالطبخ الخقيق بسرعه يستوي

 

[ريمه الكويت]

الي بالتوقيع ماادري منو بس يقولون يمكن ايمان نجم

 

[ياحوبي لي]

ماشاء الله سهله وحلووه

نفسي اضبط الستيك دايما يحترق من برا وماينجح من داخل مع ان النار واطيه

يعطيك العافيه

 

[الجوهرة الكويتية]

تسلم الأيااادي صراحةه طبق من شكله لذيذ ،بس أشوف بالصوره نوع صلصة ياريت توضحين اختي اهي نفسها صلصة الصويا ولا نوع ثاني

 

[dectora 7elwa]

يعطيج الف عافيه واخذي هالوصفه السهله هديه مني اخذي قطع الستيك حتى لو كانت سميكه طقيها لين تخف حمسي بصل مع مكعب ماجي بمقلاة سميكه فيها زبده مخلوطه مع زيت حطي قطع الستيك وشوحيها لين تصير بنيه جهزي ماي مغلي مهم يكون مغلي صبيه على اللحم وحطي ملح وفلفل اسود حب وكم حبة مستكه غطيه بغطا زجاج وخليه على نار هاااديه لين يشرب الماي راح يصير وايد ترف ومستوي من داخل وبرة وذا شلتي من المقلاه شيلي الصلصه حطي شوية زيت وحمسي المشروم جربوا وادعوالي

 

[ريمه الكويت]

ياحوبي لي غلط تصغرين النار وانتي تقلين الستيك لانه يطلع الماي من الستيك ويخليه قاسي مايستوي لازم تسخنين النار زين بعدين تخلين النار على الوسط وتحطين الستيك وتقلينه دقيقتين اوثلاث على كل ويه وتقلبينه وبعدها صفيه بصينيه الفرن وحطي الصلصه الي تبينها وبالفرن ماياخذ منج اكثر من عشردقايق ويستوي وعلى فكره الستيك حلاته تشترينه طري مومثلج وتسوينه يطلع ترف

 

[ريمه الكويت]

الجوهره اذا تقصدين البطل الي وره الصحن هذي صلصه تايلنديه نفس الكاتشب بس فيه ثوم وفلفل حار وشويه فيها حلاه احب اغمس فيها البطاط والعرايس يعني تتقدم مع الاكل مثل الكاتشب

 

[ريمه الكويت]

يمييييييييييييييي دكتوره خوووووووووش وصفه وسهله انشالله بجربها المره اليايه

يعطيج العافيه

 

[Prada Girl]

ponapetite

 

[ريمه الكويت]

برادا مادري شقلتي بس منورتنا ههههههههههه

 

[عنايد]

خوووش

يعطيج العافيه

 

[$غــ(ز)ــل$]

تسلممممممم ايدج ياااريمه الكوويت
احب طبخاااااااااتج

 

[فوفو الدلوعه]

يسلمووووووووووووووووووووووووووووو